Numeros 18:7 - Jiñi Tsiji' bʌ Wen T'añ cha'añ Estudio

⁷ Pero jatet yic'ot a walobilob, mi caj la' ch'ʌm ti la' wenta la' motomajintel yic'ot pejtelel e'tel tac ya' ti pulʌntib, ya' ti' mal juntsajl pisil, mi cajel la' mel la' we'tel. Joñon tsa' cʌq'ueyetla la' c'ʌjñibal cha'añ ili e'tel che' bajche' la' majtañ; mi tsi' lʌc'tesa i bʌ wiñic mach bʌ añic i ye'tel la' wic'ot, mi' cajel ti chʌmel.”

Chol de Tumbalá Bible

⁷ Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Chol: I T’an Dios

⁷ Pero jatet yic'ot a walobilob, motomajetla. Xuc'ul yom mi la' mel la' we'tel ti motomaj cha'an pejtelel e'tel ti pulʌntib yic'ot ti juntsajl pisil. Tsa cʌq'ueyetla la' c'ʌjñibal cha'an ili e'tel. Mi tsi' yotsa i bʌ joch winic, mi' caj ti chʌmel, che'en lac Yum.

Numeros 18:7 Iomraidhean Croise

Exodo 28:1

Yom ma' wa'chocon Aarón, jiñi a weran temel yic'ot i yalobilob, Nadab, Abiú, Eleazar, yic'ot Itamar cha'añ mi' coltañetob cha'añ mi' melbeñoñob que'tel ti motomaj ti' tojlel i yalobilob Israel.

Exodo 29:9

Mi caj a cʌchbeñob i cajchiñʌc' Aarón yic'ot i yalobilob yic'ot mi caj a cʌchbeñob i pixintib i jol ti jujuntiquil, che'ʌch mi caj a sʌc-esañob Aarón yic'ot i yalobilob cha'añ mi yochelob ti motomaj ti pejtelel ora.

Levitico 16:2

Lac Yum tsi' su'be Moisés: “Su'ben a wʌscun Aarón, cha'añ mach yomic mi' yochel ya' ti Ch'ujul bʌ Ajñibʌl baqui jach bʌ ora ame chʌmic. Jiñi Ch'ujul bʌ Ajñibʌl jiñʌch am bʌ ti' junwejlel jiñi tsalʌl bʌ pisil, ya' ti' tojel jiñi Arca ba' mi' ñusʌntel mulil, come joñon mic pʌs c bʌ ti tocal ya' ti' pam ba' mi' ñusʌntel mulil.

Levitico 7:35

Ti pejtelel majtañʌl mu' bʌ c pulbentel, mi caj i yʌq'uentel Aarón yic'ot i yalobilob come tsa' c wa'chocoyob ti ye'tel ti motomaj;

Numeros 1:51

Ba' ora mi' ch'ʌjmel majlel jiñi Tabernáculo, añ ti' wenta jiñi levijob cha'añ mi' chejob yic'ot mi' cha' wa'chocoñob ya' ba' mi' la' c'otel ti jijlel. Mi tsi' lʌc'tesa i bʌ yam bʌ wiñic mach bʌ levijic, mi caj i chʌmel.

Numeros 16:40

Jiñʌch i yejtal cha'añ mi' ña'tañob pejtelel israelob, cha'añ mach yomic mi yochel joch wiñic mach bʌ i p'olbalic Aarón cha'añ mi' pulbeñon pom, ame che'ic mi' jilelob che' bajche' tsa' ujti Coré yic'ot jiñi tsa' bʌ i tsajcayob, come che'ʌch tsi' wʌn alʌ lac Yum ti' tojlel Moisés.

Numeros 18:20

Lac Yum tsi' su'be Aarón: Ma'añic mi caj c t'oxbeñetla i lumob jiñi israelob mi muq'uic caj cʌq'ueñetla chuqui añ i cha'añob. Joñon la' cha'añon yic'ot la' lumon ti' tojlel israelob.

Numeros 18:3

Muq'uix i jac'beñetob pejtelel chuqui ma' su'beñob yic'ot muq'uix i cʌntañob jiñi Tabernáculo, pero mach mejlic i lʌc'tesañob i bʌ ti' tojlel pejtelel jiñi ch'ujul tac bʌ mu' bʌ i c'ʌjñel ya' ti Ch'ujul bʌ Ajñibʌl ame chʌmicob, ame chʌmiquetla ja'el.

Numeros 3:10

Cojach Aarón yic'ot i yalobilob mi caj a wʌq'ueñob ti' wenta cha'añ mi' cha'leñob motomajintel. Mi tsi' yotsa i bʌ ti motomaj joch wiñic, mi caj i chʌmel.”

Numeros 3:38

Jiñi mu' bʌ caj i chumtʌlob ya' ti' tojel Tabernáculo ba' mi tempañob i bʌ ti' tojel ba' mi' pasel q'uiñ, jiñobʌch Moisés, Aarón yic'ot i yalobilob, añob ti' wenta i cʌntʌntel jiñi Ch'ujul bʌ Ajñibʌl ti' c'aba' jiñi israelob. Mi tsa' ochi joch wiñic ya' ti Tabernáculo, mi caj i chʌmel.

Mateo 10:8

Lajmesanla xc'am-ʌjelob, c'oq'uesanla año' bʌ leco bʌ i tsoy, techela ch'ojyel jiñi chʌmeño' bʌ, chocola loq'uel xi'bajob; ti la' majtañ jach tsa' aq'uentiyetla, ti majtañ jach yom mi la' wʌq'ueñob ja'el.

Juan 3:27

Juan tsi' jac'ʌ: —Ma'añic chuqui mi' tajob wiñicob, mi mach aq'uebilic ti Dios ti panchan.

Efesios 3:8

Anquese joñon mach ñucoñic che' bajche' yaño' bʌ i cha'año' bʌ Dios, pero tsa' aq'uentiyon que'tel ti yutslel Cristo cha'añ mic su'beñob gentilob jiñi wen t'añ, cha'añ mi' cʌmbeñob i ñuclel Cristo maxto bʌ laj cʌmbilic lac cha'añ,

Deuteronomio 18:2

Ma'añobic i lum che' bajche' i pi'ʌlob ti Israel, come lac Yum i wentajʌch i lumob, che' bajche' tsi' wʌn su'beyob.

Hebreos 5:4

Ma'añic majch mi' bajñel ch'ʌm jiñi ñuc bʌ e'tel, cojach jiñi mu' bʌ i pʌjyel ti Dios che' bajche' tsa' pʌjyi Aarón.

1 Pedro 5:2

Cʌntanla i tʌñʌme' Dios año' bʌ ti la' wenta, mach cha'añic xic'bebiletla, pero ti pejtelel la' pusic'al che' bajche' yom Dios; mach cha'añic ganar, pero cha'añ che' yom la' pusic'al,

1 Pedro 5:3

mach yomic mi la' chañ-esan la' bʌ ti' tojlel jiñi tʌñʌme' año' bʌ ti la' wenta, pero yom mi la' pʌsbeñob ti la' melbal bajche' yom mi' melob.