Levitico 7:5 - Jiñi Tsiji' bʌ Wen T'añ cha'añ Estudio

⁵ Ti wi'il jiñi motomaj mi caj i pul ti' pam jiñi pulʌntib che' bajche' pulbil bʌ c majtañ. Jiñʌch majtañʌl cha'añ i ñusʌntel mulil.

Chol de Tumbalá Bible

⁵ An ti' wenta jini motomaj cha'an mi' pulbeñon ya' ti pulʌntib cha'an i tojol la' mul.

Chol: I T’an Dios

⁵ An ti' wenta jini motomaj cha'an mi' pulbeñon ya' ti pulʌntib cha'an i tojol la' mul.

Levitico 7:5 Iomraidhean Croise

Levitico 1:13

Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:9

Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 2:16

Cha'añ c ña'tʌntel, jiñi motomaj mi caj i pul ts'ita' jiñi juch'bil bʌ trigo yic'ot olivo aceite yic'ot pom. Jiñʌch pulbil bʌ majtañʌl cha'añon.” Alʌc'ʌl tac mu' bʌ i laj pulel: Lv 1.2-17; 6.8-13; 7.7-8; 8.14-17, 23-25 Majtañʌl tac i bʌl bʌ ñʌc'ʌl mu' bʌ i yʌq'uentel lac Yum: Ex 29.15-18; Lv 2.1-16; 8.18-21 Majtañʌl tac che' bajche' i wut cebada yic'ot trigo: Lv 2.1; 6.14-18; 7.9-10 Majtañʌl mu' bʌ i yʌjq'uel che' ti' q'uiñilel i ñusʌntel mulil: Lv 23.26-32; Nm 29.7-11 Majtañʌl ti' chajp ti' chajp: Ex 29.23-27; Lv 8.29 Majtañʌl tac cha'añ i q'uiñilel tsiji' bʌ ja'bil: Lv 23.23-25; Nm 29.1-6 Majtañʌl tac cha'añ i q'uiñilel lejchempat: Lv 23.33-34; Nm 29.12-38 Majtañʌl tac cha'añ jiñi ñaxan bʌ i wut pʌc'ʌbʌl: Lv 23.9-22; Nm 28.26-31 Majtañʌl tac cha'añ i q'uiñilel che' mi' pasel uw Nm 28.1-15 Majtañʌl tac cha'añ i q'uiñilel waj mach bʌ añic i levadurajlel: Lv 23.6-8; Nm 28.17-25 Majtañʌl tac che' mi' ch'ʌmob i ye'tel ti motomaj: Ex 29.19-22, 31-34; Lv 6.19-23; 8.22-28, 31-32 Majtañʌl tac cha'añ ñʌch'tʌlel: Lv 3.1-17; 7.11-21, 28-34 Majtañʌl tac che' ti' q'uiñilel c'aj-o: Nm 28.9-10 Majtañʌl tac mu' bʌ i yʌjq'uel ti jujump'ejl q'uiñ: Ex 29.38-46; Nm 28.1-8 Tsʌnsʌbil bʌ majtañʌl che' bʌ mach tsajilic i cha'añ: Lv 5.14—6.7; 7.1-6, 7-8; 14.11-18, 21-32 Tsʌnsʌbil bʌ majtañʌl cha'añ i ñusʌntel mulil: Ex 29.10-14; Lv 4.1—5.23; 6.24-30; Nm 15.22-29

Levitico 2:2

La' i yʌq'ueñob i yalobilob Aarón, jiñi motomajob. Juntiquil motomaj mi caj i ch'ʌm junmujch' majtañʌl loq'uem bʌ ti juch'bil bʌ trigo yic'ot olivo aceite yic'ot pom cha'añ mi' pul ti' pam i pulʌntib majtañʌl cha'añ mic chʌn ña'tʌntel. Jiñʌch majtañʌl xojocña bʌ i yujts'il mi cu'bin.

Levitico 2:9

Jiñi motomaj mi caj i pul lamital jiñi majtañʌl cha'añ c ña'tʌntel, jiñʌch pulbil bʌ majtañʌl xojocña bʌ i yujts'il mi cu'bin.

Levitico 3:16

Ti wi'il jiñi motomaj mi caj i pul pejtelel iliyi ya' ti pulʌntib. Jiñʌch i bʌl ñʌc'ʌl jiñi ofrenda xojocña bʌ i yujts'il mu' bʌ c pulbentel. Pejtelel i lewil c cha'añʌch.”

Levitico 3:3

“Che' jiñi mi caj i yʌq'ueñon tsʌnsʌbil bʌ c majtañ cha'añ i ñʌch'tʌlel i pusic'al che' bajche' pulbil bʌ c majtañ. Jiñi i lewil ya' bʌ ñotol ti' soyta', yic'ot pejtelel i lewil am bʌ ti' malil,

Levitico 5:7

“Mi ma'añic mi' tajben i tojol cha'añ mi' mʌn jiñi tʌñʌme', che' jiñi mi caj i yʌq'ueñon cha'cojt xpurwoc o cha'cojt x'ujcuts cha'añ mi' ñusʌbentel i mul tsa' bʌ i mele, juncojt jiñʌch majtañʌl cha'añ i ñusʌntel mulil, jiñi yam bʌ jiñʌch majtañʌl mu' bʌ i pulel.

Levitico 7:4

yic'ot i lewil ti' cha'p'ejlel i cuchi'tun, yic'ot am bʌ ya' ti' bʌc'tal i pat yic'ot i lewil am bʌ ti yolmal.

Levitico 7:6

Pejtelel wiñico' bʌ i yalobilob jiñi motomajob mi' mejlel i c'uxob. Yom mi' c'uxob ya' ti Ch'ujul bʌ ajñibʌl, come c'ax ch'ujulʌch jiñi majtañʌl.”

Gálatas 2:20

Isujm tsa' ch'ijleyon ti cruz yic'ot Cristo, joñon mach chʌn cuxuloñix, pero cuxul Cristo tic pusic'al; wʌle che' cuxulonto tic bʌc'tal wʌ' ti pañimil, wolic taj j cuxtʌlel ti' ñopol i Yalobil Dios tsa' bʌ i c'uxbiyon, tsa' bʌ i yʌc'ʌ i bʌ ti chʌmel cha'añon.

Gálatas 5:24

Pejtelel i cha'año' bʌ Cristo tsa'ix i ch'ijiyob ti cruz i tsucul pusic'al yic'ot pejtelel i colosojlel yic'ot chuqui mi' mulan.