Levitico 3:5 - Jiñi Tsiji' bʌ Wen T'añ cha'añ Estudio

⁵ Jiñi i yalobilob Aarón mi caj i pulob pejtelel iliyi ya' ti pulʌntib. Jiñi alʌc'ʌl mi caj i pulel ya' ti' pam jiñi si' ba'añ c'ajc. Jiñʌch ofrenda xojocña bʌ i yujts'il tic tojlel.”

Levitico 3:5 Iomraidhean Croise

Exodo 29:13

Che' ja'el mi caj a ch'ʌmben i lewil ñotol tac bʌ ti' soyta' yic'ot am bʌ ti' pam i yolmal yic'ot am bʌ ti' cha'p'ejlel i cuchi'tun, mi caj a pul ya' ti pulʌntib.

Levitico 1:13

Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:17

Che' jiñi mi' chuc ti' wich' cha'añ mi' tsep ti ojlil, pero mach yomic mi' junyajlel ts'ojquel i bʌc'tal; jiñi motomaj mi caj i pul ya' ti' pam pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 1:9

Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 3:11

Jiñi motomaj mi caj i pul ti' pejtelel iliyi ya' ti pulʌntib. Jiñʌch i bʌl ñʌc'ʌl pulbil bʌ ofrenda cha'añon.”

Levitico 3:4

yic'ot jiñi cha'p'ejl i cuchi'tun yic'ot i lewil am bʌ ti' jol tac i ya' yic'ot i lewil mu' bʌ i mosben i yolmal yom mi' loc'bentel temel yic'ot i cuchi'tun.

Levitico 4:31

Che' ja'el yom mi' loc'sʌbentel i lewil, che' bajche' tsa' loc'sʌnti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pam jiñi pulʌntib che' bajche' xojocña bʌ i yujts'il majtañʌl cha'añon. Che'ʌch yom mi' mel jiñi motomaj cha'añ mic ñusʌben i mul jiñi wiñic.”

Levitico 4:35

Mi caj i loc'sʌben pejtelel i lewil jiñi majtañʌl che' bajche' tsa' loc'sʌbenti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pulʌntib che' bajche' yan tac bʌ pulbil bʌ c majtañ. Che'ʌch mi caj i mel jiñi motomaj, cha'añ i ñusʌntel mulil, che' jiñi mi caj i ñusʌbentel i mul jiñi wiñic.”

Levitico 6:12

“Jiñi c'ajc am bʌ ya' ti pulʌntib mach yomic mi' yajpel, jiñi motomaj yom mi yotsʌben i si'il ti jujump'ejl sʌc'ajel, mi caj i yʌc' jiñi majtañʌl ti' pam cha'añ mi' pulel yic'ot pejtelel i lewil jiñi tsʌnsʌbil bʌ majtañʌl cha'añ ñʌch'tʌlel.

Levitico 7:28

Lac Yum tsi' cha' pejca Moisés, tsi' yʌlʌ:

Levitico 9:17

Ti wi'il tsi' ch'ʌmʌ junmujch' trigo, tsi' pulu ya' ti pulʌntib yic'ot i majtañ lac Yum mu' bʌ i pulbentel ti jujump'ejl sʌc'ajel.

Numeros 15:8

Che' mi' la' wʌq'ueñon tat wacax che' bajche' pulbil bʌ o tsʌnsʌbil c majtañ, cha'añ woli la' wʌc' xuc'ul bʌ la' t'añ o mi majtañʌl cha'añ i ñʌch'tʌlel la' pusic'al,

Numeros 18:17

Pero mach yomic ma' ch'ʌmben i tojol ñaxan tac bʌ i yal wacax, yic'ot ñaxan tac bʌ i yal tʌñʌme', yic'ot ñaxan tac bʌ i yal chivo, come ch'ujulʌch. Mi caj a c'ʌmben i ch'ich'el cha'añ ma' tsijcan jiñi pulʌntib, ixcu i lewil mi caj a pul cha'añ c majtañ, jiñʌch xojocña bʌ i yujts'il tic tojlel.

Numeros 28:12

yic'ot jiñi majtañʌl bʌ trigo cha'añ jujuncojt alʌ tat wacax, yom wʌcp'ejl kilo wen juch'bil bʌ harina xajc'ubil bʌ yic'ot olivo aceite; yic'ot jiñi majtañʌl bʌ trigo cha'añ jiñi tat tʌñʌme', yom chʌmp'ejl kilo harina wen chʌmeñ bʌ juch'bil xajc'ubil bʌ yic'ot olivo aceite,

Numeros 28:3

“Che' ja'el mi caj a su'beñob: Jiñi pulbil bʌ majtañʌl mu' bʌ caj la' wʌq'ueñon jiñʌch iliyi: Cha'cojt tʌñʌme' mach bʌ i p'ajomalic añ jaxto bʌ jump'ejl i ja'bilel; jiñʌch pulbil bʌ majtañʌl cha'añ jujump'ejl q'uiñ.

1 Pedro 2:5

Jatetla ja'el lajaletla bajche' cuxul bʌ xajlel, woli la' wa'chocontel ti' yotot Dios, ch'ujul bʌ motomajetla i cha'añ Jesucristo cha'añ mi la' wʌq'uen ch'ujul bʌ i majtañ Dios mu' bʌ i mulan.