Lucas 8:12 - Jiñi Tsiji' bʌ Wen T'añ cha'añ Estudio

¹² Jiñi am bʌ ti ti' bij jiñobʌch mu' bʌ i yu'biñob t'añ, pero mi' tilel xi'ba cha'añ mi' chil loq'uel jiñi t'añ ti' pusic'al cha'añ ma'añic mi' ñopob ame mi' coltʌntelob.

Chol de Tumbalá Bible

¹² Jini am bʌ ti' ti' bij jiñobʌch mu' bʌ i yubiñob t'an. Mi' tilel xiba. Mi' chilben loq'uel jini t'an ti' pusic'al cha'an ma'anic mi' ñopob ame mi' coltʌntelob.

Chol Tila

¹² Jini pac' tsa' bʌ p'ajti ti bij jiñʌch che' bajche' mu' bʌ i yubiñob i t'an Dios. Pero mi tyʌlel xiba. Mi' loc'sʌbeñob jini t'an Dios am bʌ ti' pusic'al cha'an mach'an mi' ch'ujbin, cha'an mach'an mi cotyʌntyelob.

Chol: I T’an Dios

¹² Jini am bʌ ti' ti' bij jiñobʌch mu' bʌ i yubiñob t'an. Mi' tilel xiba. Mi' chilben loq'uel jini t'an ti' pusic'al cha'an ma'anic mi' ñopob ame mi' coltʌntelob.

Lucas 8:12 Iomraidhean Croise

Mateo 13:19

Che' añ majqui mi' yu'bin jiñi wen t'añ cha'añ i yumʌntel Dios, mi ma'añic tsi' ch'ʌmbe isujm, ora jach mi' tilel jiñi xjontolil, mi' chilben loq'uel jiñi pʌc'bil bʌ ti' pusic'al. Jiñʌch isujmlel jiñi wejch'ubil bʌ ti ti' bij.

Mateo 13:4

che' woli' wejch'un majlel pac' tsa' yajli ts'ita' ti ti' bij; tsa' tiliyob te'lemut tsi' laj c'uxuyob.

Marcos 4:15

Jiñi año' bʌ ti ti' bij jiñobʌch jiñi otsʌbil bʌ jiñi t'añ ti' pusic'al, che' mi' yu'biñob jiñi t'añ, ti ora mi' tilel Satanás i chilbeñob loq'uel jiñi t'añ tsa' bʌ ochi ti' pusic'al.

Lucas 8:11

Jiñʌch isujmlel jiñi lajiya: Jiñi pac' jiñʌch i t'añ Dios.

Lucas 8:13

Jiñi tsa' bʌ coli ti' pam xajlel jiñobʌch mu' bʌ i yu'biñob jiñi t'añ. Ti' tijicñʌyel i pusic'al mi' bʌc' jac'ob, pero ma'añic i wi' ti' pusic'alob. Mi' ñopob jumuc', pero che' mi' yilʌbentelob i pusic'al mi' cha' cʌyob.

Lucas 8:5

Juntiquil wiñic tsa' majli ti wejch'uya pac', che' woli' wejch'un majlel pac', tsa' yajli ts'ita' ti ti' bij; tsi' t'uchtayob wiñicob x'ixicob yic'ot tsi' c'uxuyob te'lemut.

Apocalipsis 12:9

Tsa' chojqui ju'bel jiñi colem ajin, jiñʌch jiñi oñiyix bʌ lucum, am bʌ cha'chajp i c'aba', xi'ba yic'ot Satanás, jiñʌch mu' bʌ i lotin pejtelel wiñicob x'ixicob ti pañimil, tsa' chojqui ju'bel ti lum yic'ot pejtelel i yángelob.