Numeros 12:1 - Jiñi Tsiji' bʌ Wen T'añ cha'añ Estudio

¹ Awilan, María yic'ot Aarón tsi' cha'leyob wulwul t'añ ti' contra Moisés cha'añ tsi' pʌyʌ juntiquil xch'oc cha'añ i yijñam ch'oyol bʌ ti Cus.

Chol de Tumbalá Bible

¹ Awilan tsa' cajiyob ti wulwul a'leya Miriam yic'ot Aarón ti' contra Moisés cha'an tsi' pʌyʌ i yijñam ch'oyol bʌ ti Cus.

Chol: I T’an Dios

¹ Awilan tsa' cajiyob ti wulwul a'leya Miriam yic'ot Aarón ti' contra Moisés cha'an tsi' pʌyʌ i yijñam ch'oyol bʌ ti Cus.

Numeros 12:1 Iomraidhean Croise

Genesis 24:3

Ac'ʌ a t'añ ti' c'aba' lac Yum, i Dios bʌ panchan yic'ot pañimil, cha'añ ma'añic mi caj a yajcʌben i yijñam calobil ti' tojlel xch'oc bʌ i yalobilob cananeojob wʌ' ba' chumulon.

Genesis 24:37

Jiñi c yum tsi' su'beyon cha'añ mi cʌc' t'añ ti' tojlel, tsi' yʌlʌ: “Mach yomic ma' sʌclʌben i yijñam calobil ba'añ cananeojob wʌ' ba' chumulon,

Genesis 27:46

Ti wi'il Rebeca tsi' su'be Isaac: —Xc'ojyiyon cha'añ jiñi x'ixicob ch'oyolo' bʌ ti Het. Mi tsi' pʌyʌ Jacob ti yijñam i yalobilob Het, jiñi x'ixicob chumulo' bʌ ti ili lum, ¿chuqui to que'tel che' chʌn cuxulon?

Genesis 41:45

Faraón tsi' yotsʌbe yam bʌ i c'aba' José ti Zafnat-panea, yic'ot tsi' yʌq'ue i yijñam i c'aba' Asenat i yalobil bʌ Potifera, motomaj bʌ ti On. Che'ʌch tsa' cʌle José ti ye'tel ti pejtelel i lumal Egipto.

Exodo 2:16

Añ wuctiquil xch'oc bʌ i yalobilob jiñi motomaj ti Madián, tsa' tiliyob ti luch ja' jiñi xch'octacob, tsi' but'uyob i yajñib ja' cha'añ mi' yʌq'ueñ i jap i tʌñʌme' i tat.

Exodo 2:21

Moisés tsi' jac'ʌ chumtʌl ya' ti yotot Reuel, ya'ix tsa' cʌle. Reuel tsi' yʌq'ue Moisés xch'oc bʌ i yalobil i c'aba' Séfora cha'añ i yijñam.

Exodo 34:16

yic'ot ame la' pʌyben xch'octaco' bʌ i yalobilob cha'añ i yijñam la' walobilob, che' mi' ch'ujutesañob i diosob jiñi xch'octacob, mi caj i xic'beñob la' walobilob cha'añ mi' ch'ujutesañob ja'el, che' jiñi la' walobilob mi caj i tsajcʌbeñob i diosob.

Levitico 21:14

Mach yomic mi' pʌy me'ba' x'ixic, mi cʌybilix bʌ x'ixic, mi mach bʌ weñic i ñusa q'uiñ bʌ x'ixic, mi ts'i'lel x'ixic, pero yom mi' pʌy ti' tojlel i pi'ʌlob xch'oc maxto bʌ pi'lebilic,

Numeros 14:22

mi juntiquilic jiñi tsa' bʌ i q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum, yic'ot jiñi lujunyajlix bʌ tsi' yilʌbeyoñob c pusic'al, yic'ot ja'el jiñi mach bʌ añic tsi' p'isiyob ti' wenta c t'añ,

Numeros 16:2

tsa' caji i contrajiñob Moisés temel yic'ot lujunc'al yic'ot lujuntiquil i yuxc'al (250) wiñicob israelo' bʌ, ñuc taco' bʌ i ye'tel ti' tojlel israelob, yajcʌbilo' bʌ cha'añ mi' cʌntañob wiñicob.

Numeros 26:59

I yijñam Amram jiñʌch i c'aba' Jocabed, xch'oc bʌ i yalobil Leví, tsa' bʌ i yila pañimil ti Egipto. Amram yic'ot Jocabed tsi' yʌc'ʌyob ti pañimil i yalobilob jiñobʌch: Aarón, Moisés yic'ot i chich i c'aba' María.

Mateo 10:36

Jiñi cha'añ jiñi la' contra jiñobʌch la' pi'ʌlob año' bʌ ti la' wotot.

Mateo 12:48

Jesús tsi' jac'be jiñi tsa' bʌ ujti ti t'añ: —¿Majqui c ña' yic'ot majqui quijts'iñob?

Juan 15:20

Ña'tanla jiñi t'añ tsa' bʌ c su'beyetla: “Jiñi mu' bʌ i melben i ye'tel i yum mach ñumen ñuquic bajche' i yum.” Mi joñon tsi' tic'layoñob, che' ja'el jatetla mi caj la' tic'lʌntel, mi tsi' jac'ʌyob c t'añ, mi caj i jac'ob la' t'añ ja'el.

Juan 7:5

Mi jiñic i yijts'iñob tsi' ñopoyob ja'el.

Gálatas 4:16

¿Tsa' ba ochiyon ti la' contra cha'añ tsa' c su'beyetla isujmlel?