Numeros 16:5 - Jiñi Tsiji' bʌ Wen T'añ cha'añ Estudio

⁵ Che' jiñi tsi' su'be Coré yic'ot pejtelel jiñi woli bʌ i tsajcañob, tsi' su'beyob: —Ijc'ʌl to mi caj i tsictesan lac Yum majqui i cha'año' bʌ yic'ot majqui jiñi ch'ujulo' bʌ, yic'ot mi caj i tsictesan majqui jiñi mu' bʌ caj i lʌc'tesan i bʌ ti' tojlel. Jiñi mu' bʌ i yajcan, jiñʌch mu' bʌ caj i yʌq'ueñ i majtañ.

Numeros 16:5 Iomraidhean Croise

Exodo 28:1

Yom ma' wa'chocon Aarón, jiñi a weran temel yic'ot i yalobilob, Nadab, Abiú, Eleazar, yic'ot Itamar cha'añ mi' coltañetob cha'añ mi' melbeñoñob que'tel ti motomaj ti' tojlel i yalobilob Israel.

Exodo 28:41

Che'ʌch yom jiñi mu' bʌ a wʌq'ueñob i lʌp a wʌscun Aarón yic'ot i yalobilob; mi caj a mulob ti olivo aceite yic'ot mi caj a sʌc-esañob, cha'añ mi' melbeñoñob que'tel ti motomaj.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo ba' mi' tempañob i bʌ o che' mi' lʌc'tesañob i bʌ ya' ti pulʌntib, che' mi' cha'leñob i ye'tel ya' ti Ch'ujul bʌ Ajñibʌl, cha'añ ma'añic mi' tajob i mul cha'añ ma'añic mi' chʌmelob. Jiñʌch jiñi tic'ojel yom bʌ mi' jac'ob ti pejtelel ora yic'ot ti' tojlel i p'olbalob.

Levitico 10:3

Moisés tsi' su'be Aarón: Jiñʌch tsa' bʌ i yʌlʌ lac Yum: “Jiñi mu' bʌ i lʌc'tesañob i bʌ, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob wiñicob x'ixicob.” Che' jiñi ñʌch'ʌl tsa' cʌle Aarón.

Levitico 8:2

“Pʌyʌ majlel Aarón yic'ot i yalobilob, ch'ʌmben majlel ja'el i pislel, yic'ot olivo aceite cha'añ bojñibʌl, yic'ot tat wacax cha'añ i ñusʌntel mulil, yic'ot cha'cojt tat tʌñʌme', yic'ot jiñi chiquib ba' but'ul jiñi waj mach bʌ añic i levadurajlel,

Numeros 16:3

Che' jiñi tsi' tempayob i bʌ ti' contra Moisés yic'ot Aarón, tsi' su'beyob: —¡Jasʌlix chuqui woli la' mel! Come ti pejtelel israelob laj ch'ujulob yic'ot ya'ʌch añ lac Yum ti' tojlelob. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum?

Numeros 16:6

Jiñi cha'añ yom mi la' mel bajche' iliyi: Jatet Coré yic'ot pejtelel a pi'ʌlob, ch'ʌmʌla tilel pom,

Numeros 17:5

Mi' cajel ti ñich i barajte' jiñi wiñic yajcʌbil bʌ c cha'añ, che'ʌch mi' cajel c ñʌch'chocoñob ti wulwul t'añ jiñi israelob ti la' contra.”

Numeros 17:8

Che' ti yijc'ʌlal tsa' cha' c'oti Moisés ya' ti Tabernáculo ba' lotol jiñi Mandar, tsi' q'uele i barajte' Aarón i p'olbal bʌ Leví tsa'ix yax-a, añix i ñich yic'ot añix i buts tac yic'ot tsi' yʌc'ʌ i wut i c'aba' almendra.

Juan 15:16

Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Hechos 1:2

c'ʌlʌl ti jiñi q'uiñ che' bʌ tsa' pʌjyi letsel Jesús ti panchan, che' bʌ tsa' ujti i yʌq'ueñob mandar ti p'ʌtʌlel ch'ujul bʌ Espíritu jiñi apóstolob yajcʌbilo' bʌ i cha'añ.

Hechos 1:24

Tsi' pejcayob Dios che' bajche' iliyi: Jatet, c Yum, ma' cʌmben i pusic'al pejtelel wiñicob, wʌ'an cha'tiquil, pʌsʌ majqui jiñi yajcʌbil bʌ a cha'añ,

Hechos 13:2

Che' bʌ woliyob ti ch'ajb yic'ot che' bʌ woli i ch'ujutesañob lac Yum, jiñi Ch'ujul bʌ Espíritu tsi' su'beyob: “Wa'choconla Bernabé yic'ot Saulo come pʌybilob cha'añ mi' melob jiñi e'tel tsa' bʌ c chajpʌbeyob.”

Hechos 15:7

Che' bʌ tsa'ix i cha'leyob ca'bʌl t'añ, Pedro tsa' wa'le, tsi' su'beyob: —Hermañujob, la' wujil añix ora Dios tsi' yajcayon cha'añ mic su'beñob gentilob jiñi wen t'añ cha'añ mi' ñopob.

Hechos 22:14

Tsi' su'beyon: “I Dios lac ñojte'elob tsi' yajcayet cha'añ ma' cʌn chuqui yom i pusic'al Dios, tsi' yajcayet cha'añ ma' q'uel jiñi Toj bʌ, yic'ot cha'añ ma' wu'biben i t'añ che' mi' pejcañet.

Efesios 2:13

Pero wʌle añetla ti Cristo Jesús, jatetla ñajt bʌ añetla ti yam bʌ ora, tsa'ix pʌjyiyetla ti lʌc'ʌl cha'añ ti' ch'ich'el Cristo.

2 Timoteo 2:19

Pero tsʌts wa'chocobilonla ti Dios. Tsi' yʌq'ueyonla lac sellojlel ba' ts'ijbubil: “Lac Yum mi' cʌn i cha'año' bʌ.” Jiñi cha'añ la' i cʌy i jontolil jujuntiquil mu' bʌ i pejcʌben i c'aba' Cristo.

Hebreos 12:14

Cha'lenla wersa cha'añ ñʌch'ʌl mi la' wajñel yic'ot pejtelel wiñicob x'ixicob, ñopola ajñel ti ch'ujul; come ma'añic majqui mi caj i q'uel lac Yum mi mach ch'ujulic.

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat, la' aq'uentic Jesucristo i ñuclel yic'ot i p'ʌtʌlel ti pejtelel ora. Amén.