Levitico 26:5 - Jiñi Tsiji' bʌ Wen T'añ cha'añ Estudio

⁵ Mi caj i wen loq'uel chuqui tac mi la' pʌc' ya' ti la' lum yic'ot mi caj i wen loq'uel i wut la' ts'usub; mi caj la' wen ñaj-añ che' mi la' c'ux i bʌl la' ñʌc' yic'ot tijicña mi caj la' chumtʌl ya' ti la' lumal.

Levitico 26:5 Iomraidhean Croise

Exodo 16:8

Moisés tsi' cha' alʌ: —Lac Yum mi caj i yʌq'ueñetla la c'ux we'elʌl che' ti ic'ajel yic'ot che' ti sʌc'ajel mi caj i yʌq'ueñetla waj che' bajche' c'amel la' wom, come lac Yum tsi' yu'bi che' bʌ tsa' la' cha'le wulwul t'añ ti' contra; come ¿chuqui c mul lojon? Ma'añic tsa' la' cha'le wulwul t'añ tic tojlel lojon, pero tsa' la' cha'le ti' contra lac Yum.

Mateo 23:37

¡Jerusalén, Jerusalén, mu' bʌ la' tsʌnsan x'alt'añob, yic'ot mu' bʌ la' jul ti xajlel jiñi chocbilo' bʌ tilel ba'añetla! ¡jayajlix com c tempan la' walobilob che' bajche' mi' tempan i yal i ña'al mut ti ye'bal i wich', pero mach la' womic!

Hechos 14:17

pero ma'añic tsi' cʌyʌ i pʌs wen bʌ i ye'tel. Tsi' yʌq'ueyonla ja'al tilem bʌ ti panchan yic'ot tsi' yʌc'ʌ ti wut pʌc'ʌbʌl tac che' ti yorajlel cha'añ i bʌl lac ñʌc' yic'ot cha'añ i tijicñʌyel lac pusic'al.

Deuteronomio 11:15

Che' ja'el mi caj cʌq'ueñetla jam ti la' jamil cha'añ mi' c'ux la' wʌlac' yic'ot mi caj la' taj ca'bʌl i bʌl la' ñʌc' jinto mi la' ñaj-añ.

1 Timoteo 6:17

Ixcu jiñi año' bʌ ca'bʌl i chu'bʌañ ti pañimil, tsʌts ma' su'beñob cha'añ ma'añic mi' chañ-esañob i bʌ, cha'añ ma'añic mi' yʌc'ob ti' pusic'al i chu'bʌañ yujil bʌ jilel, su'beñob cha'añ mi' chʌn ñopob jiñi cuxul bʌ Dios mu' bʌ i wen aq'ueñonla pejtelel chuqui tac yom cha'añ mi la cu'bin lac tijicñʌyel.

1 Pedro 1:5

come Dios woli' cʌntañetla ti ñuc bʌ i p'ʌtʌlel ti la' pejtelel mu' bʌ la' ñop, c'ʌlʌl ti jiñi cojix bʌ q'uiñ che' mi caj i tsictiyel la' coltʌntel tsa' bʌ i wʌn chajpʌbeyetla.