Lucas 20:16 - Jiñi Tsiji' bʌ Wen T'añ cha'añ Estudio

¹⁶ Mi caj i tilel, mi caj i wersa jisan jiñi xcʌnta ts'usubilob, mi caj i yʌq'ueñ ti' wenta i ts'usubil yaño' bʌ. Che' bʌ tsi' yu'biyob ili t'añ tsi' yʌlʌyob: —Ma'añic ba ora mi caj cujtel lojon che' bajche' jiñi.

Chol de Tumbalá Bible

¹⁶ Mi caj i tilel. Mi caj i wersa jisan jini xcʌnta ts'usubilob. Mi caj i yʌc' i ts'usubil ti' c'ʌb yaño' bʌ. Che' tsi' yʌlʌ Jesús. Che' bʌ tsi' yubiyob ili t'an tsi' yʌlʌyob: Mach i sujmic mi caj cujtel lojon, che'ob.

Chol Tila

¹⁶ Mi quejel i tyʌlel, mi quejel i tsʌnsañob ili ajcʌñʌtya ts'ujsub. Mi quejel i yʌq'uen ts'ujsubol ti' wenta yaño' bʌ. Che' ti yubiyob ili t'an, ti yʌlʌyob: Mach che'ic yom Dios.

Chol: I T’an Dios

¹⁶ Mi caj i tilel. Mi caj i wersa jisan jini xcʌnta ts'usubilob. Mi caj i yʌc' i ts'usubil ti' c'ʌb yaño' bʌ. Che' tsi' yʌlʌ Jesús. Che' bʌ tsi' yubiyob ili t'an tsi' yʌlʌyob: Mach i sujmic mi caj cujtel lojon, che'ob.

Lucas 20:16 Iomraidhean Croise

Mateo 21:34

Che' lʌc'ʌlix i yorajlel mi' cajel ti wut, tsi' choco majlel yam bʌ x'e'telob i cha'añ. Tsa' majliyob ba'añ xcʌnta ts'usubilob cha'añ mi' ch'ʌmbeñob tilel i wut.

Mateo 21:41

Tsi' su'beyob: —Jiñi jontolo' bʌ wiñicob ma'añic mi caj i p'untañob, mi caj i jisañob; mi caj i yʌc' i ts'usubil ti' wenta yaño' bʌ xcʌnta ts'usubilob mu' bʌ caj i yʌq'ueñob i wut che' ti' yorajlel.

Mateo 22:7

Che' bʌ tsi' yu'bi jiñi rey, tsa' wen mich'a; tsi' choco majlel i soldadojob, cha'añ mi' jisan jiñi xtsʌnsajob, yic'ot tsi' pulbeyob i tejclum.

Marcos 12:9

¿Chuqui mi caj i mel i yum ts'usubil che' jiñi? Mi caj i tilel, mi caj i jisan xcʌnta ts'usubilob, mi caj i yʌc' i ts'usubil ti' c'ʌb yaño' bʌ.

Lucas 19:27

Che' ja'el pʌyʌla tilel jiñi mu' bʌ i contrajiñoñob mach bʌ yomobic i yumañoñob, pʌyʌla tilel ilayi, set' t'ojbenla loq'uel i bic' tic tojel.”

Lucas 20:15

Tsi' chocoyob loq'uel ti ts'usubil, tsi' tsʌnsayob, ¿Chuqui mi caj i tumbeñob xcʌnta ts'usubilob jiñi i yum ts'usubil?

Hechos 13:46

Jiñi cha'añ Pablo yic'ot Bernabé ch'ejlob i pusic'al, tsi' su'buyob: —Isujm jatetla wersa tsa' ñaxan su'bentiyetla i t'añ Dios; pero tsa'ix la' q'uele ti lolom, woli la' ñusan la' cuxtʌlel mach bʌ añic mi' jilel, jiñi cha'añ muq'uix c majlel lojon ba'añ gentilob,

Romanos 11:1

Jiñi cha'añ mi j c'ajtibeñetla: ¿Tsa' ba i choco Dios i tejclum? ¡Ma'añic mi ts'ita'ic!, come joñon ja'el israelon, i p'olbalon Abraham, tilemon ti' p'olbal Benjamín.

