Numeros 12:6 - Jiñi Tsiji' bʌ Wen T'añ cha'añ Estudio

⁶ Lac Yum tsi' su'beyob: “Ñʌch'tanla ili c t'añ. Che' bʌ añix x'alt'añ ti la' tojlel mi caj c pejcañob ti' ñajal. Mi caj c pejcañob che' añob ti' wʌyib.

Chol de Tumbalá Bible

⁶ Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.

Chol: I T’an Dios

⁶ Lac Yum tsi' subeyob: Ñich'tanla ili c t'an. Mi añʌch la' cha'an x'alt'an mi caj c pejcan ti ñajal. Mi caj c suben c t'an che' an ti' wʌyib.

Numeros 12:6 Iomraidhean Croise

Genesis 15:1

Che' ujtemix iliyi tsa' tili i t'añ lac Yum ba'añ Abram che' bajche' ti' ñajal, tsi' yʌlʌ: —Abram, mach a cha'len bʌq'uen, joñon a mʌctʌjibon, wen ñuc a chobejtʌbal mi caj a taj.

Genesis 20:7

Wʌle mi caj a cha' aq'uen i yijñam jiñi wiñic, come x'alt'añʌch, mi caj i mel oración cha'añet cha'añ cuxul ma' wajñel. Pero mi ma'añic ma' cha' sutq'uin jiñi x'ixic, yom ma' ña'tan ti isujm mi caj a chʌmel yic'ot pejtelel a cha'año' bʌ.”

Genesis 28:12

Tsi' cha'le ñajal: Tsi' q'uele jump'ejl tec'oñib wa'al bʌ ti lum, c'ʌlʌl tsi' taja panchan. I yángelob Dios mi' letselob mi' ju'belob ya' ti tec'oñib.

Genesis 28:16

Che' bʌ tsa' ch'ojyi Jacob ti wʌyel, tsi' yʌlʌ: “Isujm ma'añic tsa' c ña'ta mi wʌ'an lac Yum ilayi.”

Genesis 37:5

José tsi' cha'le ñajal, tsi' su'be i yʌscuñob chuqui tsi' q'uele ti' ñajal; ixcu i yʌscuñob tsa' caji ñumen ts'a'leñob.

Genesis 37:9

Ti wi'il tsi' cha' cha'le ñajal, tsi' cha' su'beyob i yʌscuñob, tsi' yʌlʌ: —Tsa' c cha' cha'le ñajal. Tsa' c ñajle cha'añ jiñi q'uiñ yic'ot uw yic'ot junlujump'ejl ec' tsi' c'uchchocoyob i bʌ tic tojlel.

Genesis 46:2

Dios tsi' pejca Israel ti' ñajal che' ti ac'ʌlel, tsi' su'be: —Jacob, Jacob. —Israel tsi' jac'ʌ: —Umba'añon.

Exodo 7:1

Lac Yum tsi' su'be Moisés: —Awilan tsa' c wa'chocoyet cha'añ ma' majlel tic wenta ti' tojlel faraón, ixcu a weran Aarón mi caj i yochel ti a waj ñusa t'añ.

Numeros 24:4

mi yʌl jiñi tsa' bʌ i ñʌch'tʌbe i t'añ Dios, jiñi tsa' bʌ pʌsbenti ti' tojlel jiñi Mach bʌ Añic i P'isol i P'ʌtʌlel; tsa' yajli, pero cañal i wut:

Mateo 1:20

Che' bʌ woli' ña'tan ti' pusic'al, awilan, tsa' tsictiyi i yÁngel lac Yum ti' ñajal. Jiñi ángel tsi' yʌlʌ: “José i yalobilet bʌ David, mach a bʌc'ñan a pʌy María cha'añ a wijñam, come jiñʌch jiñi Ch'ujul bʌ Espíritu tsa' bʌ i yʌq'ue i yalobil María mu' bʌ i caj ti tsictiyel.

Mateo 2:19

Che' bʌ tsa' chʌmi Herodes, awilan ya' ti Egipto tsa' tsictiyi i yÁngel lac Yum ti' ñajal José.

Mateo 23:31

Woli la' bajñel contrajin la' bʌ ti la' t'añ che' mi la' su'b la' bʌ ti' yalobilob jiñi tsa' bʌ i tsʌnsayob x'alt'añob.

