Lucas 4:15 - Jiñi Tsiji' bʌ Wen T'añ cha'añ Estudio

¹⁵ Jesús tsi' cha'le cʌntesa ti sinagoga tac i cha'añ judíojob. Pejtelel wiñicob x'ixicob tsi' tsictesayob i ñuclel Jesús.

Chol de Tumbalá Bible

¹⁵ Jesús tsi' cha'le cʌntesa ti sinagoga tac i cha'an judíojob. Pejtelel winicob x'ixicob tsi' tsictesayob i ñuclel Jesús.

Chol Tila

¹⁵ Ti' bej cʌntisʌyob ti i templo israelob ti jujump'ej lum tyac. Ti pejtyelel ti' subuyob i ñuclel Jesús.

Chol: I T’an Dios

¹⁵ Jesús tsi' cha'le cʌntesa ti sinagoga tac i cha'an judíojob. Pejtelel winicob x'ixicob tsi' tsictesayob i ñuclel Jesús.

Lucas 4:15 Iomraidhean Croise

Mateo 13:54

Che' bʌ tsa' c'oti Jesús ti' lumal, tsi' cha'le cʌntesa ti' sinagoga judíojob, tsa' toj sajtiyob i pusic'al wiñicob, x'ixicob, tsi' yʌlʌyob: —¿Baqui tsi' taja i ña'tʌbal yic'ot i p'ʌtʌlel cha'añ mi' mel ñuc tac bʌ i melbal?

Mateo 4:23

Jesús tsa' ñumi majlel ti pejtelel Galilea, tsi' cha'le cʌntesa ti' sinagoga tac judíojob. Tsi' su'bu jiñi wen t'añ cha'añ i yumʌntel Dios. Tsi' lajmesa pejtelel c'am-ʌjel tac yic'ot pejtelel i wocol wiñicob x'ixicob.

Mateo 9:35

Jesús tsa' ñumi ti tejclum tac yic'ot ti xchumtʌl tac, tsi' cha'le cʌntesa ti' sinagoga tac judíojob, tsi' su'bu jiñi wen t'añ cha'añ i yumʌntel Dios; tsi' laj c'oq'uesa c'am-ʌjel tac yic'ot pejtelel wocol tac bʌ ti tojlel wiñicob x'ixicob.

Mateo 9:8

Che' bʌ tsi' q'ueleyob jiñi wiñicob x'ixicob tsa' toj sajtiyob i pusic'al, tsi' su'buyob i ñuclel Dios, cha'añ ti' caj Dios tsi' yʌq'ueyob i p'ʌtʌlel wiñicob x'ixicob.

Marcos 1:27

Tsa' toj sajtiyob i pusic'al ti pejtelelob. Tsi' c'ajtibeyob i bʌ: —¿Chuqui jiñi? ¿Mach ba tsijibic i cʌntesʌbal? Come ti' p'ʌtʌlel cha'añ i ye'tel mi' su'beñob loq'uel xi'bajob. Mi' jac'beñob i t'añ.

Marcos 1:39

Tsi' cha'le su'b t'añ ti sinagoga tac ti pejtelel Galilea. Tsi' choco loq'uel xi'bajob.

Marcos 1:45

Che' bʌ tsa' majli jiñi wiñic tsa' bʌ c'oq'uesʌnti, ca'bʌl tsa' caji i su'b chuqui tsa' ujti, tsi' pucu majlel jiñi t'añ, jiñi cha'añ ma'añic tsa' mejli ti ochel Jesús ti tejclum che' bʌ woli' q'uelob wiñicob x'ixicob; ya' jach tsa' ajñi ti tiquiñal pañimil; tsa' tiliyob ba'añ Jesús wiñicob x'ixicob ch'oyolo' bʌ ti pejtelel lum.

Lucas 13:10

Ti' q'uiñilel c'aj-o tsa' caji ti cʌntesa Jesús ti sinagoga.

Lucas 4:16

Tsa' majli Jesús ya' ti Nazaret ba' tsa' coli. Tsa' ochi ti sinagoga ti' q'uiñilel c'aj-o che' bajche' i tilel. Tsa' wa'le cha'añ mi' pejcan juñ.