Lucas 1:17 - Jiñi Tsiji' bʌ Wen T'añ cha'añ Estudio

¹⁷ Mi caj i majlel a walobil ti ñaxan ti' tojlel Lac Yum, lajal i ye'tel yic'ot i p'ʌtʌlel bajche' Elías, cha'añ mi' yʌq'ueñob uts bʌ i pusic'al tatʌl ña'ʌlob cha'añ mi' c'uxbiñob i yalobilob, cha'añ mi' yʌq'ueñob wen bʌ i pusic'al xñusa mandarob cha'añ mi' tajob i ña'tʌbal lajal bajche' jiñi tojo' bʌ. Che' jiñi mi caj i yʌq'ueñob wiñicob x'ixicob i chajpañob i pusic'al cha'añ lac Yum.

Chol de Tumbalá Bible

¹⁷ Mi caj i majlel a walobil ñaxan ti' tojlel Lac Yum. Lajal i ye'tel yic'ot i p'ʌtʌlel bajche' Elías. Mi caj i yʌq'ueñob i pusic'al tatʌlob cha'an mi' c'uxbiñob i yalobil. Mi caj i yʌq'ueñob i pusic'al xñusa mandarob cha'an mi' tajob i ña'tʌbal lajal bajche' jini tojo' bʌ. Che' jini mi caj i yʌq'ueñob winicob x'ixicob i chajpañob i pusic'al cha'an lac Yum. Che' tsi' yʌlʌ jini ángel.

Chol Tila

¹⁷ Jini Juan mi quejel i ñaxan ñumel ti subt'an. Ti wi'il mi quejel ti troñel lac Yum. An i ch'ejlel yic'ot i p'ʌtyʌlel ti subt'an Juan che' bajche' i cha'an Elías cha'an mi yʌc' i yajñelob ti junchajb i pensalob tyatyʌlob yic'ot yalobilob. Jini ñun t'año' bʌ mi quejel i ña'tyañob i jac'ben t'an. Che' jini mi' chajpʌbeñob i pusic'al quixtyañujob cha'an i ch'ujbiñob lac Yum. Che' ti yʌlʌ.

Chol: I T’an Dios

¹⁷ Mi caj i majlel a walobil ñaxan ti' tojlel Lac Yum. Lajal i ye'tel yic'ot i p'ʌtʌlel bajche' Elías. Mi caj i yʌq'ueñob i pusic'al tatʌlob cha'an mi' c'uxbiñob i yalobil. Mi caj i yʌq'ueñob i pusic'al xñusa mandarob cha'an mi' tajob i ña'tʌbal lajal bajche' jini tojo' bʌ. Che' jini mi caj i yʌq'ueñob winicob x'ixicob i chajpañob i pusic'al cha'an lac Yum. Che' tsi' yʌlʌ jini ángel.

Lucas 1:17 Iomraidhean Croise

Mateo 11:14

Mi la' wom la' ñop ili c t'añ, Juan jiñʌch jiñi Elías tsa' bʌ ajli mi caj i tilel.

Mateo 14:4

come Juan tsi' su'be Herodes: Tic'bil ti mandar, mach mejlic a pʌyben i yijñam a weran.

Mateo 3:3

come jiñʌch jiñi Juan tsa' bʌ taja ti t'añ jiñi x'alt'añ Isaías che' bʌ tsi' yʌlʌ: “C'am bʌ i t'añ juntiquil wiñic ti jochol bʌ lum: Chajpanla i bijlel lac Yum. Toj-esanla majlel jiñi mucu bij i cha'añ.”

Mateo 3:4

Juan lʌpʌl i cha'añ i bujc melbil bʌ ti' tsutsel camello. Añ i cajchiñʌc' melbil bʌ ti pʌchi. Juan tsi' c'uxu xc'ajba sajc' yic'ot te'lecha'b.

Lucas 1:16

Mi caj i yʌq'ueñob i sutq'uin i bʌ ca'bʌl israelob cha'añ mi' ñopob i Yum Dios.

Lucas 1:76

Jatet, alʌ ch'itoñ, mi caj a pejcʌntel ti x'alt'añ i cha'añ jiñi C'ax Ñuc Bʌ, come mi caj a majlel ñaxan ti' wut lac Yum cha'añ ma' chajpʌben i bijlel,

Juan 1:13

Tsi' cha' ilayob pañimil, mach ti bʌc'talic mi ti' ch'ich'elic, mi cha'añic che' yom i tat i ña', mi cha'añic che' yom wiñic, cha'añʌch che' yom Dios

Juan 1:34

Joñon tsa' j q'uele, tsa' c su'bu cha'añ jiñʌch i Yalobil Dios.

Juan 3:28

Jatetla tsa'ix la' wu'bi c t'añ, la' wujil tsa' c su'bu mach Cristojoñic, tsa' ñaxan chojquiyon tilel ti ñaxan ti' wut Cristo.

Hechos 10:33

Jiñi cha'añ ti ora jach tsa' c chocoyob majlel c wiñicob ba' añet. Uts'at tsa' jac'ʌ tilel, wʌle wʌ'añon lojon ti' wut Dios tic pejtelel lojon cha'añ mi cu'bin lojon pejtelel chuqui tsi' su'beyet Dios cha'añ ma' su'beñon lojon.

Romanos 9:23

Cha'añ mi' yʌc' ti tsictiyel pejtelel i ñuclel ti' tojlel jiñi p'untʌbilo' bʌ i cha'añ, wen jal tsi' cuchbeyob i mul jiñi yajcʌbilo' bʌ cha'añ mi' tajob i ñuclel.

Colosenses 1:12

ti' tijicñʌyel la' pusic'al su'benla wocolix i yʌlʌ lac Tat, come tsi' cha' meleyonla ti uts'at cha'añ mi lac taj lac wenlel yic'ot i cha'año' bʌ Dios woli bʌ i yajñelob ti' sʌclel pañimil;

2 Timoteo 2:21

Mi añ majqui mi' cʌy chuqui tac mach weñic, mi' sʌc-esan i bʌ. Che' jiñi añ i c'uxbintel, ch'ujul, ca'bʌl i c'ʌjñibal ti lac Yum. Chajpʌbil i pusic'al cha'añ mi' mel pejtelel chuqui wen.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jiñi Rey. Ch'ujul bʌ tejclumetla. I cha'añetla Dios cha'añ mi la' su'b majlel jiñi ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

1 Juan 2:28

Wʌle, alobob, chʌn ajñenla ti Cristo, cha'añ che' mi tsictiyel xuc'ul mi la cajñel, cha'añ che' mi' tilel ti' cha'yajlel ma'añic mi caj la cu'bin quisin ti' tojlel.

Apocalipsis 20:4

Tsa' j q'uele ca'bʌl buchlibʌl, jiñi tsa' bʌ buchleyob ya'i, tsa' aq'uentiyob i ye'tel ti meloñel. Yic'ot tsa' j q'uele i ch'ujlel wiñicob x'ixicob tsa' bʌ set' t'ojbentiyob loq'uel i bic' cha'añ isujmlel Jesús yic'ot cha'añ i t'añ Dios, ma'añic tsi' ch'ujutesayob jiñi jontol bʌ bʌte'el yic'ot i yejtal, ma'añic tsi' ch'ʌmbeyob i ts'ijbal ti' pam mi ti' c'ʌb, tsa' cha' cuxtʌyiyob, tsi' cha'leyob yumʌl yic'ot Cristo lujunc'al i yuxbajc' ja'b.