Mateo 23:34

Jiñi cha'añ, mi caj c chocbeñetla tilel x'alt'añob yic'ot wiñicob año' bʌ ca'bʌl i ña'tʌbal, yic'ot xts'ijbayajob; lamital mi caj la' tsʌnsan, mi caj la' ch'ij ti cruz, yaño' bʌ mi caj la' jats'ob ti asiyal ya' ti la' sinagoga, mi caj la' tic'lañob ya' ba' mi' majlelob ti jujump'ejl tejclum;

Mateo 23:37

¡Jerusalén, Jerusalén, mu' bʌ la' tsʌnsan x'alt'añob, yic'ot mu' bʌ la' jul ti xajlel jiñi chocbilo' bʌ tilel ba'añetla! ¡jayajlix com c tempan la' walobilob che' bajche' mi' tempan i yal i ña'al mut ti ye'bal i wich', pero mach la' womic!

Mateo 27:19

Che' buchul Pilato ti melobʌjʌl, i yijñam tsi' chocbe tilel t'añ tsi' yʌlʌ: —Ma'añic chuqui yom ma' tumben jiñi toj bʌ wiñic, come sajmʌl wen ca'bʌl tsa' cu'bi wocol tic ñajal cha'añ jiñi wiñic.

Lucas 1:11

Che' jiñi tsa' tsictiyi ti wut Zacarías i yÁngel lac Yum, wa'al ti' ñoj ba'añ i pulʌntib pom.

Lucas 1:22

Che' bʌ tsa' loq'ui tilel Zacarías, ma'añic tsa' mejli i pejcañob, tsa' jach i pejcayob ti' c'ʌb. Che' jiñi tsi' ña'tayob añ chuqui tsi' q'uele Zacarías ti Templo ch'oyol bʌ ti panchan. Che'ʌch tsa' cʌle Zacarías ti x'uma'.

Lucas 20:6

Mi tsa' lac su'be: “Ch'oyol ti wiñicob”, mi cho'onla, pejtelel wiñicob mi caj i julonla ti xajlel, come mi' ña'tañob ti isujm x'alt'añʌch jiñi Juan.

Hechos 10:11

Tsi' q'uele calal jiñi panchan, woli' ju'bel tilel che' bajche' colem pisil cʌchbil ti' chʌmp'ejlel i xujc, tsa' ju'sʌnti c'ʌlʌl ti lum.

Hechos 10:17

Che' woli to i chʌn ña'tan Pedro chuqui isujmlel jiñi tsa' bʌ ujti i q'uel, awilan, tsa' tiliyob jiñi wiñicob chocbilo' bʌ tilel i cha'añ Cornelio, tsi' c'ajtiyob baqui añ i yotot Simón, tsa' c'otiyob ti ti' jiñi otot.

Efesios 4:11

Jiñʌch jiñi tsa' bʌ i yʌq'ueyob i ye'tel wiñicob: ti apóstolob, ti x'alt'añob, ti subt'añob, ti xcʌntayajob, yic'ot ti xcʌntesajob,

Deuteronomio 18:15

Lac Yum Dios mi caj i yʌq'ueñet juntiquil x'alt'añ che' bajche' joñon loq'uem bʌ ti a tojlel, mero a pi'ʌl bʌ; jiñi mi caj a jac'ben i t'añ.

Deuteronomio 18:18

Mi caj c wa'chocobeñob juntiquil x'alt'añ lajal bʌ che' bajche' jatet loq'uem bʌ ti' pi'ʌlob; mi caj cʌq'uen c t'añ ti yej, jiñi mi caj i su'beñob pejtelel chuqui mic su'ben.

Hebreos 1:1

Ti oñiyi, Dios tsi' c'ʌñʌ jiñi x'alt'añob cha'añ mi' pejcan lac ñojte'el, ca'bʌl tsi' pejcayob ti' chajp ti' chajp che' bajche' yom i pejcañob ti jujunyajl,

Apocalipsis 11:10

Tijicñayob i pusic'al jiñi chumulo' bʌ ti pañimil ti' tojlelob, mi' yʌq'ueñob i bʌ i majtañ tac, come ñucob i pusic'al cha'añ tsa' jiliyob jiñi cha'tiquil, come tsi' tic'layob jiñi chumulo' bʌ ti pañimil.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uiñ mi caj i cha'leñob subt'añ, lʌpʌl i cha'añob i pislel melbil bʌ ti' tsutsel chivo.