Numeros 12:2 - Jiñi Tsiji' bʌ Wen T'añ cha'añ Estudio

² Tsi' yʌlʌyob: “¿Cojach ba ti' tojlel Moisés mi' mejlel i cha'len t'añ lac Yum? ¿Mach ba añic tsi' pejcayonla ja'el?” Ili wulwul t'añ tsi' yu'bi lac Yum.

Chol de Tumbalá Bible

² Tsa' caji i yʌlob: ¿Cojach ba mi' cha'len t'an lac Yum yic'ot Moisés? ¿Mach ba anic mi' c'ʌñonla ja'el? che'ob.

Chol: I T’an Dios

² Tsa' caji i yʌlob: ¿Cojach ba mi' cha'len t'an lac Yum yic'ot Moisés? ¿Mach ba anic mi' c'ʌñonla ja'el? che'ob.

Numeros 12:2 Iomraidhean Croise

Genesis 29:33

Tsi' cha' cʌnta i yalobil, tsi' yʌc'ʌ ti pañimil yam bʌ ch'itoñ bʌ i yalobil, tsi' yʌlʌ: “Cha'añ ti' caj tsi' yu'bi lac Yum cha'añ ts'a'lebilon, jiñi cha'añ tsi' yʌq'ueyon yam bʌ calobil.” Tsi' yotsʌbe i c'aba' ti Simeón.

Exodo 4:14

Che' jiñi lac Yum tsi' mich'le Moisés, tsi' yʌlʌ: —¿Mach ba j cʌñʌyic a wʌscun Aarón, jiñi levita, wen yujil bʌ t'añ? Awilan tal i tajet. Che' mi' q'uelet mi caj i yu'bin i tijicñʌyel i pusic'al.

Exodo 4:30

Aarón tsi' laj su'beyob che' bajche' lac Yum tsi' su'be Moisés yic'ot tsi' pʌsbeyob i yejtal tac i p'ʌtʌlel ti' tojlel israelob.

Exodo 5:1

Moisés yic'ot Aarón tsa' majliyob ba'añ faraón, tsi' su'beyob: —Lac Yum i Dios Israel tsi' pejcayon lojon, tsi' yʌlʌ: “La' majlicob c tejclumob cha'añ mi' melbeñoñob q'uiñijel ya' ti colem bʌ i tiquiñal pañimil.”

Exodo 7:10

Tsa' majliyob Moisés yic'ot Aarón ba'añ faraón, che' jiñi tsi' meleyob che' bajche' tsi' yʌlʌ lac Yum. Aarón tsi' choco i barajte' ti' tojel faraón yic'ot ti' tojlel i yaj e'telob, che' jiñi tsa' pʌntʌyi ti lucum.

Numeros 11:1

Jiñi wiñicob tsa' cajiyob ti wulwul a'leya ti' tojlel lac Yum; tsi' yu'bi lac Yum, tsa' wen mich'a. Tsi' choco ju'bel c'ajc, tsa' puli lamital ya' ba' chumulob.

Numeros 11:29

Moisés tsi' jac'be: ¿Tsʌytsʌyña ba a pusic'al tic tojlel? Uts'atax caj laj x'alt'añobic i tejclum lac Yum, yic'ot muq'uic jax i yʌq'ueñtelob jiñi espíritu.

Numeros 12:3

Uts i pusic'al Moisés ñumen bajche' pejtelel wiñicob ti pañimil.

Numeros 16:3

Che' jiñi tsi' tempayob i bʌ ti' contra Moisés yic'ot Aarón, tsi' su'beyob: —¡Jasʌlix chuqui woli la' mel! Come ti pejtelel israelob laj ch'ujulob yic'ot ya'ʌch añ lac Yum ti' tojlelob. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum?

Romanos 12:10

C'uxbin la' bʌ, come la' pi'ʌl la' bʌ; yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ.

Romanos 12:3

Mic su'beñetla ti yutslel i pusic'al Dios tsa' bʌ aq'uentiyon: Ti jujuntiquiletla mach mi la' ña'tan ti la' pusic'al ñumen añ la ñuclel che' bajche' añ, ña'tan jach la ti toj la ñuclel ti jujuntiquiletla che' bajche' tsi' yʌq'ueyetla la ñop Dios.

Filipenses 2:14

Melela ti pejtelel la' pusic'al, mach yomic mi la' cha'len wulwul t'añ mi a'leya,

Filipenses 2:3

Ma'añic chuqui yom mi la' wis mel ti' tsʌytsʌyñʌyel la' pusic'al cha'añ mi la' chañ-esan la' bʌ; pero yom pec' mi la' mel la' bʌ, yom ñumen ñuc mi la' q'uel la' pi'ʌlob che' bajche' mi la' bajñel q'uel la' bʌ;

1 Pedro 5:5

Che' ja'el, ch'itoñ wiñicob, ac'ʌ la' bʌ ti' wenta ancianojob; ti la' pejtelel chʌn mele la' bʌ ti pec' ti' tojlel la' pi'ʌlob, come “Dios mi' contrajin jiñi mu' bʌ i chañ-esañob i bʌ. Mi' yʌq'ueñ i yutslel i pusic'al jiñi mu' bʌ i peq'uesañob i bʌ.”