Numeros 1:3 - Jiñi Tsiji' bʌ Wen T'añ cha'añ Estudio

³ Jiñi añobix bʌ junc'al i ja'bilel yic'ot jiñi ñumeñix bʌ ti junc'al, jatet yic'ot Aarón mi caj la' ts'ijbuben i c'aba' pejtelel muq'uix bʌ i mejlelob ti majlel ti guerra che' bajche' mi yʌl jiñi am bʌ ti' wenta.

Numeros 1:3 Iomraidhean Croise

Exodo 12:17

Mi caj la' chʌn mel i q'uiñilel waj mach bʌ añic i levadurajlel, come ti jiñi jach bʌ q'uiñ tsa' c pʌyʌyetla loq'uel ti Egipto; jiñi cha'añ mi caj la' jac' ili mandar jatetla yic'ot la' walobilob ti' lajm ti' lajm ti pejtelel ora.

Exodo 30:14

Pejtelel wiñicob mu' bʌ i tsijquelob, añobix bʌ junc'al i ja'bilel c'ʌlʌl ti jiñi ñoxobix bʌ, mi caj i yʌq'ueñob i majtañ lac Yum.

Exodo 38:26

tsi' yʌc'ʌyob jujuntiquil jo'p'ejl gramo yic'ot ojlil plata che' bajche' añ jiñi p'isoñib ti ch'ujul bʌ ajñibʌl, pejtelel jiñi tsa' bʌ tsijquiyob jiñobʌch añobix bʌ junc'al (20) i ja'bilelob c'ʌlʌl ti' ñoxlel, ti' pejtelelob jiñʌch 603,550.

Numeros 14:29

Mi caj la' chʌmel wʌ' ti tiquiñal lum, pejtelel tsa' bʌ ts'ijbunti la' c'aba' ti juñ añix bʌ junc'al la' ja'bilel, tsa' bʌ la' cha'le wulwul t'añ tij contra.

Numeros 26:2

“Tsiquiyob pejtelel israelob, añobix bʌ junc'al i ja'bilel c'ʌlʌl ti' ñoxlel, che' bajche' jaytiquil añob ti' mojt ti' mojt, ti' pejtelel muq'uix bʌ i mejlelob ti majlel ti guerra.”

Numeros 3:15

“Yom ma' tsic jiñi levijob che' bajche' jaytiquil añob ti' mojt ti' mojt, yom ma' wotsan ti juñ pejtelel ch'itoñ bʌ i yalobilob añobix bʌ jump'ejl uw c'ʌlʌl ti' ñoxlel.”

Numeros 32:11

“Jiñi wiñicob tsa' bʌ loq'uiyob ti Egipto año' bʌ jujunc'al i ja'bilel c'ʌlʌl ti' ñoxlel, ma'añic mi caj i q'uelob jiñi lum tsa' bʌ c wʌn su'beyob ti xuc'ul bʌ c t'añ jiñi Abraham, Isaac, yic'ot Jacob, come mach xuc'ulobic i pusic'al tic tojlel,

Numeros 33:1

Pejtelel iliyi jiñʌch ba' tsi' xʌñʌyob ñumel jiñi israelob che' bʌ tsa' loq'uiyob ti Egipto ti' mojt ti' mojt, ba' ora Moisés yic'ot Aarón tsi' pʌyʌyob loq'uel.

Numeros 4:3

am bʌ lujump'ejl i cha'c'al (30) i ja'bilel, c'ʌlʌl ti lujump'ejl i yuxc'al (50), jiñobʌch mu' bʌ i mejlel i yochelob ti e'tel ya' ti Tabernáculo ba' mi la' tempan la' bʌ.”

Deuteronomio 24:5

Che' añ juntiquil wiñic tsa' to bʌ tsiji' ñujpuñi, mach mejlic i loq'uel majlel ti guerra, mi yomic mi' mel mi junchajpic e'tel; mi caj i yajñel jump'ejl ja'b ya' ti' yotot cha'añ mi' tijicñesan i pusic'al yic'ot jiñi xch'oc tsa' bʌ i pʌyʌ.

Deuteronomio 3:18

Che' jiñi tsa' c su'beyetla: “Lac Yum Dios tsi' yʌq'ueyetla ili lum cha'añ mi la' ch'ʌm; pero yom chajpʌbiletla ti la' we'tijib mi la' majlel pejtelel la' wujil bʌ guerra cha'añ ñaxan mi la' majlel ti' tojlel la' pi'ʌlob israelo' bʌ.