Lucas 8:22 - Jiñi Tsiji' bʌ Wen T'añ cha'añ Estudio

²² Ti yam bʌ q'uiñ Jesús tsa' ochi ti barco yic'ot jiñi xcʌnt'añob i cha'añ, tsi' su'beyob: —La' c'axiconla ti junwejl mar. Tsa' cajiyob ti majlel.

Chol de Tumbalá Bible

²² Ti yambʌ q'uin Jesús tsa' ochi ti barco yic'ot jini xcʌnt'añob i cha'an. Tsi' subeyob: La' c'axiconla ti junwejl ñajb, che'en. Tsa' cajiyob ti majlel.

Chol Tila

²² Junyaj che' ti ochi ti barco Jesús yic'ot ajcʌnt'añob i cha'an, Jesús ti' subeyob: La' c'axiconla majlel ti junwej ja', che'en. Che' jini ti majliyob.

Chol: I T’an Dios

²² Ti yambʌ q'uin Jesús tsa' ochi ti barco yic'ot jini xcʌnt'añob i cha'an. Tsi' subeyob: La' c'axiconla ti junwejl ñajb, che'en. Tsa' cajiyob ti majlel.

Lucas 8:22 Iomraidhean Croise

Mateo 14:22

Jesús tsi' su'beyob ochel ti barco jiñi xcʌnt'añob i cha'añ, cha'añ mi' ñaxan c'axelob majlel ti junwejl mar, tsa' to bajñel cʌle i su'beñob sujtel jiñi wiñicob x'ixicob.

Mateo 8:18

Che' bʌ tsi' q'uele Jesús joyol ti ca'bʌl wiñicob x'ixicob, tsi' su'be xcʌnt'añob, cha'añ mi' c'axelob ti junwejl mar.

Marcos 5:21

Che' bʌ tsa' cha' c'axi Jesús ti junwejl ja' ti barco, tsi' tempayob i bʌ bajc'ʌl wiñicob x'ixicob ti' joytʌlel. Ya'añ Jesús ti ti' mar.

Marcos 6:45

Jesús tsi' bʌc' su'be ochel xcʌnt'añob i cha'añ ti barco cha'añ ñaxan mi' majlelob ti Betsaida ti junwejl ja'. Tsa' to bajñel cʌle i su'beñob sujtel wiñicob x'ixicob.

Marcos 8:13

Jesús tsi' cʌyʌyob. Tsa' cha' ochi ti barco, tsa' c'axi ti junwejl ja'.

Lucas 5:1

Che' ya'añ Jesús ti' t'ejl mar i c'aba' Genesaret, jiñi wiñicob x'ixicob tsi' jom ñet'eyob i bʌ ya' ba' wa'al Jesús cha'añ mi' ñʌch'tañob i t'añ Dios.

Lucas 8:23

Pero che' woliyob ti xʌmbal majlel ti ja', tsa' caji ti wʌyel Jesús. Tsa' tili p'ʌtʌl bʌ ic' ti mar, yomix ochel ja' ti mal barco, bʌbʌq'uen jach mi' chʌmelob.

Lucas 8:33

Jiñi xi'bajob tsa' loq'uiyob ti jiñi wiñic, tsa' ochiyob ti chitam, ti ajñel tsa' laj ju'bi chitam ti xitil bʌ wits, tsa' ochi ti mar, ya'i tsa' laj chʌmiyob.

Juan 6:1

Ti wi'il Jesús tsa' c'axi ti junwejl mar am bʌ ti Galilea, i c'aba' Tiberias,

Hechos 27:2

Tsa' ochiyon lojon ti barco ch'oyol bʌ ti Adramitio woli bʌ i majlel ti tejclum tac am bʌ ti ti' mar ya' ti Asia, tsa' ochiyon lojon quic'ot Aristarco jiñi ch'oyol bʌ ti Tesalónica ya' ti Macedonia. Tsa' majliyon lojon.