Numeros 14:2 - Jiñi Tsiji' bʌ Wen T'añ cha'añ Estudio

² Ti pejtelel israelob tsa' caji i contrajiñob Moisés yic'ot Aarón. Jiñi wiñicob x'ixicob tsi' yʌlʌyob: “¡Uts'at tsa'ic chʌmiyon lojon ti' lumal Egipto! ¡uts'at muq'uic lac chʌmel wʌ' ti tiquiñal lum!

Chol de Tumbalá Bible

² Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Chol: I T’an Dios

² Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Numeros 14:2 Iomraidhean Croise

Exodo 14:11

yic'ot tsi' su'beyob Moisés: —¿Mach ba añic mucoñibʌl ya' ti Egipto? ¿Chucoch tsa' pʌyʌyon lojon tilel ti chʌmel ila ti' tiquiñal lum? ¿Chucoch che' tsa' melbeyon lojon bajche' iliyi? ¿Chucoch tsa' pʌyʌyon lojon loq'uel ti Egipto?

Exodo 15:24

Jiñi cha'añ jiñi israelob tsa' cajiyob ti wulwult'añ ti' contra Moisés, tsi' su'beyob: “¿Chuqui mi mejlel lac jap?”

Exodo 17:3

Jiñi cha'añ jiñi wiñicob x'ixicob tsa' tiquiyob i ti', tsi' cha'leyob wulwul t'añ ti' contra Moisés, tsi' yʌlʌyob: —¿Chucoch tsa' pʌyʌyon lojon loq'uel ti Egipto cha'añ ma' tsʌnsañon lojon ti tiquinti' yic'ot calobil lojon yic'ot cʌlac' lojon?

Numeros 11:1

Jiñi wiñicob tsa' cajiyob ti wulwul a'leya ti' tojlel lac Yum; tsi' yu'bi lac Yum, tsa' wen mich'a. Tsi' choco ju'bel c'ajc, tsa' puli lamital ya' ba' chumulob.

Numeros 11:15

Mi che'ʌch mi caj a mel tic tojlel, awocolic tsʌnsañoñix mi añʌch i yutslel a pusic'al tic tojlel, cha'añ che' jiñi ma'añix mi caj c chʌn q'uel jiñi wocol.

Numeros 11:5

Mi lac ña'tan jiñi chʌy tsa' bʌ lac majtañ c'uxu ya' ti Egipto, jiñi pepino tac, jiñi melon tac, jiñi xwelux tac, jiñi cebolla tac, yic'ot jiñi x'axux tac.

Numeros 14:1

Che' jiñi pejtelel jiñi tempʌbilo' bʌ tsa' cajiyob ti oñel yic'ot ti c'am bʌ t'añ; jiñi wiñicob x'ixicob tsi' cha'leyob uq'uel ti' jump'ejlel ac'ʌlel.

Numeros 14:22

mi juntiquilic jiñi tsa' bʌ i q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum, yic'ot jiñi lujunyajlix bʌ tsi' yilʌbeyoñob c pusic'al, yic'ot ja'el jiñi mach bʌ añic tsi' p'isiyob ti' wenta c t'añ,

Numeros 16:13

¿Mach ba añic a mul ma' wu'bin che' bʌ tsa' pʌyʌyon lojon loq'uel ya' ti lum ba'añ leche yic'ot cha'b, cha'añ ma' wʌc'on lojon ti chʌmel ila ti colem bʌ i tiquiñal lum yic'ot ja'el awomix cha'añ mic yumañet lojon?

Numeros 16:41

Che' ti yijc'ʌlal, pejtelel jiñi israelob tsa' cajiyob ti wulwul t'añ ti' contra Moisés yic'ot Aarón, tsi' yʌlʌyob: “Jatetla tsa'ix la' wʌc'ʌ ti chʌmel i tejclum lac Yum.”

Numeros 17:6

Moisés tsi' pejca pejtelel israelob yic'ot pejtelel jiñi año' bʌ i ye'tel tsa' aq'uentiyob barajte'; jujunts'ijt barajte' tsa' aq'uentiyob cha'añ mi' tsictiyel loq'uemob ti' p'olbal jujunmojt israelob: ti' pejtelel añ lajchʌnts'ijt barajte'. Jiñi i barajte' Aarón ya'añ yic'ot i barajte' yaño' bʌ.

Numeros 20:2

Cha'añ ti' caj ma'añic ja', tsa' caji i tempañob i bʌ israelob cha'añ mi' contrajiñob Moisés yic'ot Aarón.

Numeros 20:3

Jiñi israelob tsa' cajiyob ti a'leya ti' contra Moisés, tsi' yʌlʌyob: “¡Uts'at tsa'ic chʌmiyon lojon yic'ot c pi'ʌlob tsa' bʌ chʌmiyob ti' tojlel lac Yum!

Numeros 20:4

¿Chucoch tsa' pʌyʌyon lojon tilel ila ti' tiquiñal lum cha'añ mic chʌmel lojon wʌ'i temel yic'ot cʌlac' lojon?

Numeros 21:5

tsa' cajiyob ti wulwul t'añ ti' contra Dios yic'ot ti' contra Moisés: “¿Chucoch tsa' pʌyʌyon lojon loq'uel ti Egipto cha'añ ma' wʌc'on lojon ti chʌmel ila ti' tiquiñal lum? Come ilayi ma'añic waj yic'ot ja', tsa'ix c'ojyi j c'ux lojon jiñi waj mach bʌ p'ʌtʌlic tic ñʌc' lojon.”

1 Corintios 10:10

Mach la' cha'len wulwul t'añ ti la' pusic'al che' bajche' tsi' cha'leyob jiñi tsa' bʌ jisʌntiyob cha'añ jiñi Ángel yujil bʌ tsʌnsa.

Deuteronomio 1:27

Tsa' jach cajiyetla ti wulwul a'leya ya' ti pisil bʌ la' wotot, che' bʌ tsa' la' wʌlʌ: Come lac Yum mi' ts'a'leñonla, tsi' loc'sayonla ti' lumal Egipto cha'añ mi' choconla majlel ba'añ amorreojob cha'añ mi' jisañonla.

Deuteronomio 9:23

Che' bʌ ya'añetla ti Cades-barnea che' bʌ tsi' su'beyetla: “Cucula ti chumtʌl ya' ti la' lum tsa' bʌ cʌq'ueyetla”, che' ja'el tsa' la' ñusʌbe i mandar lac Yum Dios, ma'añic tsa' la' ñopo mi tsa'ic la' jac'be i t'añ.

Hebreos 3:16

¿Majqui tsi' contrajiyob che' bʌ tsi' yu'bibeyob i t'añ? ¿Mach ba ti' pejtelelobic jiñi tsa' bʌ i pʌyʌyob loq'uel Moisés ti Egipto?

Judas 1:16

Xwulwul a'leyajob, mi' jop'beñob i mul i pi'ʌlob, mi' jac'ob i colosojlel i pusic'al, mi' chañ-esañob i bʌ ti lot, mi' pejcañob wiñicob ti i t'ojol bʌ t'añ cha'añ mi' tajob chuqui yom i bajñel pusic'al.