Levitico 4:12 - Jiñi Tsiji' bʌ Wen T'añ cha'añ Estudio

¹² yic'ot ti' cotol jiñi alʌ tat wacax, yom mi' ch'ʌm majlel ya' ti' pat jiñi tejclum ba' jochol jiñi lum, ba' mi' chojquel jiñi tañ, yic'ot ba' mi' mejlel i pul ti c'ajc yic'ot si'. Ya' mi caj i pulel ba' mi' chojquel jiñi tañ.”

Levitico 4:12 Iomraidhean Croise

Exodo 29:14

Pero i bʌc'tal jiñi alʌ tat wacax yic'ot i pʌchʌlel yic'ot i ta', yom ma' pul ti c'ajc ti' junwejlel jiñi tejclum, come jiñʌch majtañʌl cha'añ mulil.

Levitico 13:46

Ti pejtelel ora che' añ to leco bʌ i tsoy, bi'bi' mi yajñel yic'ot mi' bajñel chumtʌl ti' pat jiñi tejclum.

Levitico 16:27

“Ti wi'il mi' ch'ʌjmel majlel ti junwejl i ti' tejclum jiñi alʌ tat wacax yic'ot jiñi tat chivo tsa' bʌ tsʌnsʌnti cha'añ mulil, tsa' bʌ c'ʌjñi i ch'ich'el ya' ti Ch'ujul bʌ Ajñibʌl cha'añ mi' ñusʌbentelob i mul wiñicob x'ixicob. Yom mi' pulel ti c'ajc i pʌchʌlel yic'ot i bʌc'tal yic'ot i soyta'.

Levitico 4:21

Jiñi motomaj mi caj i ch'ʌm majlel jiñi alʌ tat wacax ya' ti' pat jiñi tejclum cha'añ mi' pul che' bajche' tsi' pulu jiñi ñaxan bʌ alʌ tat wacax. Jiñʌch tsʌnsʌbil bʌ majtañʌl cha'añ i ñusʌntel i mul pejtelel israelob.”

Levitico 6:23

Pejtelel jiñi majtañʌl mu' bʌ i yʌc'ob jiñi motomajob yom mi' laj pulel: Mach yomic mi' c'uxtʌl.”

Levitico 6:30

Pero mach yomic mi' wis c'uxtʌl jiñi majtañʌl tsa' bʌ ch'ʌjmi majlel i ch'ich'el ya' ti Tabernáculo ba' mi la' tempan la' bʌ, mu' bʌ i c'ʌjñel cha'añ i ñusʌntel mulil ya' ti Ch'ujul bʌ Ajñibʌl. Ili majtañʌl yom mi' laj pulel ti c'ajc.”

Levitico 6:4

che' jiñi, jiñi tsa' bʌ i cha'le mulil, yom mi' cha' sutq'uin jiñi tsa' bʌ i xujch'i, yom mi' toj jiñi tsa' bʌ i ch'ʌmʌ, yom mi' cha' sutq'uin jiñi tsa' bʌ aq'uenti ti' wenta cha'añ mi' cʌntan, yom mi cha' sutq'uin jiñi sajtem bʌ tsa' bʌ i loto,

Levitico 8:17

Pero i bʌc'tal jiñi wacax yic'ot i pʌchʌlel, yic'ot i ta' tsa' laj puli ya' ti' junwejlel jiñi tejclum che' bajche' lac Yum tsi' su'be Moisés.

Levitico 9:11

Pero i bʌc'tal yic'ot i pʌchʌlel tsi' pulu ya' ti junwejl tejclum.

Numeros 15:35

Jiñi cha'añ lac Yum tsi' su'be Moisés: “Wersa mi' tsʌnsʌntel jiñi wiñic, julula ti xajlel jatetla israelob ya' ti junwejl i ti' tejclum.”

Numeros 19:3

Yom mi la' wʌq'uen jiñi motomaj Eleazar cha'añ mi' pʌy majlel ti ti' jiñi tejclum, cha'añ ya'i mi cajel i tsʌnsʌntel ti' tojel i wut.

Numeros 19:5

Ti wi'il che' ya'añ jiñi motomaj mi caj i yʌc' ti pulel jiñi xña'a wacax, yic'ot i pʌchʌlel, yic'ot i bʌc'tal, yic'ot i ch'ich'el, yic'ot i ta'.

Numeros 5:3

mi wiñic mi x'ixic, mi caj la' choc loq'uel ya' ba' jijlemetla cha'añ ma'añic mi la' bi'b-esan, come ya' chumulon quic'otetla.”

Hebreos 13:11

jiñi c'ax ñuc bʌ motomaj tsi' ch'ʌmʌ ochel i ch'ich'el alʌc'ʌl ti Ch'ujul bʌ Ajñibʌl cha'añ i ñusʌntel mulil, tsi' puluyob i bʌc'tal alʌc'ʌl ti junwejl i ti' tejclum.