Numeros 18:12 - Jiñi Tsiji' bʌ Wen T'añ cha'añ Estudio

¹² Jiñi olivo aceite yic'ot jiñi tsiji' bʌ i ya'lel ts'usub yic'ot trigo, pejtelel jiñi wen yajcʌbil tac bʌ, jiñi ñaxan tac bʌ i wut pʌc'ʌbʌl, mu' bʌ i yʌjq'uel ti' tojlel lac Yum, la' cha'añʌch tsa' cʌq'ueyetla.

Chol de Tumbalá Bible

¹² La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

Chol: I T’an Dios

¹² La' cha'añʌch ja'el jini ñaxan bʌ i wut pʌc'ʌbʌl jini c'ax wen bʌ mu' bʌ i yʌq'ueñoñob: jiñʌch aceite olivo, yic'ot i ya'lel ts'usub yic'ot trigo.

Numeros 18:12 Iomraidhean Croise

Genesis 27:28

La' i yʌq'ueñet Dios jiñi ye'eb tilem bʌ ti panchan yic'ot wen bʌ lum, yic'ot ca'bʌl trigo yic'ot ca'bʌl vino.

Exodo 22:29

Che' i yorajlelix c'ajbal mach mi' jal-añ c majtañ yom bʌ mi la' wʌq'ueñon, jiñʌch ñaxan bʌ i wut la' pʌc'ʌb yic'ot i ya'lel la' ts'usub. Aq'ueñon ja'el jiñi ascuñʌl bʌ la' walobilob.

Exodo 23:19

Jiñi ñaxan bʌ i wut la' pʌc'ʌb mi caj la' ch'ʌm tilel ti cotot. Mach yomic mi la' ch'ʌx alʌ chivo ti ya'lel i chu' i ña'.

Exodo 34:26

Mi caj la' ch'ʌm majlel ya' ti yotot lac Yum jiñi ñaxan bʌ i wut la' pʌc'ʌb mu' bʌ la' tuc' ti la' lum. Mach yomic mi la' ch'ʌx jiñi alʌ chivo ti i ya'lel i chu' i ña'.

Levitico 2:12

Mi' mejlel la' wʌq'ueñon cha'b yic'ot jiñi levadura lajal bajche' ñaxan bʌ i wut pʌc'ʌbʌl, pero mach yomic mi la' wʌc' ti' pulʌntib majtañʌl che' bajche' xojocña bʌ c majtañ.”

Levitico 2:14

“Mi tsa' wʌq'ueyon jiñi ñaxan bʌ i wut a pʌc'ʌb, yom ma' ch'il ti c'ajc jiñi yaxto bʌ i wut jiñi trigo, yom cujbil jiñi ñaxan bʌ i wut a trigo.

Levitico 23:17

Ch'ʌmbeñon tilel cha'q'uejl waj melbil bʌ ti la' wotot che' bajche' jʌmts'ubil bʌ majtañʌl tic tojlel, melbil bʌ ti chʌmp'ejl kilo harina tiq'uesʌbil bʌ yic'ot levadura loq'uem bʌ ti ñaxan bʌ i wut la' trigo.

Levitico 23:20

Añ ti' wenta jiñi motomaj cha'añ mi yʌc' jiñi majtañʌl jʌmts'ubil bʌ tic tojlel, yic'ot jiñi waj melbil bʌ ti ñaxan bʌ i wut la' pʌc'ʌb yic'ot jiñi cha'cojt tʌñʌme'; jiñʌch ch'ujul bʌ c majtañ mu' bʌ i yʌq'uentel jiñi motomaj.”

Deuteronomio 18:3

Jiñi yom bʌ mi' yʌq'ueñtelob motomajob ti jiñi majtañʌl mu' bʌ i ch'ʌmob tilel israelob cha'añ tsʌnsʌbil bʌ i majtañ lac Yum, che' bajche' tat wacax o tʌñʌme', jiñʌch i ya' yic'ot i xʌc'ti' yic'ot i chuyib.

Deuteronomio 18:4

Jiñi ñaxan tac bʌ i wut la' pʌc'ʌb, yic'ot i ya'lel la' ts'usub, yic'ot la' wolivo aceite, yic'ot jiñi ñaxan tac bʌ i tsutsel la' tʌñʌme', yom mi la' wʌq'uen motomajob,

Deuteronomio 26:2

che' jiñi yom ma' loc'san pejtelel jiñi ñaxan tac bʌ i wut a pʌc'ʌb ya' ti a lum tsa' bʌ i yʌq'ueyet lac Yum Dios. Yom ma' wotsan ti a chiquib, cha'añ ma' ch'ʌm majlel ya' ti ajñibʌl yajcʌbil bʌ i cha'añ lac Yum Dios, ya' ba' yom ajñel la' wic'ot ba' mi' yʌc' ti cʌjñel i c'aba'.

Deuteronomio 32:14

tsi' yʌq'ueyob mantequilla loq'uem bʌ ti' ya'lel i chu' wacax yic'ot tsi' yʌq'ueyob i jap i ya'lel i chu' tʌñʌme'; yic'ot tsi' yʌq'ueyob i lewil tʌñʌme' yic'ot tat tʌñʌme' tac am bʌ ti Basán yic'ot tat chivo tac; yic'ot tsi' yʌq'ueyob wen uts'at bʌ trigo, yic'ot tsi' japʌyob wen bʌ i ya'lel ts'usub.