Lucas 2:2 - Jiñi Tsiji' bʌ Wen T'añ cha'añ Estudio

² Jiñi ñaxan bʌ i tsicol wiñicob tsa' ujti che' woli' cha'len i ye'tel ti gobernador Cirenio ya' ti Siria.

Chol de Tumbalá Bible

² Tsi' yʌc'ʌyob tojoñel ñaxan che' woli' cha'len i ye'tel ti gobernador ya' ti Siria jini Cirenio.

Chol Tila

² Jini ñaxan bʌ tsic quixtyañu ti ujti che' ñac yumʌl jini Cirenio ya' ti Siria bʌ pañimil.

Chol: I T’an Dios

² Tsi' yʌc'ʌyob tojoñel ñaxan che' woli' cha'len i ye'tel ti gobernador ya' ti Siria jini Cirenio.

Lucas 2:2 Iomraidhean Croise

Mateo 4:24

Ti pejtelel Siria tsa' caji i yu'biñob ñuc tac bʌ i melbal Jesús. Tsi' pʌyʌyob tilel pejtelel xc'am-ʌjelob yic'ot woli bʌ i melob i pusic'al cha'añ i c'am-ʌjelob ti' chajp ti' chajp yic'ot jiñi año' bʌ i xi'bʌjlel yic'ot año' bʌ i cha'añ juquin chʌmel, yic'ot jiñi mach bʌ añobic i c'ʌjñibal i yoc i c'ʌb. Tsi' laj c'oq'uesayob.

Lucas 2:1

Ti jim bʌ ora tsi' cha'le mandar Augusto César cha'añ mi' tsijquelob wiñicob ti pejtelel lum am bʌ ti' wenta Roma.

Lucas 2:3

Ti pejtelelob tsa' majliyob ti' tejclum tac ba' chucbilob i c'aba' i tat i ña' cha'añ mi' ts'ijbuntelob i c'aba' ti juñ.

Lucas 3:1

Che' ti' jo'lujump'ejlix ja'b woli i cha'len yumʌntel Tiberio César, añ i ye'tel ti gobernador Poncio Pilato ya' ti Judea. Woli' cha'len yumʌntel Herodes ya' ti Galilea. I yijts'in Herodes i c'aba' Felipe, woli' cha'len yumʌntel ya' ti Iturea yic'ot ya' ti Traconite. Jiñi Lisanias woli' cha'len yumʌntel ya' ti Abilinia.

Hechos 13:7

Ya'añ Barjesús yic'ot jiñi gobernador Sergio Paulo. Wen p'ip' i ña'tʌbal, tsi' choco ti pʌyol Bernabé yic'ot Saulo come yom i yu'bin i t'añ Dios.

Hechos 18:12

Che' woli ti yumʌntel Galión ya' ti Acaya, jiñi judíojob ti Corinto tsi' tem chucuyob Pablo, tsi' pʌyʌyob majlel ti melobʌjʌl.

Hechos 23:26

“Joñon Claudio Lisias, mic chocbeñet tilel cortesía, c'ax uts'at bʌ gobernador Félix.

Hechos 26:30

Che' bʌ tsa' ujti ti t'añ Pablo, tsa' ch'ojyi jiñi rey yic'ot jiñi gobernador yic'ot Berenice i yijñam yic'ot yaño' bʌ ya' bʌ buchulob;

Hechos 5:37

Ti wi'il tsa' tili Judas ch'oyol bʌ ti Galilea, che' ti' yorajlel censo, Judas tsi' tsajca ca'bʌl wiñicob. Pero tsa' tsʌnsʌnti ja'el, jiñi tsa' bʌ i tsajcayob tsa' pam pujquiyob.