Levitico 4:3 - Jiñi Tsiji' bʌ Wen T'añ cha'añ Estudio

³ “Mi jiñi tsa' bʌ i cha'le mulil jiñʌch juntiquil motomaj mulbil bʌ ti olivo aceite, mi' tajob i mul ja'el pejtelel wiñicob ti' caj. Che' jiñi la' i yʌq'ueñon juncojt alʌ tat wacax mach bʌ wis añic i chʌmel mi i lojwel, cha'añ mic ñusʌben i mul.

Chol de Tumbalá Bible

³ Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Chol: I T’an Dios

³ Mi an juntiquil motomaj mu' bʌ i cha'len mulil che' mach tsajalic i cha'an, mi' tajob i mul pejtel winicob ti' caj. La' i yʌq'ueñon juncojt alʌ wacax i tat bʌ mach bʌ wis anic i chʌmel mi i lojwel, cha'an mi' ñusʌntel mulil.

Levitico 4:3 Iomraidhean Croise

Exodo 29:14

Pero i bʌc'tal jiñi alʌ tat wacax yic'ot i pʌchʌlel yic'ot i ta', yom ma' pul ti c'ajc ti' junwejlel jiñi tejclum, come jiñʌch majtañʌl cha'añ mulil.

Exodo 29:21

Yom ma' c'ʌn jiñi ch'ich' am bʌ ti pulʌntib yic'ot jiñi olivo aceite mu' bʌ i c'ʌjñel cha'añ sʌc-esaya, mi caj a tsijcan Aarón yic'ot i yalobilob temel yic'ot i pislelob. Che' jiñi sʌc-esʌbilix mi' cʌytʌl jiñi Aarón yic'ot i yalobilob che'ʌch ja'el i pislelob.

Exodo 29:7

Ti wi'il mi caj a ch'ʌm jiñi olivo aceite mu' bʌ i c'ʌjñel tac ya' ti Tabernáculo cha'añ ma' mulben ti' jol.

Exodo 30:10

Jiñi Aarón, cojach junyajl ti jump'ejl ja'b mi' caj i yʌc' majtañʌl cha'añ mulil; mi caj i c'ʌmben i ch'ich'el jiñi majtañʌl cha'añ mi' bomben ya' ti xulub jiñi pulʌntib, cha'añ i tojol mulil; cojach junyajl ti jujump'ejl ja'b mi caj i yujtel ti ili pulʌntib cha'añ i ñusʌntel mulil, che'ʌch mi caj i melob la' p'olbalob ti pejtelel ora. C'ax ch'ujul ili pulʌntib ti' tojlel lac Yum.

Levitico 1:10

“Mi jiñi majtañʌl mu' bʌ la' wʌq'ueñon, mi tʌñʌme' o mi chivo, yom i tat bʌ mach bʌ wis añic i c'am-ʌjel.

Levitico 1:3

“Mi jiñi pulbil bʌ majtañʌl mu' bʌ la' wʌq'ueñon, mi wacax, yom mi la' yajcan juncojt i tat mach bʌ añic i c'am-ʌjel. Yom mi la' pʌy tilel ti ti' jiñi Tabernáculo ba' mi la' tempan la' bʌ, cha'añ mic ch'ʌm.

Levitico 16:11

“Aarón mi caj i yʌc' ti tsʌnsʌntel jiñi alʌ tat wacax cha'añ i bajñel ñusʌntel i mul yic'ot jiñi año' bʌ ti' yotot; mi caj i jec' cha'añ i q'uexol i mul.

Levitico 16:3

Aarón mi caj i yochel ya' ti ch'ujul bʌ ajñibʌl, mi caj i pʌy tilel juncojt alʌ tat wacax cha'añ i ñusʌntel mulil, yic'ot juncojt i tat tʌñʌme' cha'añ mic pulbentel.

Levitico 16:5

“Jiñi israelob mi caj i ch'ʌmob tilel cha'cojt i tat chivo cha'añ i ñusʌntel mulil, yic'ot juncojt i tat tʌñʌme' cha'añ mic pulbentel.

Levitico 16:6

Aarón mi caj i yʌq'ueñon jiñi tat wacax cha'añ i ñusʌntel i mul yic'ot jiñi año' bʌ ti yotot.

Levitico 4:14

Che' bʌ tsa'ix i ña'tayob i mul tsa' bʌ i meleyob, yom mi' yʌc'ob jujuncojt alʌ tat wacax cha'añ i ñusʌntel i mul. La' i pʌyob tilel ya' ti ti' jiñi Tabernáculo ba' mi la' tempan la' bʌ.

