Numeros 18:3 - Jiñi Tsiji' bʌ Wen T'añ cha'añ Estudio

³ Muq'uix i jac'beñetob pejtelel chuqui ma' su'beñob yic'ot muq'uix i cʌntañob jiñi Tabernáculo, pero mach mejlic i lʌc'tesañob i bʌ ti' tojlel pejtelel jiñi ch'ujul tac bʌ mu' bʌ i c'ʌjñel ya' ti Ch'ujul bʌ Ajñibʌl ame chʌmicob, ame chʌmiquetla ja'el.

Numeros 18:3 Iomraidhean Croise

Numeros 1:51

Ba' ora mi' ch'ʌjmel majlel jiñi Tabernáculo, añ ti' wenta jiñi levijob cha'añ mi' chejob yic'ot mi' cha' wa'chocoñob ya' ba' mi' la' c'otel ti jijlel. Mi tsi' lʌc'tesa i bʌ yam bʌ wiñic mach bʌ levijic, mi caj i chʌmel.

Numeros 1:53

Pero jiñi levijob mi caj i chumtʌlob ti' joytʌlel jiñi Tabernáculo ba' lotol jiñi Mandar cha'añ ma'añic mi' tilel i mich'ajel Dios ti' tojlel israelob. Añ ti' wenta jiñi levijob cha'añ mi' cʌntañob jiñi Tabernáculo ba' lotol jiñi Mandar.”

Numeros 16:40

Jiñʌch i yejtal cha'añ mi' ña'tañob pejtelel israelob, cha'añ mach yomic mi yochel joch wiñic mach bʌ i p'olbalic Aarón cha'añ mi' pulbeñon pom, ame che'ic mi' jilelob che' bajche' tsa' ujti Coré yic'ot jiñi tsa' bʌ i tsajcayob, come che'ʌch tsi' wʌn alʌ lac Yum ti' tojlel Moisés.

Numeros 18:4

Mi' cajel i comol melob e'tel a pi'ʌlob a wic'ot, ti jujuntiquil mi' cajel i ch'ʌmob ti' wenta i ye'tel ya' ti Tabernáculo ba' mi la' tempan la' bʌ, pero mach yomic mi' lʌc'tesan i bʌ ti la' tojlel jiñi mach bʌ añic i ye'tel la' wic'ot.

Numeros 18:7

Pero jatet yic'ot a walobilob, mi caj la' ch'ʌm ti la' wenta la' motomajintel yic'ot pejtelel e'tel tac ya' ti pulʌntib, ya' ti' mal juntsajl pisil, mi cajel la' mel la' we'tel. Joñon tsa' cʌq'ueyetla la' c'ʌjñibal cha'añ ili e'tel che' bajche' la' majtañ; mi tsi' lʌc'tesa i bʌ wiñic mach bʌ añic i ye'tel la' wic'ot, mi' cajel ti chʌmel.”

Numeros 3:25

I yalobilob Gersón añob ti' wenta cha'añ mi' cʌntañob jiñi Tabernáculo ba' mi' tempañob i bʌ, mi' q'uelob jiñi otot tac yic'ot i majc tac, yic'ot jiñi pisil joc'ol bʌ ti ti' jiñi Tabernáculo ba' mi' tempañob i bʌ,

Numeros 3:31

Añob ti' wenta i p'olbalob Coat cha'añ mi' cʌntañob jiñi Arca, yic'ot jiñi mesa, yic'ot i yajñib ba' mi' ts'ʌjbel c'ajc, yic'ot jiñi pulʌntib tac, yic'ot ch'ujul tac bʌ e'tijibʌl, jiñi pisil yic'ot pejtelel mu' bʌ i c'ʌjñel tac.

Numeros 3:36

Añob ti' wenta i yalobilob Merari cha'añ mi' wen cʌntañob i tablajlel yic'ot i cucujlel, i chumte'lel yic'ot i yoyel jiñi Tabernáculo, yic'ot pejtelel mu' bʌ i c'ʌjñel tac cha'añ jiñi e'tel,

Numeros 31:30

Ti jiñi ojlil mu' bʌ i yʌq'uentel israelob, mi caj a loc'san juntiquil ti jiñi lujuntiquil i yuxc'al tac xch'octacob, che'ʌch ja'el mi caj a loc'san ti jiñi tat wacax, ti jiñi burro tac, ti jiñi tʌñʌme' tac yic'ot ti pejtelel alʌc'ʌl tac; mi caj a wʌq'ueñob jiñi levijob mu' bʌ i cha'leñob e'tel tic Tabernáculo.”

Numeros 4:15

Ti wi'il Aarón yic'ot i yalobilob, che' bʌ tsa'ix ujti i mosob jiñi Ch'ujul bʌ Ajñibʌl yic'ot pejtelel mu' bʌ i c'ʌjñel ya' ti Ch'ujul bʌ Ajñibʌl, che' muq'uix cajel i techob i xʌmbal jiñi israelob, mi caj i tilelob i yalobilob Coat cha'añ mi' ch'ʌmob majlel, pero mach yomic mi' tʌlob jiñi ch'ujul tac bʌ, ame chʌmicob. Jiñi e'tel mu' bʌ caj i melob i p'olbalob Coat jiñʌch cha'añ mi' ch'ʌmob majlel jiñi Tabernáculo ba' mi la' tempan la' bʌ.