Numeros 19:9 - Jiñi Tsiji' bʌ Wen T'añ cha'añ Estudio

⁹ Jiñi wiñic mach bʌ bi'bi'ic tic wut mi caj i tempʌben i tʌñʌl jiñi ña'al wacax cha'añ mi' majlel i much'chocon ya' ti' junwejlel tejclum ba' jochol pañimil; mi caj i lotob jiñi israelob cha'añ mi yotsañob ti ja' cha'añ mi' c'ʌn i sʌc-esañob i bʌ; jiñi majtañʌl jiñʌch cha'añ i ñusʌntel mulil.

Chol de Tumbalá Bible

⁹ Che' jini mux i tilel juntiquil winic mach bʌ bibi'ic tic wut cha'an mi' tempʌben i tʌñʌl jini wacax, cha'an mi' majlel i much'chocon ya' ti' junwejlel tejclum baqui sʌc pañimil. Ya' yom mi' lojtel cha'an mi' c'ʌjñel che' mi' sʌq'uesañob i bʌ israelob. Jini wacax jiñʌch majtañʌl cha'an i ñusʌntel mulil.

Chol: I T’an Dios

⁹ Che' jini mux i tilel juntiquil winic mach bʌ bibi'ic tic wut cha'an mi' tempʌben i tʌñʌl jini wacax, cha'an mi' majlel i much'chocon ya' ti' junwejlel tejclum baqui sʌc pañimil. Ya' yom mi' lojtel cha'an mi' c'ʌjñel che' mi' sʌq'uesañob i bʌ israelob. Jini wacax jiñʌch majtañʌl cha'an i ñusʌntel mulil.

Numeros 19:9 Iomraidhean Croise

Levitico 15:20

Pejtelel ya' ba' mi' ñoltʌl jiñi x'ixic che' woli' q'uel i c'am-ʌjel, bi'bi' mi' cʌytʌl. Che' ja'el baqui jach mi' buchtʌl, bi'bi' mi' cʌytʌl.

Numeros 19:13

Pejtelel mu' bʌ i tʌlben i bʌc'tal xchʌmel, wersa mi' sʌc-esan i bʌ, mi ma'añic tsi' sʌc-esa i bʌ, mi' bi'b-esan c tabernáculo. Jiñi wiñic mi caj i chojquel loq'uel ti' tojlel Israel, come ma'añic tsi' c'ʌñʌ jiñi ja' mu' bʌ i sʌc-esan. Bi'bi' mi' cʌytʌl, jiñi i bi'bi'lel mi' yajñel ti' tojlel.”

Numeros 19:17

“Jiñi bi'bi'o' bʌ la' i ch'ʌmob i tʌñʌl jiñi ña'al wacax tsa' bʌ puli cha'añ i tojol mulil, la' i yotsañob ti ja' ti jump'ejl poc' luchbil bʌ tilel ti ja' woli bʌ ti ajñel.

Numeros 19:18

Ti wi'il juntiquil wiñic mach bʌ bi'bi'ic mi caj i ch'ʌm hisopo cha'añ mi' ts'aj ya' ti ja', che' jiñi mi' caj i tsijcan jiñi pisil bʌ otot, yic'ot pejtelel mu' bʌ i c'ʌjñel ya' ti' mal jiñi otot, yic'ot ti' tojlel wiñicob año' bʌ ya' ti' mal jiñi otot, yic'ot pejtelel jiñi tsa' bʌ i tʌlbe i bʌquel xchʌmel, mucoñibʌl o xchʌmel, mi tsʌnsʌbil o che' jach tsa' chʌmi.

Numeros 19:3

Yom mi la' wʌq'uen jiñi motomaj Eleazar cha'añ mi' pʌy majlel ti ti' jiñi tejclum, cha'añ ya'i mi cajel i tsʌnsʌntel ti' tojel i wut.

Numeros 19:8

Che' ja'el jiñi tsa' bʌ i pulu jiñi ña'al wacax, mi caj i wuts' i pislel, mi caj i cha'len ts'ʌmel ja'el. Pero bi'bi' to mi' cʌytʌl tic wut c'ʌlʌl mi yic'an.

Numeros 6:12

mi' caj i sʌc-esʌntel tic tojlel cha'añ mi' ts'ʌctesan i ye'tel ti nazareo che' bajche' jayp'ejl q'uiñ tsi' wʌn ña'ta, mi' caj i pʌy tilel juncojt tʌñʌme' am bʌ jump'ejl i ja'bilel cha'añ mi' ñusʌbentel i mul. Jiñi ñaxan bʌ q'uiñ tac che' bʌ tsa' ochi ti nazareo ma'añix mi' ch'ʌjmel ti' wenta, come tsa' bi'b-esʌnti.”

Numeros 8:7

Jiñʌch bajche' mi caj a sʌc-esañob: tsijcañob ti jiñi ja' cha'añ i ñusʌntel mulil yic'ot ac'ʌ ti jujchintel i tsutsel i bʌc'tal; mi caj i wuts'ob i pislel, che' jiñi sʌc-esʌbilobix.

Numeros 9:13

Pero mi añ wiñic mu' bʌ i to'ol cʌy i bʌ che' sʌcʌch, che' ma'añic ba' tsa' majli cha'añ jach mach yomic i mel i q'uiñilel Pascua, che' jiñi mi caj i chojquel loq'uel ti' tojlel c tejclumob. Añ ti' wenta i mul jiñi wiñic come ma'añic tsi' yʌc'ʌ i bʌ che' bajche' ofrenda che' ti' yorajlel mi' cha'leñob q'uiñijel tic tojlel.”

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

2 Corintios 7:1

C'uxbibil bʌ quermañujob, lac cha'añʌch jiñi albil bʌ i t'añ Dios, jiñi cha'añ la' lac poc loq'uel pejtelel bi'bi' tac bʌ am bʌ ti lac bʌc'tal yic'ot ti lac pusic'al, la' lac bʌc'ñan Dios cha'añ ch'ujul mi la cajñel ti' tojlel.

Hebreos 7:26

Jesús jiñʌch c'ax ñuc bʌ la caj Motomaj jiñi yom bʌ lac cha'añ, come ch'ujulʌch, ma'añic i jontolil, sʌc i pusic'al, mach xmulilic, tsa'ix aq'uenti i ñuclel ti panchan;

Hebreos 9:13

I ch'ich'el tat wacax yic'ot i ch'ich'el alʌ chivo yic'ot i tʌñʌl ña'a wacax tsa' bʌ i puluyob tsa' mejli i poj sʌc-esʌbeñob i bʌc'tal jiñi bi'bi'o' bʌ che' bʌ tsa' tsijcʌntiyob ti' pam i bʌc'tal.