Numeros 19:2 - Jiñi Tsiji' bʌ Wen T'añ cha'añ Estudio

² “Jiñʌch c mandar mu' bʌ c su'b: Yom ma' su'beñob israelob cha'añ mi' pʌybeñetob tilel juncojt chʌchʌc bʌ ña'al wacax, mach bʌ añic i c'am-ʌjel yic'ot i lojwemal, maxto bʌ añic c'ʌmbil ti e'tel.

Numeros 19:2 Iomraidhean Croise

Exodo 12:5

Jiñi alʌc'ʌl mach yomic i p'ajomal, yom i tat jump'ejl bʌ i ja'bilel; mi tʌñʌme' mi chivo.

Levitico 1:10

“Mi jiñi majtañʌl mu' bʌ la' wʌq'ueñon, mi tʌñʌme' o mi chivo, yom i tat bʌ mach bʌ wis añic i c'am-ʌjel.

Levitico 1:3

“Mi jiñi pulbil bʌ majtañʌl mu' bʌ la' wʌq'ueñon, mi wacax, yom mi la' yajcan juncojt i tat mach bʌ añic i c'am-ʌjel. Yom mi la' pʌy tilel ti ti' jiñi Tabernáculo ba' mi la' tempan la' bʌ, cha'añ mic ch'ʌm.

Levitico 14:6

Ti wi'il mi' ch'ʌm jiñi cuxul to bʌ mut, yic'ot jiñi ch'ujte' yic'ot jiñi chʌchʌc bʌ chij yic'ot jiñi hisopo, mi caj i laj ts'aj ti' ch'ich'el jiñi chʌmeñix bʌ mut tsa' bʌ tsʌnsʌnti ba' woli ti ajñel jiñi ja'.

Numeros 19:1

Lac Yum tsi' pejca Moisés yic'ot Aarón, tsi' su'beyob:

Numeros 19:6

Ti wi'il jiñi motomaj mi caj i ch'ʌm ch'ujte' yic'ot hisopo yic'ot chʌchʌc bʌ pisil, mi caj i choc ochel ya' ti' mal jiñi c'ajc ba' woli ti pulel jiñi xña'a wacax.

Numeros 31:21

Jiñi motomaj Eleazar tsi' su'be jiñi wiñicob chajpʌbilo' bʌ ti guerra che' bʌ wolix i julelob tilel ti guerra: “Iliyi jiñʌch i mandar lac Yum tsa' bʌ i su'be Moisés:

Lucas 1:35

Jiñi ángel tsi' su'be: —Mi caj i tilel jiñi Ch'ujul bʌ Espíritu ti a tojlel. I p'ʌtʌlel jiñi C'ax Ñuc Bʌ mi caj i moset. Jiñi cha'añ jiñi ch'ujul bʌ alʌl mu' bʌ caj i yilan pañimil mux i pejcʌntel ti' Yalobil Dios.

Deuteronomio 21:3

Jiñi xñoxob ti jiñi tejclum lʌc'ʌl bʌ añ ba' tsa' tajle jiñi xchʌmel, mi caj i pʌyob tilel juncojt alʌ xch'oc wacax maxto bʌ c'ʌmbilic ti e'tel.

Hebreos 7:26

Jesús jiñʌch c'ax ñuc bʌ la caj Motomaj jiñi yom bʌ lac cha'añ, come ch'ujulʌch, ma'añic i jontolil, sʌc i pusic'al, mach xmulilic, tsa'ix aq'uenti i ñuclel ti panchan;

Hebreos 9:10

Ili waj yic'ot jiñi japbil tac bʌ i melbal jach wiñicob, mi' pocob ti ja', pero i yejtal jach jiñi mero isujm bʌ, che' mi' tilel jiñi isujm bʌ, mux i jilel i c'ʌjñibal jiñi yam bʌ.

1 Pedro 1:19

Pero mʌmbiletla ti' ch'ich'el Cristo letsem bʌ i tojol, che' bajche' juncojt alʌ tat tʌñʌme' mach bʌ añic i chʌmel mi i bi'bi'lel.

1 Pedro 2:22

Ma'añic tsi' cha'le mulil, ma'añic tsi' cha'le lot.

Apocalipsis 1:5

yic'ot ja'el Jesucristo, jiñi xuc'ul bʌ Testigo mu' bʌ i yʌc' ti cʌjñel isujmlel, jiñʌch tsa' bʌ ñaxan tejchi loq'uel ba'añ chʌmeño' bʌ; i yumʌch jiñi reyob ti pañimil. Cristo mi' c'uxbiñonla. Tsi' pocbeyonla loq'uel lac mul ti' ch'ich'el.