Numeros 10:12 - Jiñi Tsiji' bʌ Wen T'añ cha'añ Estudio

¹² che' jiñi tsi' techeyob i xʌmbal jiñi israelob ya' ti colem bʌ i tiquiñal lum i c'aba' Sinaí che' bajche' tsa' su'bentiyob. Jiñi tocal tsa' wa'le ya' ti colem bʌ i tiquiñal lum i c'aba' Parán.

Chol de Tumbalá Bible

¹² Che' jini tsa' cajiyob ti xʌmbal majlel jini israelob ya' ti colem bʌ i tiquiñal pañimil i c'aba' Sinaí. Cha'p'ejl uxp'ejl q'uin tsa' jijliyob ya' ti bij. Tsa' wa'le jini Tocal ya' ti colem bʌ i tiquiñal pañimil i c'aba' Parán.

Chol: I T’an Dios

¹² Che' jini tsa' cajiyob ti xʌmbal majlel jini israelob ya' ti colem bʌ i tiquiñal pañimil i c'aba' Sinaí. Cha'p'ejl uxp'ejl q'uin tsa' jijliyob ya' ti bij. Tsa' wa'le jini Tocal ya' ti colem bʌ i tiquiñal pañimil i c'aba' Parán.

Numeros 10:12 Iomraidhean Croise

Genesis 14:6

yic'ot ti' contra jiñi horeojob ya' ti wits i c'aba' Seir c'ʌlʌl ti joctʌlel Parán, am bʌ ya' ti ti' i tiquiñal pañimil.

Genesis 21:21

Tsa' chumle ti jochol bʌ lum i c'aba' Parán. Jiñi i ña' tsi' c'ajtibe i yijñam ti' lumal Egipto.

Exodo 13:20

Tsa' loq'uiyob ti Sucot, tsa' c'otiyob ti jijlel ya' ti Etam, ya' ti ti' i tiquiñal lum.

Numeros 1:1

Ti jiñi ñaxan bʌ q'uiñ che' ti' cha'p'ejlel uw, che' i cha'p'ejlelix ja'b i loq'uelob ti Egipto jiñi israelob, lac Yum tsi' pejca Moisés ya' ti' tiquiñal lum ya' ti Sinaí, che' bʌ ya'añ ya' ti Tabernáculo ba' mi' tempañob i bʌ, tsi' su'be:

Numeros 10:33

Che'ʌch tsi' cʌyʌyob jiñi i wits lac Yum, uxp'ejl q'uiñ tsi' xʌñʌyob. Jiñi Arca cha'añ jiñi xuc'ul bʌ i t'añ lac Yum ñaxan tsa' majli, uxp'ejl q'uiñ tsi' tsʌcleyob majlel, cha'añ mi' sʌclʌbeñob jiñi lum ba' mi' c'ajob i yoj.

Numeros 12:16

Ti wi'il jiñi tejclum tsa' majliyob ti Hazerot. Tsa' c'otiyob ti jijlel ya' ti colem bʌ i tiquiñal lum i c'aba' Parán.

Numeros 13:26

Tsa' cha' c'otiyob ti Cades am bʌ ya' ti colem bʌ i tiquiñal lum i c'aba' Parán. Tsi' su'beyob Moisés yic'ot Aarón yic'ot pejtelel israelob bajche' yilal i lumal Canaán, yic'ot tsi' pʌsbeyob i wut jiñi pʌc'ʌbʌl tac am bʌ ti jiñi lum.

Numeros 13:3

Jiñi cha'añ Moisés tsi' chocoyob majlel ya' ti colem bʌ i tiquiñal lum i c'aba' Parán che' bajche' tsi' yʌlʌ lac Yum. Ti pejtelel ili wiñicob añob ñuc bʌ i ye'telob ti' tojlel i pi'ʌlob.

Numeros 2:34

Che'ʌch tsi' meleyob jiñi israelob che' bajche' tsi' yʌlʌ lac Yum ti' tojlel Moisés. Che'ʌch tsa' chumleyob ti' t'ejl tacob i bandera; che'ʌch ja'el tsi' cha'leyob xʌmbal majlel jujuntiquil yic'ot i pi'ʌlob ti' mojt ti' mojt.

Numeros 9:1

Lac Yum tsi' pejca Moisés ya' ti colem bʌ i tiquiñal lum i c'aba' Sinaí, che' ti ñaxan bʌ uw che' wolix i tejchel i cha'p'ejlel ja'b i loq'uelob ti Egipto, tsi' su'be:

Numeros 9:17

Pero che' bʌ tsa' caji ti letsel majlel jiñi tocal am bʌ ya' ti' pam jiñi Tabernáculo, jiñi israelob tsi' techeyob i xʌmbal; ya' ba' tsa' wa'le jiñi tocal, ya' tsa' wa'leyob ja'el, ya'i tsi' wa'chocoyob jiñi pisil bʌ otot tac.

Numeros 9:5

Tsi' meleyob jiñi q'uiñijel ya' ti colem bʌ i tiquiñal lum i c'aba' Sinaí che' ti' chʌnlujump'ejlel (14) q'uiñ ti jiñi ñaxan bʌ uw che' wolix i yic'an; che'ʌch tsi' meleyob jiñi israelob che' bajche' lac Yum tsi' yʌq'ue mandar Moisés.

Deuteronomio 1:1

Jiñʌch ili t'añ tsa' bʌ i su'bu Moisés ti' tojlel pejtelel israelob ti junwejl Jordán ja' che' ya' to añob ti colem bʌ i tiquiñal pañimil i c'aba' Arabá am bʌ ti' tojel jiñi Mar i c'aba' Chʌchʌc Bʌ, ya'ʌch ba'añ jiñi tejclum tac i c'aba' Parán, Tofel, Labán, Hazerot, yic'ot Dizahab.

Deuteronomio 1:19

Che' bʌ tsa' loq'uiyonla ti Horeb, tsa' lac pam xʌñʌ jiñi bʌbʌq'uen bʌ i tiquiñal pañimil tsa' bʌ la' q'uele ya' ti' bijlel amorreojob che' bajche' tsi' yʌq'ueyonla mandar lac Yum Dios, tsa' c'ʌlʌl c'otiyonla ti Cades-barnea.

Deuteronomio 1:7

Techex la' xʌmbal, cucuxla ya' ti' lumal amorreojob yic'ot ti' joytʌlel, ya' ti Arabá, ya' ti wits tac, ya' ti joctʌl tac, ya' ti Neguev yic'ot ti ti' mar, ya' ti' lumal cananeojob yic'ot ti Líbano, c'ʌlʌl ti colem ja' i c'aba' Éufrates.

Deuteronomio 33:2

Tsi' yʌlʌ: “Lac Yum tsa' tili ba'añonla ya' ti wits i c'aba' Sinaí, tsi' pʌsbeyonla i sʌclel ya' ti Seir, tsa' tsictiyi i sʌclel c'ʌlʌl ya' ti wits i c'aba' Parán, che' bʌ tsa' tili yic'ot bajc'ʌl ch'ujulo' bʌ ángelob, che' chucul i cha'añ jiñi mandar ti' ñoj bʌ i c'ʌb che' bajche' lemlemña bʌ c'ajc.