Lucas 7:13 - Jiñi Tsiji' bʌ Wen T'añ cha'añ Estudio

¹³ Che' bʌ tsi' q'uele lac Yum, tsi' p'unta jiñi me'ba' x'ixic, tsi' su'be: —Mach a cha'len uq'uel.

Chol de Tumbalá Bible

¹³ Che' bʌ tsi' q'uele lac Yum, tsi' p'unta jini meba' x'ixic. Tsi' sube: Mach ma' cha'len uq'uel, che'en.

Chol Tila

¹³ Che' ñac lac Yum ti yilʌ ti' p'untyʌ jini meba' x'ixic. Ti' sube: Mach yom ma' cha'len uq'uel. Che' ti yʌlʌ Jesús.

Chol: I T’an Dios

¹³ Che' bʌ tsi' q'uele lac Yum, tsi' p'unta jini meba' x'ixic. Tsi' sube: Mach ma' cha'len uq'uel, che'en.

Lucas 7:13 Iomraidhean Croise

Marcos 8:2

—Mic p'untan jiñi wiñicob x'ixicob, come uxp'ejlix q'uiñ wʌ' añob quic'ot. Ma'añic chuqui mi' c'uxob.

Lucas 10:1

Che' ujtemix iliyi, lac Yum tsi' yʌq'ueyob i ye'tel yam bʌ lajchʌntiquil i chʌnc'al (72). Tsi' chocoyob majlel ti cha'cha'tiquil cha'añ mi' majlelob ti ñaxan ti pejtelel tejclum yic'ot xchumtʌl ba' mi caj i majlel Jesús.

Lucas 11:1

Ti jump'ejl bʌ q'uiñ, Jesús tsa' majli ya' ba' tsi' pejca Dios, che' bʌ tsa' ujti ti oración, juntiquil xcʌnt'añ i cha'añ tsi' su'be: —C Yum, cʌntesañon lojon bajche' yom mic pejcan lojon Dios, che' bajche' Juan tsi' cʌntesa xcʌnt'añob i cha'añ ja'el.

Lucas 11:39

Lac Yum tsi' su'be: —Jatetla, fariseojet bʌ la, mi la' wen pocben i pat jiñi vaso yic'ot plato, pero but'ul la' pusic'al ti xujch' yic'ot ca'bʌl jontolil.

Lucas 12:42

Lac Yum tsi' yʌlʌ: —¿Majqui jiñi xuc'ul bʌ xq'uel e'tel am bʌ ca'bʌl i ña'tʌbal tsa' bʌ aq'uenti i ye'tel ti' yum cha'añ mi' yʌq'ueñob i bʌl i ñʌc' jiñi año' bʌ ti' yotot che' ti' yorajlel?

Lucas 13:15

Jiñi cha'añ lac Yum tsi' su'be: —Cha'chajp jax la' pusic'al. ¿Mach ba muq'uic a tic jiñi tat wacax yic'ot a burro ba' cʌchʌl ti' buc'ujib che' ti' q'uiñilel c'aj-o cha'añ ma' pʌy majlel ba' mi' jap ja'?

Lucas 17:5

Jiñi apóstolob tsi' su'beyob lac Yum: —Coltañon lojon cha'añ xuc'ul mic ñopet lojon.

Lucas 17:6

Jiñi cha'añ lac Yum tsi' yʌlʌ: —Añic jax che' wistʌl i xuc'tʌlel la' pusic'al, che' bajche' i bʌc' mostaza, mi mejlel la' su'ben ili sicómoro te': “La' bojquiquet, la' pʌjq'uiquet ti mar”, che' jiñi mi caj i jac'beñet la' t'añ.

Lucas 18:6

Tsi' yʌlʌ lac Yum: U'binla chuqui mi' yʌl jiñi mach bʌ tojic bʌ xmel mulil.

Lucas 19:8

Jiñi cha'añ Zaqueo che' wa'al ti tojel lac Yum, tsi' su'be: —C Yum, mi caj cʌq'ueñob ojlil c chu'bʌañ jiñi mach bʌ añobic i chu'bʌañ, mi añ tsa' bʌ j chilbe i chu'bʌañ, mi caj c cha' sutq'uiben chʌnyajl i ñumel.

Lucas 22:61

Che' bʌ tsi' sutq'ui i bʌ lac Yum, tsi' q'uele Pedro, tsa' c'ajtiyi ti' pusic'al Pedro i t'añ lac Yum tsa' bʌ i wʌn su'be: “Che' maxto añic tsi' cha'le uq'uel tat mut, uxyajl mi caj a wʌl mach a cʌñʌyoñic.”

Lucas 24:3

Che' bʌ tsa' ochiyob ti mal, ma'añic tsi' tajbeyob i bʌc'tal lac Yum Jesús.

