Lucas 22:16 - Jiñi Tsiji' bʌ Wen T'añ cha'añ Estudio

¹⁶ Come mic su'beñetla, ma'añix mi caj c chʌn c'ux jinto mi' ts'ʌctiyel ti' yumʌntel Dios.

Chol de Tumbalá Bible

¹⁶ Come mic subeñetla, ma'anix mi caj c chʌn c'ux jinto mi lac cha' c'ux ti' yumʌntel Dios.

Chol Tila

¹⁶ Como mic subeñetla mach'an mi quejel c cha' c'ux jini uch'el cha'an pascua la' wic'ot jintyo ba' bʌ ora mi yujtyel ba' mi' cha'len yumʌl Dios, che'en.

Chol: I T’an Dios

¹⁶ Come mic subeñetla, ma'anix mi caj c chʌn c'ux jinto mi lac cha' c'ux ti' yumʌntel Dios.

Lucas 22:16 Iomraidhean Croise

Lucas 12:37

Tijicñayob jiñi x'e'telob woli bʌ i pijtañob i yum che' mi' tilel. Isujm mic su'beñetla, i yum mi caj i chajpan i bʌ, mi caj i su'beñob buchtʌl ti c'ux waj jiñi x'e'telob i cha'añ, mi caj i tilel i yʌq'ueñob i bʌl i ñʌc'.

Lucas 14:15

Che' bʌ tsi' yu'bi juntiquil buchul bʌ ti' t'ejl mesa ba'añ Jesús, tsi' su'be: —Tijicña jiñi mu' bʌ i c'ux waj ti' yumʌntel panchan.

Lucas 22:15

Jesús tsi' su'beyob: —Ti pejtelel c pusic'al com j c'ux jiñi we'elʌl cha'añ Pascua quic'otetla che' maxto añic woli cu'bin wocol.

Lucas 22:18

Come mic su'beñetla ma'añix mic chʌn jap i ya'lel ts'usub jinto mi' tilel i yumʌntel Dios.

Lucas 22:30

Che' jiñi mi mejlel la' cha'len we'el uch'el tic mesa tic yumʌntel. Mi caj la' buchtʌl ti la' we'tel cha'añ mi la' mel jiñi lajchʌnmojt i p'olbal Israel.

Juan 6:27

Cha'lenla e'tel, mach cha'añic jiñi we'elʌl mu' bʌ i jilel, cha'lenla e'tel cha'añ jiñi we'elʌl mu' bʌ i jalijel cha'añ mi la' taj la' cuxtʌlel mach bʌ añic mi' jilel, i Yalobil Wiñic mi caj i yʌq'ueñetla jiñi we'elʌl, come Dios lac Tat tsa'ix i yʌq'ueyon c p'ʌtʌlel cha'añ ili e'tel.

Hechos 10:41

Mach ti' wutic pejtelel wiñicob x'ixicob, cojach tic wut lojon tsa' bʌ c cha'le lojon we'el, uch'el yic'ot Jesús che' ch'ojyemix loq'uel ba'añ chʌmeño' bʌ. Dios tsi' wa'chocoyon lojon ti testigo cha'añ mic laj su'b lojon chuqui tsa' j q'uele lojon.

Apocalipsis 19:9

Jiñi ángel tsi' su'beyon: Ts'ijban ti juñ: “Tijicñayob jiñi mu' bʌ i pʌjyelob ti c'ux waj che' mi' cha'len ñujpuñijel jiñi Tʌñʌme'.” Jiñi ángel tsi' su'beyon: Iliyi jiñʌch isujm bʌ i t'añ Dios.