Numeros 19:7 - Jiñi Tsiji' bʌ Wen T'añ cha'añ Estudio

⁷ Jiñi motomaj mi caj i wuts' i pislel, che' ja'el mi caj i cha'len ts'ʌmel, ti wi'il mi caj i yochel ya' ti tejclum ba' tempʌbilob. Pero jiñi motomaj bi'bi' to mi' cʌytʌl tic wut c'ʌlʌl mi yic'an.

Chol de Tumbalá Bible

⁷ Che' jini mi caj i wuts' i pislel. Mi caj i cha'len ts'ʌmel. Che' mi' sujtel ti tejclum bibi' to mi' cʌytʌl tic wut c'ʌlʌl mi' bʌjlel q'uin.

Chol: I T’an Dios

⁷ Che' jini mi caj i wuts' i pislel. Mi caj i cha'len ts'ʌmel. Che' mi' sujtel ti tejclum bibi' to mi' cʌytʌl tic wut c'ʌlʌl mi' bʌjlel q'uin.

Numeros 19:7 Iomraidhean Croise

Levitico 11:24

“Cha'añ pejtelel iliyi bi'bi' mi la' cʌytʌl:” “Majqui jach mi' tʌl jiñi chʌmeñ tac bʌ alʌc'ʌl, bi'bi' mi' cʌytʌl c'ʌlʌl mi' yic'an pañimil.”

Levitico 11:25

“Majqui jach mi' lot chʌmeñ bʌ alʌc'ʌl, yom mi' wuts' i pislel, bi'bi' mi' cʌytʌl c'ʌlʌl mi' bʌjlel q'uiñ.”

Levitico 11:27

“Yom mi la' q'uel ti bi'bi' pejtelel bʌte'el am bʌ chʌnts'ijt i yoc, lot'ol tac bʌ mi' c'otel i yoc ti lum; majqui jach mi' tʌlben chʌmeñ bʌ i bʌc'tal, bi'bi' mi' cʌytʌl c'ʌlʌl mi' bʌjlel q'uiñ.

Levitico 11:28

Majqui jach mi' ch'uyben i bʌc'tal jiñi chʌmeñ bʌ bʌte'el, yom mi wuts' i pislel yic'ot bi'bi' mi' cʌytʌl c'ʌlʌl mi' bʌjlel q'uiñ: yom mi la' q'uel ti bi'bi'.”

Levitico 11:31

“Yom mi la' q'uel ti bi'bi' pejtelel ili bʌte'el tac mu' bʌ i ñijcan i bʌ yic'ot majqui jach mi tʌl che' chʌmeñix, bi'bi' mi' cʌytʌl c'ʌlʌl mi' bʌjlel q'uiñ.”

Levitico 11:32

“Che' ja'el ya' ba' mi' chʌmel jiñi bʌte'el, bi'bi' mi' cʌytʌl jiñi lum, mi te', mi bujcʌl, mi coxtal, mi pʌchi, yom mi' pojquel ti ja', yic'ot bi'bi' mi' cʌytʌl c'ʌlʌl mi' bʌjlel q'uiñ: che' jiñi cha' sʌc-esʌbilix.”

Levitico 11:39

“Che' añ juncojt bʌte'el mu' bʌ mejlel la' c'ux, mi tsa' chʌmi cha'añ i c'am-ʌjel, majqui jach mi' tʌlben i bʌc'tal, bi'bi' mi' cʌytʌl c'ʌlʌl mi' bʌjlel q'uiñ.

Levitico 11:40

Majqui jach mi' c'ux jiñi chʌmeñ bʌ alʌc'ʌl yic'ot majqui jach mi' ch'ʌmben majlel i bʌc'tal, la' i wuts' i pislel; bi'bi' mi' cʌytʌl c'ʌlʌl mi' bʌjlel q'uiñ.”

Levitico 14:46

Majqui jach mi' yochel ti jiñi otot che' ñup'ul, bi'bi' mi' cʌytʌl c'ʌlʌl mi yic'an.

Levitico 15:5

Majqui jach mi' tʌlben i wʌyib, yom mi' wuts' i pislel, che' ja'el yom mi' cha'len ts'ʌmel, bi'bi'ʌch mi' cʌytʌl c'ʌlʌl mi yic'an.

Levitico 22:6

jiñi mu' bʌ i tʌl jiñi tic'bil tac bʌ, bi'bi' mi' cʌytʌl c'ʌlʌl mi yic'an, che' ja'el mach mejlic i c'ux chuqui tac ch'ujul jinto che' bʌ tsa'ix i cha'le ts'ʌmel.

Numeros 19:10

Jiñi mu' bʌ i tempʌben i tʌñʌl jiñi ña'al wacax wersa yom mi' wuts' i pislel yic'ot bi'bi' to mi' cʌytʌl tic wut c'ʌlʌl mi yic'an. Jiñʌch xuc'ul bʌ c mandar ti pejtelel ora ti' tojlel israelob yic'ot ti' tojlelob jiñi ñajt bʌ ch'oyolob ya' bʌ chumulob la' wic'ot.”

Numeros 19:19

Jiñi wiñic mach bʌ añic i bi'bi'lel tic wut, la' i tsijcan ti ja' jiñi bi'bi' bʌ che' ti yuxp'ejlel q'uiñ yic'ot che' ti wucp'ejlel q'uiñ. Che' bʌ tsa'ix ts'ʌctiyi wucp'ejl q'uiñ i sʌc-esʌntel jiñi wiñic mi caj i wuts' i pislel, mi' cajel ti ts'ʌmel, che' jiñi cha' sʌquix che' mi yic'an.

Numeros 19:21

Jiñi cha'añ yom mi' jajq'uel ili mandar ti pejtelel ora. Che' ja'el jiñi mu' bʌ i tsijcan ti ja' cha'añ sʌc-esaya, wersa mi' wuts' i pislel ja'el. Che' añ majqui mi' tʌl jiñi ja' cha'añ sʌc-esaya, bi'bi' mi' cʌytʌl c'ʌlʌl mi yic'an.

Numeros 19:22

Pejtelel mu' bʌ i tʌl jiñi bi'bi' bʌ, bi'bi' mi' yajñel ja'el; jiñi mu' bʌ i tʌl jiñi bi'bi' bʌ wiñic, bi'bi' mi' cʌytʌl c'ʌlʌl mi yic'an.”

Numeros 19:8

Che' ja'el jiñi tsa' bʌ i pulu jiñi ña'al wacax, mi caj i wuts' i pislel, mi caj i cha'len ts'ʌmel ja'el. Pero bi'bi' to mi' cʌytʌl tic wut c'ʌlʌl mi yic'an.

Hebreos 13:11

jiñi c'ax ñuc bʌ motomaj tsi' ch'ʌmʌ ochel i ch'ich'el alʌc'ʌl ti Ch'ujul bʌ Ajñibʌl cha'añ i ñusʌntel mulil, tsi' puluyob i bʌc'tal alʌc'ʌl ti junwejl i ti' tejclum.