Numeros 1:4 - Jiñi Tsiji' bʌ Wen T'añ cha'añ Estudio

⁴ Mi caj i yajñel la' wic'ot juntiquil wiñic ti jujunmojt i p'olbal Israel, juntiquil yumʌl bʌ ti junmojt xchumtʌl.

Numeros 1:4 Iomraidhean Croise

Exodo 18:21

Che' ja'el yom ma' yajcan wiñicob año' bʌ i ña'tʌbal, mu' bʌ i bʌc'ñañob Dios, isujm bʌ mi' cha'leñob t'añ, mach bʌ añic mi' mulañob taq'uiñ. Yom ma' wa'chocoñob ti ye'tel ti' tojlel israelob, yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac.

Exodo 18:25

Moisés tsi' yajca wiñicob año' bʌ i ña'tʌbal ti pejtelel Israel yic'ot tsi' yʌq'ueyob i ye'tel ti' tojlel i pi'ʌlob ti jujunmojt. Yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac,

Numeros 1:16

Jiñʌch i c'aba'ob ili wiñicob tsa' bʌ wa'chocontiyob ti' tojlel bajc'ʌl israelob, año' bʌ ñuc bʌ i ye'tel ti' tojlel i tatob.

Numeros 1:44

Jiñʌch tsa' bʌ i tsiquiyob Moisés yic'ot Aarón temel yic'ot jiñi wiñicob wa'chocobilo' bʌ ti' tojlel israelob loq'uemo' bʌ ti jujunmojt i p'olbal Israel.

Numeros 17:3

mi caj a ts'ijbuben i c'aba' Aarón ya' ti' barajte' Leví, come ti jujuntiquil yumʌl loq'uemo' bʌ ti jujunmojt i p'olbal Israel laj añob i barajte'.

Numeros 25:14

I c'aba' jiñi wiñic tsa' bʌ tsʌnsʌnti yic'ot jiñi x'ixic loq'uem bʌ ti madián, jiñʌch Zimri i yalobil Salu, am bʌ i ye'tel ti' p'olbal Simeón.

Numeros 25:4

Lac Yum tsi' su'be Moisés: “Tempan pejtelel xñoxob año' bʌ ñuc bʌ i ye'tel ti' tojlel israelob cha'añ ma' jich'ob tic tojlel che' ti q'uiñil, cha'añ mi' lajmel c mich'ajel ti' tojlel israelob.”

Numeros 30:1

Moisés tsi' pejca jiñi ñuc taco' bʌ i ye'tel ti jujunmojt israelob, tsi' su'beyob: “Jiñʌch iliyi tsa' bʌ i yʌlʌ lac Yum:

Numeros 4:34

Jiñi cha'añ Moisés yic'ot Aarón, yic'ot jiñi yumʌlob wa'chocobilo' bʌ ti jujunmojt, tsi' tsiquiyob i p'olbal Coat, che' bajche' t'oxbilob tac.

Numeros 7:2

Che' jiñi, pejtelel jiñi ñuc taco' bʌ i ye'tel ti' tojlel israelob, jiñi yumʌlob ti' mojt ti' mojt tsa' bʌ i cha'leyob coltaya ti' chajpʌntel jiñi lista tac, tsi' lʌc'tesayob i bʌ,

Deuteronomio 1:15

“Jiñi cha'añ tsa' c pʌyʌ jiñi ñuc taco' bʌ i ye'tel ti la' tojlel año' bʌ ca'bʌl i ña'tʌbal yic'ot wen yujilo' bʌ e'tel, tsa' c wa'chocoyob ti' ye'tel ti la' tojlel. Añ tsa' bʌ i tajayob i ye'tel ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.