Numeros 15:3 - Jiñi Tsiji' bʌ Wen T'añ cha'añ Estudio

³ mi mux la' wʌq'ueñon pulbil tac bʌ c majtañ, yic'ot tsʌnsʌbil tac bʌ c majtañ, mi i ña'al wacax tac o mi tʌñʌme' tac, mi cha'añ tsa' la' wʌc'ʌ xuc'ul bʌ la' t'añ o cha'añ tilem bʌ ti la' pusic'al, o cha'añ mi la' wʌq'ueñon che' ti yorajlel la' q'uiñijel tac xojocña bʌ i yujts'il tic tojlel,

Chol de Tumbalá Bible

³ mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Chol: I T’an Dios

³ mi yomob i yʌq'ueñon pulbil tac bʌ c majtan, yic'ot jini tsʌnsʌbil tac bʌ c majtan tilem bʌ ti' pusic'al, che' mi' ts'ʌctesañob i t'an, o che' ti' yorajlel tac la' q'uiñijel, la' i yʌq'ueñoñob xojocña bʌ i yujts'il tic tojlel.

Numeros 15:3 Iomraidhean Croise

Genesis 8:21

Che' bʌ tsi' yu'bi lac Yum jiñi xojocña bʌ i yujts'il, tsi' yʌlʌ ti' pusic'al: “Ma'añix mi caj c chʌn jisan jiñi pañimil cha'añ i mul wiñicob x'ixicob come jontol chuqui mi' ña'tañob ti' pusic'al c'ʌlʌl che' ch'itoñob to; ma'añix mi caj c chʌn jisan pejtelel cuxul tac bʌ che' bajche' tsa' c jisa.”

Exodo 29:18

Ti wi'il mi caj a pul pejtelel jiñi tat tʌñʌme' ya' ti' pam jiñi pulʌntib. Jiñʌch yom bʌ mi' pulel xojocña bʌ i majtañ lac Yum. Jiñʌch majtañʌl pulbil bʌ i cha'añ lac Yum.

Exodo 29:25

Ti wi'il mi caj a ch'ʌmbeñob ti' c'ʌb cha'añ ma' pul ya' ti pulʌntib, temel yic'ot jiñi pulbil bʌ majtañʌl che' bajche' xojocña bʌ i yujts'il ti' tojlel lac Yum. Jiñʌch majtañʌl pulbil bʌ ti' tojlel lac Yum.

Exodo 29:41

I cha'cojtlel bʌ tʌñʌme' yom ma' wʌc' che' ti ic'ajel, lajal ma' mel che' bajche' ti sʌc'ajel, yic'ot lajal i xojocñʌyel cha'añ pulbil bʌ i majtañ a Yum.

Levitico 10:13

Jiñi cha'añ yom mi la' c'ux ya' ti Ch'ujul bʌ Ajñibʌl, come jiñʌch tsa' bʌ aq'uentiyetla cha'añ mi la' c'ux, jatetla yic'ot ch'itoñ bʌ la' walobilob. Loq'uemʌch ti pulbil tac bʌ i majtañ lac Yum che' bajche' tsi' su'beyon.

Levitico 27:2

“Yom ma' su'beñob jiñi israelob: Che' añ majqui mi' ña'tan i yʌq'ueñon xuc'ul bʌ i t'añ cha'añ mi yʌq'ueñon i bʌ, yom mi' toj che' bajche' iliyi:

Levitico 7:16

Pero mi jiñi majtañʌl woli bʌ i yʌjq'uel cha'añʌch tsi' yʌc'ʌ xuc'ul bʌ i t'añ o cha'añ tilem ti' bajñel pusic'al, mi' mejlel ti c'uxtʌl ti jiñi jach bʌ q'uiñ che' bʌ tsa' ajq'ui, pero mi tsa' to colojbaji, mi' mejlel i cha' c'uxtʌl che' ti yijc'ʌlal.

