Mateo 4:3 - Jiñi Tsiji' bʌ Wen T'añ cha'añ Estudio

³ Tsa' tili jiñi xpʌy mulil ya' ba'añ Jesús. Tsi' su'be: —Mi i Yalobilet Dios, su'ben ili xajlel tac cha'añ mi' pʌntʌyel ti waj.

Chol de Tumbalá Bible

³ Tsa' tili jini xpʌy mulil ya' ba'an Jesús. Tsi' sube: Mi i Yalobilet Dios, suben jini xajlel tac cha'an mi' pʌntʌyel ti waj, che'en.

Chol Tila

³ Che' jini, ti c'oti i lʌq'ue' Jesús jini xiba. Ti' sube: Mi melelʌch i yalobilet Dios, suben ili tyun tyac cha'an mi' pʌntiyel ti waj, che'en.

Chol: I T’an Dios

³ Tsa' tili jini xpʌy mulil ya' ba'an Jesús. Tsi' sube: Mi i Yalobilet Dios, suben jini xajlel tac cha'an mi' pʌntʌyel ti waj, che'en.

Mateo 4:3 Iomraidhean Croise

Exodo 16:3

Jiñi israelob tsi' su'beyob: —Uts'at tsa'ic i tsʌnsayon lojon lac Yum ya' ti' lumal Egipto, ba' tsa' buchleyon lojon ti c'ux waj yic'ot we'elʌl añ tac bʌ ti p'ejt, jinto tsa' ñaj-ayon lojon, pero tsa'ix a pʌyʌyon lojon tilel ba'añ i tiquiñal lum cha'añ ma' tsʌnsan ti wi'ñal pejtelel ili wiñicob x'ixicob.

Mateo 14:33

Jiñi año' bʌ ti' mal barco tsa' tiliyob, tsi' ch'ujutesayob Jesús, tsi' yʌlʌyob: —Isujmʌch i Yalobilet Dios.

Mateo 16:16

Simón Pedro tsi' jac'ʌ: —Jatetʌch jiñi Cristo, jiñi yajcʌbil bʌ, i Yalobilet jiñi cuxul bʌ Dios.

Mateo 26:63

Pero Jesús ma'añic chuqui tsi' yʌlʌ. Jiñi cha'añ jiñi c'ax ñuc bʌ motomaj tsi' su'be: —Ti' c'aba' jiñi cuxul bʌ Dios, yom ma' su'beñon lojon mi Cristojet mi Yalobilet Dios.

Mateo 3:17

Awilan, tsa' loq'ui tilel t'añ ti panchan, tsi' yʌlʌ: “Jiñʌch Calobil mu' bʌ j c'uxbin, mu' bʌ i yʌq'ueñon c tijicñʌyel.”

Marcos 1:1

Jiñʌch i cajibal jiñi wen t'añ i cha'añ Jesucristo i Yalobil Dios.

Marcos 3:11

Jiñi xi'bajob che' bʌ tsi' q'ueleyob, tsi' pʌc chocoyob i bʌ ti' tojel Jesús, ti c'am bʌ t'añ tsi' yʌlʌyob: —Jatet i Yalobilet Dios.

Marcos 5:7

Wen c'am tsi' cha'le t'añ, tsi' yʌlʌ: —¿Chuqui a wom quic'ot, Jesús, i Yalobilet bʌ Dios jiñi C'ax Ñuc bʌ? Mij c'ajtibeñet ti wocol t'añ ti' c'aba' Dios mach a tic'lañon.

Lucas 1:35

Jiñi ángel tsi' su'be: —Mi caj i tilel jiñi Ch'ujul bʌ Espíritu ti a tojlel. I p'ʌtʌlel jiñi C'ax Ñuc Bʌ mi caj i moset. Jiñi cha'añ jiñi ch'ujul bʌ alʌl mu' bʌ caj i yilan pañimil mux i pejcʌntel ti' Yalobil Dios.

Lucas 22:70

Ti pejtelelob tsi' su'beyob: —¿Jatet ba i Yalobilet Dios? Jesús tsi' su'beyob: —Joñoñʌch che' bajche' woli la' wʌl.

Lucas 4:3

Jiñi xi'ba tsi' su'be Jesús: —Mi i Yalobilet Dios, su'ben ili xajlel cha'añ mi' pʌntʌyel ti waj.

