Numeros 13:2 - Jiñi Tsiji' bʌ Wen T'añ cha'añ Estudio

² “Choco majlel wiñicob cha'añ mi' tsajiñob jiñi lum i c'aba' Canaán mu' bʌ caj cʌq'ueñob israelob; choco majlel jujuntiquil yumʌlob loq'uemo' bʌ ti jiñi lajchʌnmojt i yalobilob Israel.”

Numeros 13:2 Iomraidhean Croise

Exodo 18:25

Moisés tsi' yajca wiñicob año' bʌ i ña'tʌbal ti pejtelel Israel yic'ot tsi' yʌq'ueyob i ye'tel ti' tojlel i pi'ʌlob ti jujunmojt. Yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac,

Numeros 1:4

Mi caj i yajñel la' wic'ot juntiquil wiñic ti jujunmojt i p'olbal Israel, juntiquil yumʌl bʌ ti junmojt xchumtʌl.

Numeros 11:16

Jiñi cha'añ lac Yum tsi' su'be Moisés: —Tempʌbeñon lujuntiquil i chʌnc'al (70) wiñicob ñoxobix bʌ ti' tojlel israelob, cʌmbil bʌ a cha'añ año' bʌ i ye'tel, pʌyʌyob tilel ti ti' jiñi Tabernáculo ba' mi la' tempan la' bʌ, la' tem wa'lecob a wic'ot ya'i.

Numeros 13:16

Jiñʌch i c'aba'ob jiñi wiñicob tsa' bʌ i chocoyob majlel Moisés cha'añ mi' tsajiñob jiñi lum. Moisés tsi' q'uextʌbe i c'aba' Oseas i yalobil Nun, tsi' yotsa ti Josué.

Numeros 13:3

Jiñi cha'añ Moisés tsi' chocoyob majlel ya' ti colem bʌ i tiquiñal lum i c'aba' Parán che' bajche' tsi' yʌlʌ lac Yum. Ti pejtelel ili wiñicob añob ñuc bʌ i ye'telob ti' tojlel i pi'ʌlob.

Numeros 32:8

Come che'ʌch tsi' meleyob la' ñojte'elob, che' bʌ tsa' c chocoyob majlel ti Cades-barnea cha'añ mi' majlel i q'uelob jiñi lum.

Numeros 34:18

Che' ja'el yom mi la' yajcan juntiquil am bʌ i ye'tel loq'uem bʌ ti jujunmojt israelob cha'añ mi' pʌsben i pi'ʌlob baqui mi caj i ch'ʌmob i lum.

Deuteronomio 1:15

“Jiñi cha'añ tsa' c pʌyʌ jiñi ñuc taco' bʌ i ye'tel ti la' tojlel año' bʌ ca'bʌl i ña'tʌbal yic'ot wen yujilo' bʌ e'tel, tsa' c wa'chocoyob ti' ye'tel ti la' tojlel. Añ tsa' bʌ i tajayob i ye'tel ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.

Deuteronomio 9:23

Che' bʌ ya'añetla ti Cades-barnea che' bʌ tsi' su'beyetla: “Cucula ti chumtʌl ya' ti la' lum tsa' bʌ cʌq'ueyetla”, che' ja'el tsa' la' ñusʌbe i mandar lac Yum Dios, ma'añic tsa' la' ñopo mi tsa'ic la' jac'be i t'añ.