Levitico 6:2 - Jiñi Tsiji' bʌ Wen T'añ cha'añ Estudio

² “Che' añ majqui mi' cha'len mulil tij contra, yic'ot mi tsi' cha'le xujch' tij contra, cha'añ ti' caj ma'añic tsi' cha' sutq'ui jiñi tsa' bʌ poj aq'uenti ti' wenta cha'añ mi' cʌntan, mi tsi' xujch'ibe i chu'bʌañ, o mi tsi' wersa chilbe i chu'bʌañ i pi'ʌl,

Levitico 6:2 Iomraidhean Croise

Genesis 26:7

Jiñi wiñicob ya' bʌ chumulob ti jiñi lum tsi' c'ajtibeyob Isaac majqui jiñi x'ixic am bʌ yic'ot, Isaac tsi' yʌlʌ: “Jiñʌch xch'oc bʌ quijts'in,” come tsi' bʌc'ña i yʌl: “Jiñʌch quijñam,” come tsi' ña'ta cha'añ jiñi wiñicob ya' bʌ chumulob mi caj i tsʌnsañob cha'añ ti' caj Rebeca come i t'ojol jax.

Levitico 1:3

“Mi jiñi pulbil bʌ majtañʌl mu' bʌ la' wʌq'ueñon, mi wacax, yom mi la' yajcan juncojt i tat mach bʌ añic i c'am-ʌjel. Yom mi la' pʌy tilel ti ti' jiñi Tabernáculo ba' mi la' tempan la' bʌ, cha'añ mic ch'ʌm.

Levitico 19:11

“Mach mi la' cha'len xujch', mach mi la' cha'len lot, mi yomic mi la' lotin la' pi'ʌlob.”

Levitico 5:15

“Mi añ wiñic mu' bʌ i taj i sajtemal che' mach yʌxʌlic i yoj, mi' taj i mul cha'añ tsi' yʌsi chuqui tac ch'ujul cha'añon. Cha'añ tsi' taja i mul tic tojlel, mi caj i pʌy tilel juncojt i tat tʌñʌme' mach bʌ wis añic i c'am-ʌjel mi i lojwemal, lajal bʌ i tojol che' bajche' jiñi sʌsʌc taq'uiñ am bʌ ya' ti Ch'ujul bʌ Ajñibʌl. Jiñʌch ofrenda cha'añ mulil.

Levitico 5:19

Jiñʌch i tojol mulil, come ti isujm tsi' cha'le mulil tij contra.”

Levitico 6:1

Lac Yum tsi' pejca Moisés, tsi' su'be:

Juan 8:44

Jatetla la' tatʌch xi'ba, la' wom la' mel chuqui yom la' tat. Jiñi xi'ba xtsʌnsajʌch c'ʌlʌl ti' cajibal, ma'añic mi' yajñel ti' isujmlel Dios, come ma'añic chuqui isujm ti' pusic'al xi'ba. Che' mi' cha'len lot i tilelʌch come xlotʌch, ya' ch'oyol ti xi'ba pejtelel lot.

Hechos 5:4

¿Mach ba a cha'añic jiñi lum yic'ot a wijñam che' maxto añic tsa' choño? Che' bʌ tsa'ix a choño, ¿mach ba añic ti a wenta i tojol? ¿Chucoch tsa' tejchi lot ti a pusic'al? Ma'añic tsa' loti wiñicob, tsa' loti Dios.

Efesios 4:25

Jiñi cha'añ cʌyʌla lot. Cha'lenla t'añ ti isujm ti jujuntiquiletla yic'ot la' pi'ʌlob, come lac pi'ʌlʌch lac bʌ.

Colosenses 3:9

Mach mi la' lotin la' pi'ʌlob, come tsa'ix la' loc'sa jiñi tsucul bʌ la' pusic'al yic'ot i melbal,

Apocalipsis 22:15

Pero jiñi ts'i'ob mi cʌytʌlob ti jumpat yic'ot xwujt yic'ot jiñi mu' bʌ i cha'leñob ts'i'lel yic'ot xtsʌnsajob yic'ot jiñi mu' bʌ i ñopob dios te' yic'ot jiñi mu' bʌ i mulañob lot yic'ot jiñi mu' bʌ i cha'leñob lot.”