Lucas 4:41

Che' ja'el ca'bʌlob tsa' loq'uiyob i xi'bʌjlel, tsi' cha'leyob c'am bʌ t'añ, tsi' yʌlʌyob: —Jatet i Yalobilet Dios. Jesús tsi' tiq'uiyob, ma'añic tsi' yʌq'ueyob i cha'len t'añ, come cʌñʌl i cha'añob cha'añ jiñʌch jiñi Cristo.

Lucas 4:9

Jiñi xi'ba tsi' pʌyʌ majlel Jesús ya' ti Jerusalén. Ya' tsi' pʌyʌ majlel ti wa'tʌl ti' pam i jol Templo. Tsi' su'be: —Mi i Yalobilet Dios, choco ju'bel a bʌ.

Juan 1:34

Joñon tsa' j q'uele, tsa' c su'bu cha'añ jiñʌch i Yalobil Dios.

Juan 1:49

Natanael tsi' jac'be: —Rabí, jatet i Yalobilet Dios, jatet i Reyet Israel.

Juan 20:31

Pero iliyi tsa' ts'ijbunti cha'añ mi la' ñop Cristojʌch jiñi Jesús, i Yalobilʌch Dios, cha'añ che' mi la' ñop, mi la' wʌq'uentel la' cuxtʌlel ti' c'aba'.

Juan 9:35

Tsi' yu'bi Jesús chocbilix loq'uel jiñi wiñic, tsa' majli i taj, tsi' su'be: —¿Mu' ba a ñop i Yalobil Dios?

Hechos 9:20

Ti jiñi jach bʌ ora tsa' caji i bʌc' su'b t'añ cha'añ Cristo ti sinagoga tac. Tsi' yʌlʌ: I Yalobilʌch Dios jiñi Cristo.

2 Corintios 1:19

Come mach cha'chajpic i t'añ Jesucristo i Yalobil Dios tsa' bʌ c su'beyetla joñon quic'ot Silvano yic'ot Timoteo, junsujm jach i t'añ Jesucristo.

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, wolic taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

1 Tesalonicenses 3:5

Jiñi cha'añ ma'añic tsa' mejli c chʌn pijtan la' t'añ, tsa' c choco majlel juntiquil cha'añ mi cu'bin mi xuc'ul woli la' ñop, ame tsa'ic i xiq'uiyetla ti mulil jiñi xi'ba, ame lolomic jach que'tel lojon ti la' tojlel.

Hebreos 12:16

Tsajiletla ame añic majch mi' taj i yixic, ame añic majch mi' ts'a'len jiñi uts'at tac bʌ i cha'añ Dios che' bajche' Esaú, tsi' choño i yʌscunlel cha'añ mi' poj taj i bʌl i ñʌc'.

Hebreos 4:14

Come añ c'ax ñuc bʌ la caj Motomaj tsa' bʌ ochi ti panchan ti' tojlel Dios, jiñʌch Jesús i Yalobil Dios, jiñi cha'añ la' lac chʌn ac' ti lac pusic'al jiñi tsa' bʌ lac ñopo mu' bʌ lac su'b.

Hebreos 7:3

Ma'añic majqui yujil majqui i tat i ña', ma'añic tsa' tajle i c'aba' i ñojte'elob; ma'añic majqui yujil baqui ora tsi' yila pañimil, mi jiñic jax baqui ora tsa' chʌmi; jiñi cha'añ lajalʌch bajche' i Yalobil Dios, Motomaj ti pejtelel ora.

1 Juan 3:8

Jiñi mu' bʌ i cha'len mulil i cha'añʌch xi'ba, come jiñi xi'ba woli' chʌn cha'len mulil c'ʌlʌl ti' cajibal. Jiñi cha'añ tsa' tsictiyi i Yalobil Dios cha'añ mi' jisʌben i ye'tel xi'ba.

Apocalipsis 2:10

Mach la' bʌc'ñan jiñi wocol mu' bʌ caj i tajetla, awilan jiñi xi'ba mi caj i lamital otsañetla ti ñujp'ibʌl cha'añ mi' yilʌbentel la' pusic'al, mi caj la' tic'lʌntel lujump'ejl q'uiñ, xuc'ul yom mi la' wajñel anquese mi la' wʌjq'uel ti chʌmel, mi caj cʌq'ueñetla la' cuxtʌlel che' bajche' corona.