Levitico 26:9 - Jiñi Tsiji' bʌ Wen T'añ cha'añ Estudio

⁹ come mi caj j cʌntañetla, mi caj c p'ojlesañetla yic'ot mi caj c ts'ʌctesan c t'añ ti la' tojlel.

Chol de Tumbalá Bible

⁹ Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Chol: I T’an Dios

⁹ Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Levitico 26:9 Iomraidhean Croise

Genesis 1:28

Dios tsi' yʌq'ueyob i yutslel i t'añ, tsi' su'beyob: “La' tilic la' p'olbal, la' p'ojliquetla yic'ot but'ula jiñi pañimil, c'ʌñʌla; la' i yumañetla jiñi chʌy tac am bʌ ti mar yic'ot jiñi xwejlel mut tac am bʌ ti panchan yic'ot pejtelel cuxul tac bʌ mu' bʌ ti xʌmbal ti pañimil.”

Genesis 17:20

Ixcu Ismael, mi caj cʌq'uen i yutslel c t'añ ja'el che' bajche' tsa' c'ajtibeyon. Mi caj c p'ojlesʌben i yalobil, ca'bʌl mi' caj ti p'ojlelob. Mi caj cʌq'uen lajchʌntiquil i yalobilob mu' bʌ i caj i yochelob ti rey. I p'olbal mi caj i sujtel ti colem tejclum.

Genesis 22:17

ti isujm mi caj cʌq'ueñet a wenlel yic'ot mi caj c wen p'ojlesʌbeñet a p'olbal che' bajche' ec' tac am bʌ ti panchan yic'ot che' bajche' ji' am bʌ ti ti' mar. Jiñi a p'olbal mi caj i cha'len i yumʌntel ti' tojlel i contrajob.

Genesis 26:4

Mi caj c p'ojlesan a p'olbal che' bajche' ec' ti panchan; mi caj cʌq'uen a p'olbal pejtelel ili lum; ti' tojlel a p'olbal mi caj i yʌq'ueñtelob i yutslel c t'añ wiñicob x'ixicob ti pejtelel pañimil,

Genesis 28:14

Lajal ti tsicol a p'olbal che' bajche' i ts'u'bejñal lum. Mi caj i pam pujquelob majlel c'ʌlʌl ba' mi' bʌjlel q'uiñ yic'ot ba' mi' pasel q'uiñ, yic'ot ti norte yic'ot ti sur. Cha'añet yic'ot cha'añ a p'olbal mi caj i yʌq'ueñtelob i yutslel c t'añ wiñicob x'ixicob ti jujunmojt.

Genesis 28:3

La' i yʌq'ueñet i yutslel i t'añ jiñi Dios Mach Bʌ Añic i P'isol i P'ʌtʌlel; la' i yʌq'ueñet ca'bʌl a walobilob; la' i p'olbeñet a walobilob ti' mojt ti' mojt;

Genesis 48:4

tsi' su'beyon: “Mi caj c p'ojlesañet, mi caj c p'ojlesan a walobilob, mi caj a wochel ti' tat ca'bʌl wiñicob x'ixicob ti' mojt ti' mojt; mi caj cʌq'ueñob ili lum a p'olbal maxto bʌ añic tsi' yilayob pañimil, i cha'añobʌch mi caj i yajñel ti pejtelel ora.”

Genesis 6:18

pero jatet mi caj cʌq'ueñet xuc'ul bʌ c t'añ, mi caj a wochel ti barco, jatet yic'ot a walobilob yic'ot a wijñam yic'ot i yijñamob a walobilob.

Exodo 1:7

Pero i yalobilob jiñi israelob tsa' wen p'ojliyob, wen ca'bʌlob yic'ot wen p'ʌtʌlob, ma'añix jochol bʌ lum ba' mi' chumtʌlob.

Exodo 2:25

Dios tsi' q'uele jiñi israelob, tsi' cʌmbeyob i wocol. El: Dios Is 40.18 Elohim Dios Gn 1.1 El-Elyon: C'ax Ñuc Bʌ Dios Gn 14.22 El-Olam: Dios Am Bʌ Ti Pejtelel Ora Gn 21.33 El-Shaddai: Dios Mach Bʌ Añic i P'isol i P'ʌtʌlel Gn 17.1 Adon: C Yum Sal 114.7 Adonai: C Yum Jos 5.14 Yo Soy El que Soy: Joñoñʌch Jiñi Am Bʌ Ex 3.14-15 Jehová Dios: C Yum Dios Gn 2.4. Jehová Elohim: C Yum Dios Sal 81.10 Jehová-sebaot: I Yum Panchan yic'ot Pañimil 1 Sm 1.3 Jehová-jireh: Lac Yum Mu' Bʌ Yʌq'ueñonla Chuqui la Com Gn 22.14 Jehová-nisi: Lac Yum Jiñʌch Lac Bandera Ex 17.15 Jehová-Shalom: Lac Yum jiñʌch lac ñʌch'tʌlel Jue 6.24.

Exodo 6:4

Che' ja'el tsa' cʌq'ueyob xuc'ul bʌ c t'añ cha'añ mi caj cʌq'ueñob i lumal Canaán ba' tsa' poj chumleyob.

Levitico 26:15

mi tsa' la' q'uele ti lolom c t'añ yic'ot mi tsa' la' ts'a'le c mandar, mi ma'añic tsa' caji la' mel che' bajche' añ tic mandar yic'ot mi tsa' la' jisʌbe i c'ʌjñibal jiñi xuc'ul bʌ c t'añ,

Lucas 1:72

Che' jiñi mi caj i p'untañonla che' bajche' tsi' su'beyob lac ñojte'el. Mi caj i ña'tan jiñi ch'ujul bʌ xuc'ul bʌ t'añ,

Deuteronomio 28:11

Lac Yum mi caj i wen p'ojlesan la' chu'bʌañ yic'ot la' walobilob, yic'ot la' wʌlac' tac, yic'ot i wut la' pʌc'ʌb tac ya' ti la' lum mu' bʌ caj i yʌq'ueñetla che' bajche' tsi' wʌn su'beyob la' ñojte'elob.

Deuteronomio 28:4

Uts'at mi caj i p'ojlel la' walobilob, yic'ot i wut la' pʌc'ʌb, yic'ot i yal pejtelel la' wʌlac', che' bajche' la' wacax yic'ot la' tʌñʌme'.

Deuteronomio 7:13

Lac Yum mi caj i c'uxbiñetla, mi caj i yʌq'ueñetla i yutslel i t'añ yic'ot mi caj i yʌq'uetla ti p'ojlel, uts'at mi caj i yilan pañimil la' walobilob yic'ot uts'at mi caj i yʌc' i wut la' pʌc'ʌb, che' bajche' la' trigo, la' ts'usubil, la' wolivo aceite, yic'ot i yal tac la' wacax yic'ot i yal tac la' tʌñʌme', ti jiñi lum mu' bʌ caj i yʌq'ueñetla lac Yum che' bajche' tsi' wʌn su'beyob la' ñojte'elob.

Hebreos 8:9

Mach lajalic bajche' jiñi xuc'ul bʌ t'añ tsa' bʌ c mele yic'ot i ñojte'elob, che' bʌ tsa' c chucbeyob i c'ʌb, cha'añ mic pʌyob loq'uel ti' lumal Egipto, ma'añic tsi' wen jac'ʌyob, jiñi cha'añ tsa' c tʌts'ʌ c bʌ ti' tojlelob, che'en lac Yum.