Lucas 18:12 - Jiñi Tsiji' bʌ Wen T'añ cha'añ Estudio

¹² joñon cha'yajl ti semana mic cha'len ch'ajb, mi cʌq'uen Dios i diezmojlel pejtel c chu'bʌañ mu' bʌ c taj.”

Chol de Tumbalá Bible

¹² Cha'yajl ti semana mic cha'len ch'ajb. Mi cʌq'uen Dios i diezmojlel pejtel c chubʌ'an mu' bʌ c taj”. Che' tsi' yʌlʌ jini fariseo.

Chol Tila

¹² Cha'yajlel ti jujump'ej semana mic ch'ajban mu' bʌ j c'ux mu' bʌ cap. Mi cʌq'ueñet jump'ej loq'uem bʌ ti diez tyac mu' bʌ c ganarin, che'en.

Chol: I T’an Dios

¹² Cha'yajl ti semana mic cha'len ch'ajb. Mi cʌq'uen Dios i diezmojlel pejtel c chubʌ'an mu' bʌ c taj”. Che' tsi' yʌlʌ jini fariseo.

Lucas 18:12 Iomraidhean Croise

Numeros 18:24

Come tsa'ix cʌq'ueyob ti' wenta levijob jiñi diezmo tac mu' bʌ i yʌc'ob israelob tic tojlel, jiñi cha'añ tsa'ix c su'beyob: “Mach yomic mi la' taj la' lum yic'otob jiñi israelob.”

Numeros 23:4

Che' jiñi tsa' tili lac Yum i taj Balaam, tsi' su'be: —Wucp'ejl pulʌntib tsa' c wa'chocobeyet, ti jujump'ejl pulʌntib tsa' c pulu juncojt alʌ tat wacax yic'ot tat tʌñʌme'.

Mateo 5:20

Come mic su'beñetla, mi mach ñumen tojic la' pusic'al che' bajche' jiñi xts'ijbayajob yic'ot fariseojob, ma'añic mi caj la' wochel ti' yumʌntel panchan.

Mateo 6:1

Chʌcʌ q'uele la' bʌ cha'añ mi la' mel chuqui toj, pero mach cojic jach ti' wut la' pi'ʌlob cha'añ mi' q'ueletla, come che' jiñi ma'añic mi' yʌq'ueñetla la' chobejtʌbal la' Tat am bʌ ti panchan.

Mateo 6:16

Che' ja'el che' woliyetla ti ch'ajb, mach mi la' mel ti ch'ijiyem la' wut che' bajche' jiñi cha'chajpob jax bʌ i pusic'al. Leco mi' melob i wut cha'añ mi' q'uejlelob woliyob ti ch'ajb. Isujm mic su'beñetla, tsa'ix i tajayob i chobejtʌbal.

Mateo 6:5

Che' ma' cha'len oración, mach a cha'len che' bajche' jiñi cha'chajp jax bʌ i pusic'al mu' bʌ i mulan i cha'leñob oración che' wa'alob ti sinagoga tac yic'ot ti' xujc calle cha'añ mi' q'uejlelob. Isujm mic su'beñetla tsa'ix i tajayob i chobejtʌbal.

Mateo 9:14

Tsa' tiliyob xcʌnt'añob i cha'añ Juan ba'añ Jesús, tsi' su'beyob: —¿Chucoch joñon lojon yic'ot jiñi fariseojob ca'bʌl mic cha'len lojon ch'ajb, pero jiñi xcʌnt'añob a cha'añ ma'añic mi' cha'leñob ch'ajb?

Lucas 11:42

¡Mi caj la' taj wocol, fariseojob! Mi la' wʌq'uen Dios i diezmojlel jiñi pimel i c'aba' menta, yic'ot ruda, yic'ot jujunchajp pimel, pero mi la' junyajlel ñusan toj bʌ meloñel yic'ot i c'uxbiya Dios. Mach yomic mi la' cʌy la' wʌq'uen i diezmojlel tac la' chu'bʌañ, pero wersa yom mi la' p'is ti' wenta ili ñuc tac bʌ.

Lucas 17:10

Che' ja'el jatetla, che' bʌ tsa'ix la' mele pejtelel chuqui tsa' bʌ su'bentiyetla ti Dios, su'bula: “X'e'telon jach lojon, mach ca'bʌlic j c'ʌjñibal lojon; tsa' jach c mele lojon jiñi am bʌ tic wenta lojon.”

Romanos 3:27

Che' jiñi ¿Baqui mi' cʌlel jiñi wiñic mu' bʌ i q'uelob i bʌ ti ñuc cha'añ i jac'ol jiñi mandar? Ma'añix i c'ʌjñibal. ¿Chucoch? Come mach cha'añic i jac'ol mandar mi' q'uelonla ti toj Dios, pero cha'añ jach tsa' lac ñopo Jesús.

1 Corintios 1:29

cha'añ ma'añic majqui mi mejlel i chañ-esan i bʌ ti' tojlel Dios.

Gálatas 1:14

Ti pejtelel i ñopbal israelob ñumen bʌxon ti' jac'ol bajche' c pi'ʌlob, ñumen bʌxon ti' su'bol i t'añ c ñojte'elob.

Efesios 2:9

Mach cha'añic wen bʌ la' melbal, ame añic majqui mi' lon chañ-esan i bʌ.

1 Timoteo 4:8

come mi lac taj ts'ita' lac wenlel che' mi laj cʌntan lac bʌc'tal, pero ca'bʌl mi lac taj che' ch'ujul mi la cajñel, come añ xuc'ul bʌ i t'añ cha'añ mi' coltañonla wʌle yic'ot ti jiñi tal to bʌ ora.