Numeros 18:1 - Jiñi Tsiji' bʌ Wen T'añ cha'añ Estudio

¹ Lac Yum tsi' su'be Aarón: “Jatet yic'ot a walobilob yic'ot jiñi año' bʌ ti a wotot, añ ti la' wenta cha'añ mi la' c'ajtin i ñusʌntel mi tsi' cha'leyob mulil jiñi israelob ti jiñi Ch'ujul bʌ Ajñibʌl; ixcu jatet yic'ot a walobilob añ ti la' wenta mi la' c'ajtin i ñusʌntel mi tsa' la' cha'le mulil che' añ la' we'tel ti motomaj.

Chol de Tumbalá Bible

¹ Lac Yum tsi' sube Aarón: An ti a wenta yic'ot ti' wenta a walobilob cha'an mi la' cʌntan jini Ch'ujul bʌ Ajñibʌl. Muq'uix a toj jatet yic'ot a walobilob mi mach ts'ʌcʌlic tsa' la' mele bajche' yom.

Chol: I T’an Dios

¹ Lac Yum tsi' sube Aarón: An ti a wenta yic'ot ti' wenta a walobilob cha'an mi la' cʌntan jini Ch'ujul bʌ Ajñibʌl. Muq'uix a toj jatet yic'ot a walobilob mi mach ts'ʌcʌlic tsa' la' mele bajche' yom.

Numeros 18:1 Iomraidhean Croise

Exodo 28:38

Che'ʌch mi caj i yajñel ti' pam Aarón, cha'añ mi' ch'ʌm majlel Aarón i mul israelob tsa' bʌ i tajayob che' bʌ tsi' yʌc'ʌyob ch'ujul bʌ majtañʌl tac. Yom mi' yajñel ti' pam Aarón ti pejtelel ora cha'añ mi tajob i yutslel i pusic'al lac Yum.

Levitico 10:17

—¿Chucoch ma'añic tsa' la' c'uxbe i bʌc'tal majtañʌl ila ti Ch'ujul bʌ Ajñibʌl? Come wen ch'ujulʌch, Dios tsi' yʌq'ueyetla ili majtañʌl cha'añ i ñusʌntel i mul israelob yic'ot cha'añ mi yajñelob ti junmojt ti' tojlel lac Yum.

Levitico 22:16

che' jiñi bʌ'bʌq'uen mi cʌq'uen ti' wenta i mul, cha'añ ti' caj tsi' c'uxu jiñi ch'ujul bʌ bʌl ñʌc'ʌl. Joñon, la' Yumon, mu' bʌ c sʌc-esañetla.”

Levitico 22:9

“Yom ts'ʌcʌl mi la' jac'beñon c mandar, cha'añ ma'añic mi' tajob i mul che' mi' bi'b-esañob i bʌ, ame chʌmicob ti' caj jiñi. Joñoñʌch la' Yumon, mu' bʌ c sʌc-esañetla.”

Numeros 14:34

Che' bajche' cha'c'al q'uiñ tsajñi la' tsajin jiñi lum, che' ja'el cha'c'al ja'b mi caj la' wu'bin ca'bʌl wocol cha'añ la' mul, jump'ejl ja'b cha'añ jujump'ejl q'uiñ. Che' jiñi, mux caj la' cʌn che' bajche' yilal jiñi wocol mu' bʌ cʌq'ueñetla.

Numeros 16:10

Tsa'ix i pʌyʌyet cha'añ lʌc'ʌl ma' wajñel, temel yic'ot a pi'ʌlob i yalobilo' bʌ Leví, ¿ixcu wʌle la womix ja'el la' we'tel ti motomaj?

Numeros 17:13

Majqui jach mi' lʌc'tesan i bʌ, jiñi mu' bʌ i c'otel ya' ti' tabernáculo lac Yum, mi' cajel ti chʌmel. ¿Mu' ba i cajel c laj jilel lojon?”

Numeros 17:3

mi caj a ts'ijbuben i c'aba' Aarón ya' ti' barajte' Leví, come ti jujuntiquil yumʌl loq'uemo' bʌ ti jujunmojt i p'olbal Israel laj añob i barajte'.

Numeros 17:7

Moisés tsi' yʌc'ʌ jiñi barajte' tac ti' tojlel lac Yum ya' ti Tabernáculo ba' lotol jiñi Mandar.

Numeros 18:11

“Che' ja'el pejtelel iliyi a cha'añʌch: majtañʌl jʌmts'ubil bʌ mu' bʌ i yʌq'ueñoñob israelob; tsa'ix cʌq'ueyet jatet yic'ot ch'itoñ yic'ot xch'oc bʌ a walobilob, jiñʌch xuc'ul bʌ mandar. Majqui jach sʌc-esʌbil ti a wotot, mi' mejlel i c'ux.

Numeros 3:6

“Yom ma' pʌyob tilel i p'olbalob Leví cha'añ mi' tilelob i coltañ Aarón.

Deuteronomio 10:8

Ti jim bʌ ora lac Yum tsi' wa'choco i p'olbal Leví cha'añ mi' ch'ʌmob majlel jiñi Arca ba' lotol jiñi xuc'ul bʌ i t'añ lac Yum, cha'añ mi' chʌn ajñelob jiñi levijob ti' tojlel lac Yum, cha'añ mi' melbeñob i ye'tel yic'ot cha'añ mi' yʌc'ob i yutslel i t'añ ti' c'aba' lac Yum, che' bajche' woli' melob c'ʌlʌl wʌle.

Hebreos 13:17

Jac'benla i t'añ xcʌntayajob la' cha'añ, yic'ot otsan la' bʌ ti' wenta, come añob i ye'tel cha'añ mi' wen pʌsbeñetla i bijlel la' coltʌntel, come yujilob cha'añ wersa mi caj i su'bob ti' tojlel Dios, mi uts'at mi la' jac', che' jiñi tijicña mi caj i cʌntañetla, pero mi woli la' wʌq'ueñob i ch'ijiyemlel i pusic'al che' jiñi mach la' tajayic la' wenlel.

Hebreos 4:15

C'ax ñuc la caj motomaj. Yujil i p'untañonla, come yujil c'uñonla. Tsa' pʌjyi ti chajp ti chajp bʌ mulil ja'el, che' bajche' mi lac pʌjyel ti mulil, pero ma'añic tsi' jac'ʌ.

1 Pedro 2:24

I bajñel jach tsi' cuchu lac mul ti' bʌc'tal che' bʌ tsa' chʌmi ti te', cha'añ mi' jilel i p'ʌtʌlel mulil ti lac tojlel, cuxuloñixla cha'añ mi lac mel chuqui toj. Lajmesʌbiletla cha'añ tsa' lojwi lac Yum.