Lucas 4:18 - Jiñi Tsiji' bʌ Wen T'añ cha'añ Estudio

¹⁸ “Añ i yEspíritu lac Yum tic pusic'al. Tsi' yajcayon cha'añ mic su'beñob wen t'añ jiñi p'ump'uño' bʌ. [Tsi' chocoyon tilel cha'añ mic lajmesʌbeñob i ch'ijiyemlel jiñi ch'ijiyemo' bʌ i pusic'al,] cha'añ mic su'beñob loq'uel jiñi ñup'ulo' bʌ, cha'añ mij cambeñob i wut jiñi xpots'ob, cha'añ mi cʌc'ob ti colel jiñi tic'lʌbilo' bʌ,

Chol de Tumbalá Bible

¹⁸ “An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Chol Tila

¹⁸ I Ch'ujlel lac Yum an quic'ot como tsa'ix i yajcʌyon cha'an mic suben wen bʌ t'an p'ump'uño' bʌ. Ti xijq'uiyon c lajmisan jini ch'ʌjyem bʌ i pusic'al. Ti aq'uentiyon c subeñob t'an cha'an i tyajob i librejlel jini cʌchʌlo' bʌ yubil cha'an mi c'otyel i wut jini muts'ulo' bʌ i wut cha'an mi lajmel i tyʌc'lʌntyel jini tyʌc'lʌbilo' bʌ.

Chol: I T’an Dios

¹⁸ “An i yEspíritu lac Yum tic pusic'al. Tsi' yajcayon cha'an mic subeñob jini wen t'an p'umpuño' bʌ. Tsi' chocoyon tilel cha'an mic lajmesʌbeñob i ch'ijiyemlel jini ch'ijiyemo' bʌ, cha'an mic subeñob loq'uel jini ñup'ulo' bʌ, cha'an mij c'oq'uesʌbeñob i wut jini xpots'ob, cha'an mi cʌc' ti colel jini tic'lʌbilo' bʌ.

Lucas 4:18 Iomraidhean Croise

Genesis 3:15

Mi caj cʌq'ueñet la' contrajin la' bʌ jatet yic'ot jiñi x'ixic, mi caj i contrajiñob i bʌ i p'olbal jiñi x'ixic yic'ot a p'olbal; i p'olbal jiñi x'ixic mi caj i low a jol, ixcu jatet mi caj a lowben i tuñ'oc.

Mateo 11:5

Jiñi xpots'ob wolix i c'otelob i wut, woliyobix ti xʌmbal jiñi mach bʌ weñobic i yoc, jiñi año' bʌ leco bʌ i tsoy c'oq'uesʌbilobix, jiñi xcojcob wolix i yu'biñob t'añ, woli' i cha' ch'ojyel jiñi chʌmeño' bʌ, yic'ot jiñi p'ump'uño' bʌ woli' su'bentelob jiñi wen t'añ.

Mateo 12:18

“Q'uelela jiñi x'e'tel c cha'añ tsa' bʌ c yajca, jiñi mu' bʌ j c'uxbin, tijicña c pusic'al mij q'uel. Mi caj cʌq'uen quEspíritu, jiñi mi caj i su'beñob gentilob chuqui toj.

Mateo 12:20

Ma'añic mi caj i c'ʌs jiñi pets' t'uchtʌbil bʌ te' jam. Ma'añic mi caj i yʌp jiñi yomix bʌ yajpel i c'ʌc'al i pislel cas, jinto mi' yujtel ti uts'at jiñi toj bʌ meloñel.

Mateo 4:16

jiñi wiñicob x'ixicob año' bʌ ti ic'ch'ipan bʌ pañimil tsi' q'ueleyob colem bʌ i sʌclel pañimil. Tsa' caji ti tilel i sʌclel pañimil ba'añ jiñi año' bʌ ti ac'ʌlel woli bʌ i chʌmelob.”

Mateo 5:3

Tijicñayob jiñi mu' bʌ i ña'tañob ma'añic i bajñel wenlel i pusic'al come i cha'añob i yumʌntel jiñi am bʌ ti panchan.

