Numeros 2:2 - Jiñi Tsiji' bʌ Wen T'añ cha'añ Estudio

² “Pejtelel jiñi israelob la' chumlecob ti' joytʌlel jiñi Tabernáculo ba' mi la' tempan la' bʌ ti' mojt ti' mojt ti' t'ejl i bandera, yom mi' wa'chocoñob pisil bʌ i yotot ti' joytʌlel jiñi Tabernáculo ba' mi la' tempan la' bʌ.”

Numeros 2:2 Iomraidhean Croise

Numeros 1:50

mi caj a wʌq'ueñob ti' wenta levijob jiñi Tabernáculo ba' lotol jiñi Mandar yic'ot pejtelel mu' bʌ i c'ʌjñel tac yic'ot pejtelel añ tac bʌ ya'i. Jiñob mi caj i cuchob majlel jiñi Tabernáculo yic'ot pejtelel i bʌl, ya'i mi caj i melob i ye'tel yic'ot ya' mi' caj i chumtʌlob ti' joytʌlel jiñi Tabernáculo.

Numeros 10:14

Ñaxan tsi' techeyob i xʌmbal i p'olbal Judá yic'ot i bandera. Jiñi am bʌ ti' wenta cha'añ mi' pʌyob majlel jiñʌch Naasón i yalobil Aminadab.

Numeros 10:18

Che' jiñi tsi' techeyob i xʌmbal i p'olbal Rubén yic'ot i bandera. Jiñi am bʌ ti' wenta cha'añ mi' pʌyob majlel jiñʌch Elisur i yalobil Sedeur.

Numeros 10:22

Ti wi'il tsa' loq'uiyob majlel i p'olbal Efraín yic'ot i bandera. Jiñi am bʌ ti' wenta cha'añ mi' pʌyob majlel jiñʌch Elisama i yalobil Amiud.

Numeros 10:25

Ti wi'il tsa' loq'uiyob majlel i p'olbal Dan yic'ot i bandera, jiñʌch i yujtibal che' bajche' tsolbilob jiñi israelob. Jiñi am bʌ ti' wenta cha'añ mi' pʌyob majlel jiñʌch Ahiezer i yalobil Amisadai.

Numeros 2:1

Lac Yum tsi' pejca Moisés yic'ot Aarón, tsi' su'beyob:

Numeros 2:10

“Jiñi bandera ba' chumul Rubén ya' mi' caj i yajñel ti sur, che' bajche' t'oxbilob ti' mojt ti' mojt jiñi soldadojob. Jiñi yumʌl ti' p'olbal Rubén jiñʌch Elisur i yalobil Sedeur.

Numeros 2:3

“Mi caj i chumtʌlob ti' tojel i pasibal q'uiñ, ya' ba'añ i bandera Judá, che' bajche' t'oxbilob ti' mojt ti' mojt jiñi soldadojob. Jiñi am bʌ i ye'tel ti' tojlel i yalobilob Judá jiñʌch Naasón i yalobil Aminadab.

Numeros 24:2

Che' bʌ tsi' can q'uele pañimil, tsi' q'uele israelob che' bajche' añob ti' mojt ti' mojt. I yEspíritu Dios tsa' tili ba'añ Balaam,

1 Corintios 14:33

Come Dios ma'añic mi' mulan jiñi ju'ucña bʌ, cojach ñʌch'ʌl bʌ. Che' bajche' i tilel ti' tojlel pejtelel i cha'año' bʌ Dios baqui jach mi' tempañob i bʌ,

1 Corintios 14:40

Ti pejtelel chuqui tac mi la' mel, tojʌch yom melol.

Filipenses 1:27

Yom jach mi la' wajñel ti uts'at che' bajche' mi' cʌntesañonla i wen t'añ Cristo, che' jiñi mi tsa' j q'ueleyetla, o mi ma'añix tsa' j q'ueleyetla, mi caj cu'bin xuc'uletla ti jump'ejl la' pusic'al, che' temel mi la' cha'len wersa cha'añ mi' ñojpel jiñi wen t'añ,

Colosenses 2:19

pero ma'añic mi' yumañob Cristo, mach chuculobic ti' bʌc'tal Cristo ba' mi' tajob i p'ʌtʌlel i cha'año' bʌ Cristo, pejtelel i bʌc'tal Cristo tsuyulʌch ti' p'aquel tac yic'ot ti' chijil tac, mi' taj i colel ti' p'ʌtʌlel Dios.