Numeros 11:16 - Jiñi Tsiji' bʌ Wen T'añ cha'añ Estudio

¹⁶ Jiñi cha'añ lac Yum tsi' su'be Moisés: —Tempʌbeñon lujuntiquil i chʌnc'al (70) wiñicob ñoxobix bʌ ti' tojlel israelob, cʌmbil bʌ a cha'añ año' bʌ i ye'tel, pʌyʌyob tilel ti ti' jiñi Tabernáculo ba' mi la' tempan la' bʌ, la' tem wa'lecob a wic'ot ya'i.

Chol de Tumbalá Bible

¹⁶ Jini cha'an lac Yum tsi' sube Moisés: Tempan lujuntiquil i chʌnc'al (70) winicob a cʌñʌyo' bʌ, ñoxobix bʌ ti' tojlel israelob año' bʌ i ye'tel. Pʌyʌyob tilel ti' ti' jini Tabernáculo. La' tem wa'lecob a wic'ot ya'i.

Chol: I T’an Dios

¹⁶ Jini cha'an lac Yum tsi' sube Moisés: Tempan lujuntiquil i chʌnc'al (70) winicob a cʌñʌyo' bʌ, ñoxobix bʌ ti' tojlel israelob año' bʌ i ye'tel. Pʌyʌyob tilel ti' ti' jini Tabernáculo. La' tem wa'lecob a wic'ot ya'i.

Numeros 11:16 Iomraidhean Croise

Genesis 46:27

I yalobilob José tsa' bʌ i yilayob pañimil ti Egipto, añob cha'tiquil ch'itoñob. Ti pejtelelob i p'olbal Jacob tsa' bʌ ochiyob ti Egipto; añob lujuntiquil i chʌnc'al (70).

Exodo 18:25

Moisés tsi' yajca wiñicob año' bʌ i ña'tʌbal ti pejtelel Israel yic'ot tsi' yʌq'ueyob i ye'tel ti' tojlel i pi'ʌlob ti jujunmojt. Yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac,

Exodo 24:1

Lac Yum tsi' su'be Moisés: —Yom ma' letsel tilel ba'añon, temel a wic'ot Aarón, Nadab, Abiú, yic'ot lujuntiquil i chʌnc'al xñoxo' bʌ ti Israel yic'ot ñajt jach mi caj i c'uchchocoñob i bʌ.

Exodo 24:9

Tsa' letsi majlel ti wits Moisés yic'ot Aarón yic'ot Nadab yic'ot Abiú, yic'ot lujuntiquil i chʌnc'al (70) xñoxo' bʌ ti Israel,

Exodo 4:29

Temel tsa' majliyob Moisés yic'ot Aarón cha'añ mi' tempañob pejtelel jiñi xñoxob ti Israel.

Numeros 11:24

Tsa' loq'ui Moisés ti Tabernáculo, tsi' su'beyob wiñicob chuqui tsi' yʌlʌ lac Yum. Ti wi'il tsi' tempayob jiñi lujuntiquil i chʌnc'al xñoxob año' bʌ i ye'tel ti' tojlel israelob, tsi' tempayob ti' joytʌlel jiñi Tabernáculo.

Numeros 16:25

Che' jiñi Moisés tsa' majli ba'añ Datán yic'ot Abiram. Jiñi xñoxob ti Israel tsa' caji i tsʌcleñob majlel.

Lucas 10:1

Che' ujtemix iliyi, lac Yum tsi' yʌq'ueyob i ye'tel yam bʌ lajchʌntiquil i chʌnc'al (72). Tsi' chocoyob majlel ti cha'cha'tiquil cha'añ mi' majlelob ti ñaxan ti pejtelel tejclum yic'ot xchumtʌl ba' mi caj i majlel Jesús.

Lucas 10:17

Tsa' cha' tiliyob jiñi lajchʌntiquil i chʌnc'al, ti tijicñʌyelob, tsi' su'beyob: —C Yum, jiñi xi'bajob mi' loq'uelob che' mic su'ben lojon loq'uel ti a c'aba'.

Deuteronomio 1:15

“Jiñi cha'añ tsa' c pʌyʌ jiñi ñuc taco' bʌ i ye'tel ti la' tojlel año' bʌ ca'bʌl i ña'tʌbal yic'ot wen yujilo' bʌ e'tel, tsa' c wa'chocoyob ti' ye'tel ti la' tojlel. Añ tsa' bʌ i tajayob i ye'tel ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.

Deuteronomio 16:18

Ti pejtelel tejclum tac mu' bʌ caj i yʌq'ueñetla lac Yum Dios, mi caj la' wa'chocon juezob yic'ot año' bʌ i ye'tel ti jujunmojt i p'olbal Israel cha'añ mi' cha'leñob meloñel ti toj ti' tojlel i pi'ʌlob.

Deuteronomio 31:28

Pʌyʌyob tilel tic t'ejl pejtelel xñoxob ti jujunmojt i p'olbal Israel yic'ot jiñi año' bʌ i ye'tel ti la' tojlel; mi caj c su'beñob ti' chiquin ili t'añ tac yic'ot mi caj c pʌy cha'añ testigo jiñi panchan yic'ot pañimil cha'añ mi' tsictesʌbeñob i mul.