Levitico 4:23

Mi tsa' su'benti cha'añ tsi' taja i mul, che' jiñi la' tilic ti ora cha'añ mi' yʌq'ueñon juncojt i tat chivo mach bʌ wis añic i c'am-ʌjel mi i lojwemal.

Levitico 4:28

Ti wi'il mi' tsa' su'benti cha'añ tsi' cha'le mulil, la' i pʌy tilel juncojt tat chivo che' bajche' ofrenda mach bʌ wis añic i c'am-ʌjel mi i lojwemal, cha'añ i tojol i mul tsa' bʌ i mele.

Levitico 4:5

Ti wi'il jiñi motomaj mi caj i ch'ʌm tilel lamital i ch'ich'el jiñi alʌ tat wacax ya' ti' mal jiñi Tabernáculo ba' mi la' tempan la' bʌ.

Levitico 5:6

yic'ot yom mi yʌc' tic tojlel jump'ejl ofrenda cha'añ i ñusʌntel i mul tsa' bʌ i mele, yom juncojt xch'oc tʌñʌme' o xch'oc chivo. Che'ʌch mi caj i mel jiñi motomaj cha'añ mi' ñusʌbentel i mul jiñi wiñic.”

Levitico 6:18

Pejtelel wiñic bʌ i p'olbal Aarón mi' mejlel i c'uxob jiñi loq'uem tac bʌ tic majtañ. Jiñʌch xuc'ul bʌ mandar cha'añ la' walobilob che' bajche' yom mi cʌq'uentel pulbil bʌ c majtañ. Pejtelel mu' bʌ i xʌb i bʌ yic'ot ili majtañʌl ch'ujul mi yajñel.”

Levitico 8:12

Moisés tsi' mulbe i jol Aarón ti olivo aceite cha'añ i sʌc-esʌntel.

Levitico 9:2

tsi' su'be Aarón: “Ch'ʌmʌ juncojt tat wacax cha'añ i tojol mulil, yic'ot juncojt tat tʌñʌme' cha'añ pulbil bʌ majtañʌl, ti' cha'cojtlel mach yomic añ i c'am-ʌjel mi i lojwemal, ac'ʌ ti' tojel lac Yum.

Levitico 9:3

Ti wi'il mi caj a pejcan jiñi israelob, mi caj a su'beñob: Pʌyʌla tilel juncojt i tat chivo cha'añ i ñusʌntel mulil, yic'ot juncojt tat wacax yic'ot juncojt alʌ tʌñʌme' añ jaxto bʌ jump'ejl ja'b, ti' cha'cojtlel yom jiñi c'oc' bʌ cha'añ pulbil bʌ majtañʌl.

Numeros 16:22

Pero tsi' ñucchocoyob i bʌ, tsi' yʌlʌyob: —C Dios, C Dios, jatet mu' bʌ a wʌq'ueñob i ch'ujlel pejtelel wiñic ¿mach ba juntiquilic jach wiñic jiñi tsa' bʌ i cha'le mulil? ¿Chucoch woli a laj mich'leñob ti pejtelelob?

Numeros 8:8

Ti wi'il mi caj i pʌyob tilel juncojt tat wacax, yic'ot majtañʌl bʌ harina wen chʌmeñ bʌ juch'bil xajc'ubil bʌ yic'ot olivo aceite, ixcu jatet mi caj a pʌy tilel yam bʌ tat wacax cha'añ i ñusʌntel mulil.

Romanos 8:3

Jiñi mandar ma'añic tsa' mejli i coltañonla, come c'uñonla cha'añ lac tsucul pusic'al. Dios tsi' choco tilel i Yalobil lajal bʌ i bʌc'tal che' bajche' lac cha'añ am bʌ i pʌyol ti mulil; tsi' yʌc'ʌ i bʌ ti chʌmel cha'añ mi' toj lac mul, cha'añ mi' jilel i p'ʌtʌlel mulil am bʌ ti lac bʌc'tal.

2 Corintios 5:21

Come Cristo ma'añic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'añ mi' yʌq'ueñonla toj bʌ lac pusic'al ti Cristo.

Hebreos 5:3

jiñi cha'añ wersa yom mi' yʌq'ueñ i majtañ Dios cha'añ i bajñel mul, che' bajche' mi' yʌq'ueñ i majtañ cha'añ i mul yaño' bʌ.

Hebreos 9:12

Tsa' junyajlel ochi Cristo ya' ti c'ax Ch'ujul bʌ Ajñibʌl, mach cha'añic mi yʌc' i ch'ich'el alʌ chivo mi alʌ tat wacax, pero yic'ot i bajñel ch'ich'el tsa' ochi ti jiñi c'ax Ch'ujul bʌ Ajñibʌl ya' ti chañ, come tsi' mʌñʌyonla cha'añ mi la cajñel yic'ot ti pejtelel ora.