Levitico 4:6 - Jiñi Tsiji' bʌ Wen T'añ cha'añ Estudio

⁶ Jiñi motomaj mi caj i ts'aj i yal i c'ʌb ya' ti ch'ich' cha'añ mi' tsijcan wucyajl tic tojlel ya' ti' tojel jiñi joc'ol bʌ pisil ya' ti Ch'ujul bʌ Ajñibʌl.

Levitico 4:6 Iomraidhean Croise

Exodo 40:21

Ti wi'il tsi' yotsa jiñi Arca ya' ti' mal jiñi Tabernáculo, tsi' yʌc'ʌ ja'el jiñi colem bʌ pisil cha'añ mi' mʌctañ jiñi Arca ba' lotbil i T'añ lac Yum, che' bajche' lac Yum tsi' yʌq'ue mandar Moisés.

Exodo 40:26

Moisés tsi' yʌc'ʌ ja'el jiñi pulʌntib melbil bʌ ti oro ya' ti Tabernáculo ba' mi' tempañob i bʌ ti' tojel jiñi joc'ol bʌ pisil,

Levitico 14:16

mi caj i yʌch'esan jiñi ñoj bʌ i yal i c'ʌb ti olivo aceite am bʌ ti ts'ej bʌ i c'ʌb, mi caj i tsijcan wucyajl ti' tojel lac Yum.

Levitico 14:18

I colojbal jiñi olivo aceite tsa' bʌ cʌle ti' c'ʌb, mi caj i bomben ti' jol jiñi woli bʌ ti sʌc-esʌntel. Che'ʌch mi caj i mel jiñi motomaj ti' tojel lac Yum cha'añ i tojol i mul jiñi wiñic.

Levitico 14:27

yic'ot i yal ñoj bʌ i c'ʌb mi caj i tsijcan jiñi olivo aceite am bʌ ti' ts'ej bʌ i c'ʌb, wucyajl mi caj i tsijcan tic tojlel.

Levitico 14:7

Wucyajl mi caj i tsijcan jiñi ch'ich' ti' pam i bʌc'tal jiñi wiñic tsa' bʌ lajmi leco bʌ i tsoy. Jiñi motomaj mi caj i tsictesan lajmeñix. Che' jiñi yom mi' cha' col jiñi cuxul to bʌ mut cha'añ mi' cha' wejlel majlel ti mate'el.”

Levitico 16:14

Ti wi'il mi caj i ch'ʌmben i ch'ich'el jiñi alʌ tat wacax cha'añ mi' tsijcan ti yal i c'ʌb jiñi ch'ujul bʌ ajñibʌl ya' ti' pasibal q'uiñ ba' mi' ñusʌntel mulil, yic'ot wucyajl mi caj i tsijcan jiñi ch'ich' ya' ti' tojel jiñi ajñibʌl.

Levitico 16:19

Wucyajl yom mi' tsijcan yic'ot i yal i c'ʌb jiñi ch'ich' ya' ti pulʌntib. Che'ʌch mi caj i sʌc-esʌntel yic'ot cha'añ ch'ujul mi' cʌytʌl jiñi tsa' bʌ i bi'b-esayob ti' mul pejtelel israelob.”

Levitico 25:8

“Mi caj a tsic wucp'ejl semana ti ja'b, wucyajl ti wucp'ejl ja'b, che' jiñi mi caj i loq'uel wucp'ejl semana ti ja'b jiñʌch bolomp'ejl i yuxc'al (49) ja'b.

Levitico 26:18

“Mi ma'añic mi la' wu'bibeñon c t'añ che' añ ili wocol tac, che' jiñi mi caj c cha' aq'ueñetla yam bʌ wucyajl wocol cha'añ jiñi la' mul.

Levitico 26:24

che' ja'el joñon mi caj contrajiñetla yic'ot mi caj cʌq'ueñetla yam bʌ wucyajl wocol cha'añ i tojol la' mul.

Levitico 26:28

joñon mi caj cha' aq'ueñetla cha'añ c mich'ajel yam bʌ wucyajl wocol cha'añ la' mul.

Levitico 4:17

jiñi motomaj mi caj i ts'aj i c'ʌb ti' ch'ich'el jiñi alʌ tat wacax, mi caj i tsijcan wʌcyajl ya' ti' tojel ba'añ jiñi joc'ol bʌ pisil.

Levitico 4:25

Jiñi motomaj mi caj i ts'aj i yal i c'ʌb ya' ti' ch'ich'el jiñi tat chivo cha'añ bʌ i ñusʌntel mulil, mi caj i bomben i xulub jiñi pulʌntib ba' mi' pulel jiñi majtañʌl yic'ot ya'i mi caj i bec' i colojbal jiñi ch'ich' ya' ti' ye'bal jiñi pulʌntib.

Levitico 4:30

Ti wi'il jiñi motomaj mi caj i ts'aj i yal i c'ʌb ya' ti' ch'ich', mi caj i bon ya' ti' xulub tac jiñi pulʌntib ba' mi' pulel majtañʌl, yic'ot ya'i mi caj i bec' i colojbal jiñi ch'ich' ya' ti' ye'bal jiñi pulʌntib.

Levitico 4:34

Ti wi'il jiñi motomaj mi caj i ch'ʌm ti yal i c'ʌb ts'ita' i ch'ich'el jiñi majtañʌl cha'añ i ñusʌntel mulil, cha'añ mi' bomben i xulub tac jiñi pulʌntib ba' mi' pulel jiñi majtañʌl tac yic'ot ya'i mi caj i bec' i colojbal jiñi ch'ich' ya' ti ye'bal jiñi pulʌntib.

Levitico 8:11

Wucyajl tsi' tsijca jiñi pulʌntib cha'añ i sʌc-esʌntel, che' ja'el tsi' mulu jiñi pulʌntib yic'ot pejtelel jiñi mu' bʌ i c'ʌjñel tac, yic'ot jiñi poco' c'ʌbʌl yic'ot i c'ʌclib.

Levitico 8:15

che' jiñi Moisés tsi' tsʌnsa jiñi alʌ tat wacax, tsi' ts'aja i yal i c'ʌb ti' ch'ich'el, tsa' caji i bomben i xulub am bʌ ti' xujc tac jiñi pulʌntib cha'añ mi' sʌc-esan. Tsi' beq'ue i colojbal jiñi ch'ich' ya' ti' ye'bal jiñi pulʌntib. Che'ʌch tsi' sʌc-esa cha'añ i ñusʌntel mulil.

Levitico 9:9

I yalobilob Aarón tsi' ch'ʌmʌyob tilel jiñi ch'ich', Aarón tsi' ts'aja i yal i c'ʌb ya' ti ch'ich' tsa' caji i bomben i xulub tac jiñi pulʌntib, i colojbal jiñi ch'ich' tsi' beq'ue ya' ti' ye'bal jiñi pulʌntib.

Numeros 19:4

Jiñi cha'añ Eleazar jiñi motomaj mi caj i ts'aj i c'ʌb ya' ti' ch'ich'el wacax, wucyajl mi caj i tsijcan ti ch'ich' ya' ti' tojel jiñi Tabernáculo ba' mi la' tempan la' bʌ.