Levitico 3:3 - Jiñi Tsiji' bʌ Wen T'añ cha'añ Estudio

³ “Che' jiñi mi caj i yʌq'ueñon tsʌnsʌbil bʌ c majtañ cha'añ i ñʌch'tʌlel i pusic'al che' bajche' pulbil bʌ c majtañ. Jiñi i lewil ya' bʌ ñotol ti' soyta', yic'ot pejtelel i lewil am bʌ ti' malil,

Chol de Tumbalá Bible

^3-5 Ya' tic tojlel mi caj i pulbeñoñob i lewil ya' bʌ ñotol ti' soyta', yic'ot jini cha'p'ejl i chujyib i pich, yic'ot i lewil, yic'ot i chañelal i yolmal. Mic wen mulan.

Chol: I T’an Dios

^3-5 Ya' tic tojlel mi caj i pulbeñoñob i lewil ya' bʌ ñotol ti' soyta', yic'ot jini cha'p'ejl i chujyib i pich, yic'ot i lewil, yic'ot i chañelal i yolmal. Mic wen mulan.

Levitico 3:3 Iomraidhean Croise

Exodo 29:13

Che' ja'el mi caj a ch'ʌmben i lewil ñotol tac bʌ ti' soyta' yic'ot am bʌ ti' pam i yolmal yic'ot am bʌ ti' cha'p'ejlel i cuchi'tun, mi caj a pul ya' ti pulʌntib.

Exodo 29:22

Ti wi'il mi caj a ch'ʌmben i lewil jiñi i tat tʌñʌme' yic'ot i lewil i ñej, yic'ot i lewil ñotol tac bʌ ti' soyta', yic'ot i lewil ñotol tac bʌ ti' yolmal, yic'ot ti' cha'p'ejlel i cuchi'tun temel yic'ot i lewil, yic'ot ñoj bʌ i ya', come jiñʌch i tat tʌñʌme' cha'añ sʌc-esaya.

Levitico 1:12

Ti wi'il mi caj i bic'ti t'ojob jiñi majtañʌl. Che' jiñi, jiñi motomajob caj i yʌc'ob ya' ti' pam si' am bʌ ti pulʌntib temel yic'ot i jol yic'ot i lewil i soyta'.

Levitico 1:8

Ti wi'il i yalobilob Aarón jiñi motomajob mi caj i much'chocobeñob i bʌc'tal jiñi wacax yic'ot i jol yic'ot i lewil i soyta'. Mi caj i yʌc'ob ya' ti' pam pulʌntib ya' ba' woli ti lejmel jiñi c'ajc.

Levitico 16:25

yic'ot mi caj i pulben i lewil jiñi majtañʌl cha'añ i tojol mulil.

Levitico 3:16

Ti wi'il jiñi motomaj mi caj i pul pejtelel iliyi ya' ti pulʌntib. Jiñʌch i bʌl ñʌc'ʌl jiñi ofrenda xojocña bʌ i yujts'il mu' bʌ c pulbentel. Pejtelel i lewil c cha'añʌch.”

Levitico 3:2

La' i c'ʌcchocon i c'ʌb ti' jol jiñi alʌc'ʌl, la' i tsʌnsan ya' ti ti' jiñi Tabernáculo ba' mi la' tempan la' bʌ, ti wi'il jiñi motomajob, i yalobilob Aarón mi caj i tsijcañob ti' ch'ich'el jiñi alʌc'ʌl ti' joytʌlel jiñi pulʌntib.”

Levitico 3:4

yic'ot jiñi cha'p'ejl i cuchi'tun yic'ot i lewil am bʌ ti' jol tac i ya' yic'ot i lewil mu' bʌ i mosben i yolmal yom mi' loc'bentel temel yic'ot i cuchi'tun.

Levitico 4:10

che' bajche' tsa' loc'sʌbenti i lewil yic'ot i cuchi'tun jiñi wacax tsa' bʌ tsʌnsʌnti cha'añ i ñʌch'tʌlel la' pusic'al, jiñi motomaj mi caj i pul ya' ti' pam jiñi pulʌntib.

Levitico 7:30

La' i ch'ʌm tilel ti' c'ʌb jiñi majtañʌl mu' bʌ caj i pulel tic tojlel. Yom mi' ch'ʌmben tilel i lewil i tajñ yic'ot i bʌc'tal i tajñ cha'añ mi' jʌmts'untel tic tojlel ba'añ jiñi pulʌntib.

Levitico 7:5

Ti wi'il jiñi motomaj mi caj i pul ti' pam jiñi pulʌntib che' bajche' pulbil bʌ c majtañ. Jiñʌch majtañʌl cha'añ i ñusʌntel mulil.

Levitico 9:10

Ti wi'il tsa' caji i pulben i lewil, yic'ot i cuchi'tun yic'ot i lewil i yolmal jiñi majtañʌl cha'añ i ñusʌntel mulil che' bajche' lac Yum tsi' su'be Moisés.

Mateo 13:16

Pero jatetla tijicñayetla come mi' c'otel la' wut yic'ot mi la' wu'bin t'añ ti la' chiquin.

Mateo 15:8

“Ti' yej jach mi' su'bob c ñuclel jiñi wiñicob x'ixicob, pero i pusic'al ñajt añ tic tojlel.

Romanos 5:5

Che' woliyonla ti pijt, mach lolomic jach, come la cujil i c'uxbiya Dios tsa'ix i but'beyonla ti lac pusic'al ti jiñi Ch'ujul bʌ Espíritu tsa' bʌ aq'uentiyonla.

Romanos 6:6

Come la cujil tsa' ch'ijle ti cruz lac tsucul pusic'al yic'ot Cristo, cha'añ mi' jisʌntel i p'ʌtʌlel mulil ti lac pusic'al, cha'añ ma'añix mi lac chʌn yuman mulil.

Deuteronomio 30:6

Lac Yum Dios mi caj i sʌc-esan la' pusic'al yic'ot i pusic'al la' walobilob cha'añ mi la' c'uxbin lac Yum Dios ti pejtelel la' pusic'al, yic'ot ti pejtelel la' ch'ujlel cha'añ cuxul mi la' wajñel.