Numeros 11:2 - Jiñi Tsiji' bʌ Wen T'añ cha'añ Estudio

² Jiñi israelob tsi' cha'leyob wocol t'añ ti' tojlel Moisés. Jiñi Moisés tsi' pejca lac Yum, che' jiñi tsa' yajpi jiñi c'ajc.

Chol de Tumbalá Bible

² Jini woliyobix bʌ i yubiñob wocol tsa' caji i pʌyob Moisés ti c'am bʌ t'an cha'an mi' coltañob. Tsa' caji ti oración Moisés. Che' jini tsa' yajpi jini c'ajc.

Chol: I T’an Dios

² Jini woliyobix bʌ i yubiñob wocol tsa' caji i pʌyob Moisés ti c'am bʌ t'an cha'an mi' coltañob. Tsa' caji ti oración Moisés. Che' jini tsa' yajpi jini c'ajc.

Numeros 11:2 Iomraidhean Croise

Exodo 10:18

Jiñi cha'añ Moisés tsa' loq'ui ti' tojlel faraón yic'ot tsi' pejca lac Yum.

Exodo 34:9

tsi' yʌlʌ: —C Yum, mi isujm tsa'ix c taja i yutslel a pusic'al, yom ma' majlel ti ojlil quic'ot lojon. Come jiñi tejclum wen tsʌtsob i pusic'al, pero ñusʌbeñon lojon c jontolil yic'ot c mul lojon yic'ot ch'ʌmʌyon lojon che' bajche' a cha'añ bʌ.

Numeros 12:11

tsi' su'be Moisés: “¡Awocolic c yum! mach a wʌq'ueñon lojon c toj ili mulil, come tontojtic tsa' c mele lojon c bʌ, tsa' c cha'le lojon mulil.

Numeros 12:13

Che' jiñi Moisés tsi' pejca lac Yum ti wocol t'añ, tsi' su'be: “C Yum Dios, awocolic, cha' lajmesan ti ora jiñi c chich.”

Numeros 21:7

Che' jiñi tsa' tiliyob wiñicob ba'añ Moisés, tsi' su'beyob: “Tsa'ix c taja lojon c mul cha'añ tsa' c cha'le lojon t'añ ti' contra lac Yum yic'ot ti a contra; c'ajtiben lac Yum ti wocol t'añ cha'añ mi' cha' loc'san ili lucum tac tic tojlel lojon.” Moisés tsa' caji i pejcan lac Yum cha'añ mi' coltañ jiñi israelob,

Hechos 8:24

Simón tsi' jac'ʌ: —C'ajtiben lac Yum cha'añ mi' ñusʌbeñon cha'añ ma'añic mic majlel ti tojmulil che' bajche' tsa' wʌlʌ.

Hebreos 7:26

Jesús jiñʌch c'ax ñuc bʌ la caj Motomaj jiñi yom bʌ lac cha'añ, come ch'ujulʌch, ma'añic i jontolil, sʌc i pusic'al, mach xmulilic, tsa'ix aq'uenti i ñuclel ti panchan;

Santiago 5:16

Su'bu la' bʌ che' añ la' mul ti' tojlel la' pi'ʌlob, taja la' bʌ ti oración cha'añ mi la' lajmesʌntel. Añ ca'bʌl i c'ʌjñibal i yoración jiñi tojo' bʌ, ca'bʌlʌch i p'ʌtʌlel.

1 Juan 5:16

Mi añ majch mi' q'uel i yermañu che' woli i taj i mul mach bʌ añic mi' yʌc' ti chʌmel, la i c'ajtiben Dios cha'añ mi' ñusʌbentel i mul i yermañu, Dios mi caj i yʌq'ueñ i cuxtʌlel jiñi am bʌ i mul mach bʌ añic mi' yʌc' ti chʌmel. Añ mulil mu' bʌ i yʌc'onla ti chʌmel, ma'añic wolic su'beñetla mi yom mi la' cha'len oración cha'añ mi' ñusʌbentel.