Romanos 11:11

Pero joñon mi c'ajtibeñetla: ¿Tsa' ba i jats'ʌyob i yoc israelob cha'añ mi' junyajlel yajlelob? ¡Ma'añic mi ts'ita'ic! Cha'añ ti caj tsi' ñusʌbeyob i t'añ Dios tsa' tili i coltʌntel jiñi gentilob, cha'añ mi' techbentelob i tsʌytsʌyñʌyel i pusic'al.

Romanos 3:31

Ixcu che' jiñi ¿Mu' ba lac jisʌben i c'ʌjñibal jiñi mandar che' mi lac ñop Jesucristo? ¡Ma'añic mi' ts'ita'ic! Mi lac chʌn ña'tʌben i c'ʌjñibal.

Romanos 3:4

Ma'añic mi' ts'ita'ic, anquese xlotob pejtelel wiñicob, pero Dios mach yujilic lot; che' bajche' ts'ijbubil: “Cha'añ mi' tsictiyel tojʌch a t'añ yic'ot cha'añ mi' mʌjlel a cha'añ che' ma' mel a bʌ.”

Romanos 3:6

Toj cu. Mi mach tojic Dios, ¿bajche' mi mejlel i mel wiñicob x'ixicob año' bʌ ti pañimil?

Romanos 6:15

¿Chuqui yom che' jiñi? ¿Yom ba mi lac chʌn cha'len mulil che' ma'añoñixla ti' wenta jiñi mandar, come añoñixla ti' yutslel i pusic'al Dios? Mach yomic mi ts'ita'ic.

Romanos 6:2

Mach yomic mi' ts'ita'ic. Come jilemix i p'ʌtʌlel mulil ti lac tojlel, ¿Bajche', che' jiñi, mi mejlel lac chʌn cha'len mulil?

Romanos 7:13

Jiñi cha'añ, ¿am ba i mul jiñi mandar cha'añ tsi' yʌc'ʌyon ti chʌmel? Ma'añic mi ts'ita'ic. Cha'añʌch mi' tsictiyel jiñi mulil am bʌ tic pusic'al cha'añ mulilʌch. Jiñi mulil tsi' c'ʌñʌ chuqui uts'at cha'añ mi' yʌc'on ti chʌmel, cha'añ mi' tsictiyel ti jiñi mandar c'ax jontolʌch jiñi mulil.

Romanos 7:7

¿Chuqui yom mi cʌl, che' jiñi? ¿Mulil ba jiñi mandar? Mach mulilic mi ts'ita'ic. Pero jiñi mandar tsi' yʌq'ueyon cʌn jiñi mulil; yic'ot ma'añic tsa' c ña'ta mi' mulil che' bʌ tsa' c mulʌbe i chu'bʌañ c pi'ʌlob, machic jax tsi' yʌlʌ jiñi mandar: “Mach a mulʌben i chu'bʌañ a pi'ʌlob.”

Romanos 9:14

¿Chuqui yom mi lac cʌl, che' jiñi? ¿Mach ba tojic Dios? Toj cu,

1 Corintios 6:15

¿Mach ba la' wujilic i cha'añʌch Cristo la' bʌc'tal? ¿Yom ba mij c'ʌn c bʌc'tal che' i cha'añix Cristo cha'añ mi cʌq'uen xts'i'lel x'ixic? Mach yomic.

Gálatas 2:17

Uts'at, mi woli lac ñop Cristo cha'añ mi' laj q'uejlel ti toj, lajal mi lac taj lac mul bajche' jiñi mach bʌ i cʌñʌyobic jiñi mandar, ¿jim ba i mul Cristo? Ma'añic.

Gálatas 3:21

Ixcu jiñi mandar, ¿I contra ba jiñi xuc'ul bʌ t'añ albil bʌ i cha'añ Dios? Mach i contrajic; actan tsa'ic aq'uentiyonla laj cuxtʌlel cha'añ ti' jac'ol mandar, che' jiñi, isujmʌch mi laj q'uejlel ti toj cha'añ ti' jac'ol jiñi mandar.

Gálatas 6:14

Pero joñon ma'añic mic sʌclan c ñuclel ti la' tojlel, cojach mij q'uel ti ñuc i cruz lac Yum Jesucristo, come ya' ti cruz tsa' jili i p'ʌtʌlel pañimil tic tojlel. Tsa' ch'ijleyon ti cruz cha'añ ma'añic mic chʌn mulan i cha'añ bʌ pañimil,