Lucas 24:34

tsi' yʌlʌyob: —Isujmʌch tsa'ix cha' ch'ojyi lac Yum, tsa'ix i pʌsʌ i bʌ ba'añ Simón.

Lucas 7:12

Che' lʌc'ʌlix añ ti ti' tejclum, awilan, woli' ch'ʌmob majlel i bʌc'tal cojach bʌ yalobil me'ba' x'ixic cha'añ mi' mucob. Tsi' tsajcayob majlel ca'bʌl wiñicob x'ixicob loq'uemo' bʌ ti jiñi tejclum.

Lucas 7:14

Che' bʌ tsa' tili Jesús ba' añob, tsi' tʌlʌ i yajñib ch'ujlelʌl, jiñi woli bʌ i q'uechob majlel tsi' cʌyʌyob i xʌmbal. Jesús tsi' yʌlʌ: —Ch'itoñ mic su'beñet, ch'ojyen.

Lucas 7:19

tsi' chocoyob majlel ba'añ Jesús cha'añ mi' c'ajtibeñob: ¿Jatet ba jiñi woli bʌ c pijtan lojon, o yom toj mic pijtan lojon yam bʌ?

Lucas 8:52

Woliyob ti uq'uel pejtelel wiñicob x'ixicob, woli' yuc'tañob jiñi xch'oc, Jesús tsi' yʌlʌ: —Cʌyʌx la' wuq'uel, mach chʌmeñic, woli jach ti wʌyel.

Juan 11:2

(María jiñʌch tsa' bʌ i boño lac Yum ti perfume, tsa' bʌ i sujcube i yoc ti tsutsel i jol. Ti jump'ejl bʌ q'uiñ tsa' c'am-a Lázaro).

Juan 11:3

Jiñi cha'añ jiñi cha'tiquil bʌ x'ixic bʌ i yerañob Lázaro tsi' chocoyob majlel t'añ ba'añ Jesús, tsi' su'beyob: —C Yum, c'am jiñi mu' bʌ a c'uxbin.

Juan 20:13

Jiñi ángelob tsi' su'beyob: —X'ixic, ¿chucoch woliyet ti uq'uel? María tsi' su'beyob: —Come tsi' ch'ʌmʌyob majlel c Yum, mach cujilic baqui tsi' yʌc'ʌyob.

Juan 20:15

Jesús tsi' su'be: —X'ixic, ¿chucoch woliyet ti uq'uel? ¿Majqui woli' a sajcan? María tsi' yʌlʌ ti' pusic'al, tic'ʌl mi jiñʌch x'e'tel cha'añ pʌc'ʌbʌl, tsi' su'be: —C yum, mi jatet tsa' ch'ʌmʌ majlel, su'beñon baqui tsa' wʌc'ʌ cha'añ mic ch'ʌm majlel.

Juan 4:1

Che' bʌ tsi' yu'bi lac Yum chuqui tsi' yʌlʌyob jiñi fariseojob: Jesús ñumen woli' yotsan wiñicob ti xcʌnt'añob i cha'añ yic'ot ñumen woli i yʌc' ch'ʌmja' che' bajche' Juan.

Juan 6:23

Ti jim bʌ ora tsa' c'oti yan tac bʌ barco ch'oyol bʌ ti Tiberias, lʌc'ʌl ba' tsi' c'uxuyob waj che' bʌ tsa' ujti i su'ben wocolix i yʌlʌ lac Yum.

1 Corintios 7:30

jiñi mu' bʌ i cha'leñob uq'uel che'ʌch mi caj i yajñelob bajche' jiñi mach bʌ añic mi' cha'leñob uq'uel; jiñi tijicñayo' bʌ che'ʌch mi caj i yajñelob bajche' jiñi mach bʌ tijicñayobic; jiñi mu' bʌ i cha'leñob mʌñoñel che'ʌch mi caj i yajñelob bajche' jiñi mach bʌ añobic i chu'bʌañ,

1 Tesalonicenses 4:13

Hermañujob, com lojon cha'añ mi la' ch'ʌmben isujmlel jiñi mu' bʌ i chʌmelob, cha'añ che' jiñi ma'añic mi la' mel la' pusic'al che' bajche' yaño' bʌ mach bʌ añobic i pijtaya.

Hebreos 2:17

Jiñi cha'añ wersa tsi' ch'ʌmʌ i bʌc'tal Jesús lajal bajche' i bʌc'tal i yermañujob cha'añ mi' yochel ti ñuc bʌ Motomaj yujil bʌ p'untaya. Xuc'ul i pusic'al ti' ye'tel Dios cha'añ mi' tojben i mul pejtelel wiñicob x'ixicob.

Hebreos 4:15

C'ax ñuc la caj motomaj. Yujil i p'untañonla, come yujil c'uñonla. Tsa' pʌjyi ti chajp ti chajp bʌ mulil ja'el, che' bajche' mi lac pʌjyel ti mulil, pero ma'añic tsi' jac'ʌ.