Numeros 28:27

Mi caj la' wʌq'ueñon pulbil bʌ c majtañ xojocña bʌ mi cu'bin, yom cha'cojt alʌ tat wacax, yic'ot juncojt tat tʌñʌme', yic'ot wuccojt tʌñʌme' añ jaxto bʌ jujump'ejl i ja'bilel.

Numeros 29:8

Ti jiñi q'uiñ mi caj la' wʌq'ueñon pulbil bʌ c majtañ xojocña bʌ i yujts'il mi cu'bin, jiñʌch juncojt alʌ tat wacax, yic'ot juncojt tat tʌñʌme', yic'ot wuccojt tʌñʌme' añ jaxto bʌ jump'ejl i ja'bilel mach bʌ i p'ajomalic.

Numeros 6:15

Che' ja'el yom jump'ejl alʌ chiquib pan mach bʌ añic i levadurajlel, melbil bʌ ti harina xajc'ubil bʌ yic'ot olivo aceite; yic'ot woch' mach bʌ añic i levadurajlel bombil bʌ ti olivo aceite yic'ot majtañʌl melbil bʌ ti trigo, yic'ot japbil bʌ majtañʌl tac.

Mateo 3:17

Awilan, tsa' loq'ui tilel t'añ ti panchan, tsi' yʌlʌ: “Jiñʌch Calobil mu' bʌ j c'uxbin, mu' bʌ i yʌq'ueñon c tijicñʌyel.”

2 Corintios 2:15

come xojocña mi' yu'biñonla Dios cha'añ woli' yajñel Cristo ti lac pusic'al, xojocña i yutslel Cristo ti' tojlel jiñi woli bʌ i coltʌntelob yic'ot ti' tojlel jiñi woliyo' bʌ ti sajtel.

2 Corintios 2:16

Che' mi' yu'biñob jiñi sajtemo' bʌ, mi' ña'tañob woli' majlelob ti tojmulil, che' mi' yu'biñob jiñi año' bʌ i cuxtʌlel, mi' ña'tañob añobʌch i cuxtʌlel. ¿Majqui añ i bajñel p'ʌtʌlel cha'añ mi' mel jiñi e'tel?

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Deuteronomio 12:11

Ti jiñi ajñibʌl mu' bʌ caj i yajcan lac Yum Dios ba' mi' yajñel i c'aba', ya'i mi caj la' laj ch'ʌm majlel pejtelel chuqui mic su'beñetla, che' bajche': pulbil bʌ majtañʌl, yic'ot tsʌnsʌbil bʌ majtañʌl, yic'ot la' diezmo tac, yic'ot la' wofrenda tac mu' bʌ la' ch'ʌm majlel ti la' c'ʌb, yic'ot pejtelel yajcʌbil bʌ i majtañ tsa' bʌ la' wʌn su'be lac Yum.

Deuteronomio 12:17

Che' ja'el mach yomic mi' la' c'ux ti la' wotot i wut la' pʌc'ʌb tsa'ix bʌ la' wʌc'ʌ cha'añ la' diezmo, mi la' ts'usub, mi la' wolivo aceite, mi jiñic ñaxan bʌ i yal la' wacax yic'ot la' tʌñʌme', mi jiñic tsa'ix bʌ la' wʌlʌ cha'añ mi caj la' wʌq'uen lac Yum, mi jiñic majtañʌl tilem bʌ ti la' pusic'al o mi yam bʌ majtañʌl lotbil bʌ la' cha'añ,

Deuteronomio 12:6

Ya'i mi caj la' ch'ʌm majlel jiñi majtañʌl mu' bʌ caj i laj pulel, yic'ot majtañʌl mu' bʌ i tsʌnsʌntel, yic'ot la' diezmo tac, yic'ot la' wofrenda tac mu' bʌ la' ch'ʌm majlel ti la' c'ʌb, yic'ot majtañʌl che' mi la' wʌc' xuc'ul bʌ la' t'añ, yic'ot majtañʌl tilem bʌ ti la' pusic'al, yic'ot ñaxan bʌ i yal la' wacax, yic'ot ñaxan bʌ i yal la' tʌñʌme';

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.