Lucas 4:17

Tsa' aq'uenti i juñ jiñi x'alt'añ Isaías. Che' bʌ tsi' jamʌ jiñi bʌlbil bʌ juñ tsi' taja ba' ts'ijbubil ili t'añ:

Lucas 6:20

Jesús tsa' caji i q'uel xcʌnt'añob i cha'añ, tsi' yʌlʌ: Tijicñayetla mach bʌ añic la' chu'bʌañ, come la' cha'añʌch i yumʌntel Dios.

Lucas 7:22

Jesús tsi' jac'beyob, tsi' su'beyob: —Cucula, su'benla Juan chuqui tsa' la' q'uele yic'ot chuqui tsa' la' wu'bi: wolix i c'otelob i wut jiñi xpots'ob, woliyobix ti xʌmbal jiñi mach bʌ p'ʌtʌlobic i yoc, lajmesʌbilobix jiñi año' bʌ leco bʌ i tsoy, jiñi xcojcob wolix i yu'biñob t'añ, woli' cha' tejchelob ch'ojyel jiñi chʌmeño' bʌ, jiñi p'ump'uño' bʌ woli' yu'biñob jiñi wen t'añ.

Juan 1:41

Andrés tsi' ñaxan taja i yʌscun i c'aba' Simón, tsi' su'be: —Tsa' c taja lojon jiñi Mesías (Mi' yʌl ti lac t'añ, jiñʌch Cristo, jiñi Yajcʌbil bʌ).

Juan 12:46

Joñon i sʌclelon pañimil, tsa' tiliyon ti pañimil cha'añ ma'añic mi' cʌytʌl ti ic'ch'ipan bʌ pañimil jiñi mu' bʌ i ñopon.

Juan 3:34

Come jiñi tsa' bʌ chojqui tilel cha'añ Dios, mi' su'b i t'añ Dios, come ma'añic i p'isol bajche' mi' yʌc' Dios i yEspíritu.

Hechos 10:38

Dios tsi' yajca Jesús jiñi loq'uem bʌ ti Nazaret cha'añ mi yʌq'ueñ jiñi Ch'ujul bʌ Espíritu yic'ot i p'ʌtʌlel. Baqui jach tsa' ñumi tsi' mele chuqui uts'at tac, tsi' lajmesa pejtelel jiñi tic'lʌbilo' bʌ i cha'añ xi'ba, come añ Dios yic'ot.

Hechos 26:18

cha'añ ma' cambeñob i wut, cha'añ mi' sutq'uiñob jiñi año' bʌ ti ic'yoch'an bʌ pañimil, cha'añ mi' yajñelob ti' sʌclel pañimil, mic choquet majlel cha'añ mi' loq'uelob ti' p'ʌtʌlel Satanás, cha'añ mi' yochelob ti' p'ʌtʌlel Dios; cha'añ mi' ñusʌbentelob i mul che' mi' ñopoñob, cha'añ i tem cha'añob jach jiñi mu' bʌ caj i yʌq'ueñtelob yic'ot jiñi sʌc-esʌbilo' bʌ.”

Hechos 4:26

Jiñi reyob ti pañimil tsi' tempayob i bʌ, yic'ot jiñi yumʌlob tsi' much'chocoyob i bʌ cha'añ mi' contrajiñob lac Yum yic'ot i Cristo.”

Hechos 4:27

Isujm ti ili tejclum, tsi' tempayob i bʌ Herodes Antipas yic'ot Poncio Pilato, yic'ot jiñi gentilob yic'ot israelob ti' contra Jesús, jiñi Ch'ujul bʌ a Walobil, jiñi yajcʌbil bʌ a cha'añ,

Colosenses 1:13

Dios tsi' loc'sayonla ti' yumʌntel ic'ch'ipan bʌ pañimil, tsi' yotsayonla ti' yumʌntel jiñi c'uxbibil bʌ i Yalobil,

Santiago 2:5

C'uxbibilo' bʌ quermañujob, u'binla. Dios tsi' yajca jiñi mach bʌ añobic i chu'bʌañ ti pañimil cha'añ mi' wen tajob i wenlel che' mi' ñopob, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'añ.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jiñi Rey. Ch'ujul bʌ tejclumetla. I cha'añetla Dios cha'añ mi la' su'b majlel jiñi ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.