Numeros 17:7 - Jiñi Tsiji' bʌ Wen T'añ cha'añ Estudio

⁷ Moisés tsi' yʌc'ʌ jiñi barajte' tac ti' tojlel lac Yum ya' ti Tabernáculo ba' lotol jiñi Mandar.

Chol de Tumbalá Bible

⁷ Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

Chol: I T’an Dios

⁷ Tsi' yʌq'ueyob Moisés jini bara tac. Tsi' yotsa ti' tojlel lac Yum ti' mal jini Tabernáculo.

Numeros 17:7 Iomraidhean Croise

Exodo 38:21

Jiñʌch che' bajche' c'amel tsa' jili jiñi tsucul taq'uiñ tac ti' melol jiñi Tabernáculo ba' mi' lojtel jiñi mandar, tsa' bʌ mejli ti' t'añ Moisés yic'ot tsa' bʌ i mele jiñi levijob che' bajche' tsi' yʌlʌ Itamar i yalobil jiñi motomaj Aarón.

Numeros 1:50

mi caj a wʌq'ueñob ti' wenta levijob jiñi Tabernáculo ba' lotol jiñi Mandar yic'ot pejtelel mu' bʌ i c'ʌjñel tac yic'ot pejtelel añ tac bʌ ya'i. Jiñob mi caj i cuchob majlel jiñi Tabernáculo yic'ot pejtelel i bʌl, ya'i mi caj i melob i ye'tel yic'ot ya' mi' caj i chumtʌlob ti' joytʌlel jiñi Tabernáculo.

Numeros 1:53

Pero jiñi levijob mi caj i chumtʌlob ti' joytʌlel jiñi Tabernáculo ba' lotol jiñi Mandar cha'añ ma'añic mi' tilel i mich'ajel Dios ti' tojlel israelob. Añ ti' wenta jiñi levijob cha'añ mi' cʌntañob jiñi Tabernáculo ba' lotol jiñi Mandar.”

Numeros 14:10

Jiñi cha'añ, pejtelel wiñicob tsi' ña'tayob i julob ti xajlel. Pero i ñuclel lac Yum tsa' tsictiyi ya' ti' pam jiñi Tabernáculo ba' mi tempañob i bʌ yic'ot ti' tojlel pejtelel israelob.

Numeros 17:4

Yom mi la' wotsan jiñi lajchʌnts'ijt barajte' ya' ti' mal Tabernáculo ba' mi la' tempan la' bʌ ya' ti' tojel jiñi Arca, ba' mi caj c pʌs c bʌ ti la' tojlel.

Numeros 17:6

Moisés tsi' pejca pejtelel israelob yic'ot pejtelel jiñi año' bʌ i ye'tel tsa' aq'uentiyob barajte'; jujunts'ijt barajte' tsa' aq'uentiyob cha'añ mi' tsictiyel loq'uemob ti' p'olbal jujunmojt israelob: ti' pejtelel añ lajchʌnts'ijt barajte'. Jiñi i barajte' Aarón ya'añ yic'ot i barajte' yaño' bʌ.

Numeros 18:2

Su'ben i lʌc'tesañob i bʌ ja'el a pi'ʌlob ti a tojlel cha'añ mi' tempañob i bʌ a wic'ot, jiñi i p'olbalo' bʌ Leví i ñojte'el a tat, la' i coltañetob ti a we'tel; jatet yic'ot a walobilob mi cajel la' mel la' we'tel ya' ti tabernáculo ba' lotol jiñi Mandar.

Numeros 9:15

Ti jiñi jach bʌ q'uiñ che' bʌ tsa' ujti i wa'chocoñob jiñi Tabernáculo, jiñi tocal tsi' moso jiñi Tabernáculo. Che' ti ic'ajel chʌcxowan tsi' pʌsʌ i bʌ che' bajche' c'ajc ya' ti' pam jiñi Tabernáculo c'ʌlʌl ti sʌc'ajel.

Hechos 7:44

Ya' ti jochol bʌ lum, jiñi lac ñojte'elob añ i cha'añob jiñi Tabernáculo ba' lotol jiñi Mandar, che' bajche' tsi' yʌc'ʌ mandar Dios che' bʌ tsi' su'be Moisés cha'añ mi' melben otot che' bajche' tsa' pʌsbenti.