Levitico 26:4 - Jiñi Tsiji' bʌ Wen T'añ cha'añ Estudio

⁴ joñon mi caj cʌq'ueñetla ja'al che' ti' yorajlel, jiñi lum yic'ot jiñi te' tac mi caj i wen ac' i wut.

Levitico 26:4 Iomraidhean Croise

Levitico 25:19

Jiñi pʌc'ʌbʌl mu' bʌ la' pʌc' ti lum mi caj i wen aq'ueñetla i wut, mi caj la' wen c'ux jinto mi la' ñaj-añ yic'ot ma'añic majqui mi caj i tic'lañetla ya' ba' mi la' chumtʌl.”

Levitico 25:21

Joñon mi caj cʌq'ueñetla c bendición che' ti' wʌcp'ejlel ja'b, che' jiñi mi caj i yʌq'ueñetla i wut pʌc'ʌbʌl cha'añ uxp'ejl ja'b.

Mateo 5:45

Che' jiñi mi' tsictiyel i yalobiletla la' Tat am bʌ ti panchan, mu' bʌ i yʌc' ti pasel q'uiñ ti' tojlel jiñi jontolo' bʌ i melbal yic'ot weño' bʌ i melbal. Che' ja'el woli' chʌn chocbeñob tilel ja'al jiñi tojo' bʌ i pusic'al yic'ot jontolo' bʌ.

Hechos 14:17

pero ma'añic tsi' cʌyʌ i pʌs wen bʌ i ye'tel. Tsi' yʌq'ueyonla ja'al tilem bʌ ti panchan yic'ot tsi' yʌc'ʌ ti wut pʌc'ʌbʌl tac che' ti yorajlel cha'añ i bʌl lac ñʌc' yic'ot cha'añ i tijicñʌyel lac pusic'al.

Deuteronomio 11:13

“Mi tsa' la' wen jac'ʌ pejtelel ili mandar woli bʌ c su'beñetla wʌle, mi mux la' c'uxbin lac Yum Dios yic'ot mi mux la' melben i ye'tel ti pejtelel la' pusic'al yic'ot ti pejtelel la' ch'ujlel,

Deuteronomio 11:14

mi caj c choc tilel ja'al che' ti' yorajlel, jiñi se'b bʌ yic'ot jiñi wi'ilix bʌ, ixcu jatetla mi caj la' cha'len c'ajbal, mi caj la' wen taj i ya'lel la' ts'usub yic'ot la' wolivo aceite.

Deuteronomio 28:12

Lac Yum mi caj i yʌq'ueñetla jiñi uts'at bʌ lotol bʌ ti panchan, mi caj i choc ju'bel ja'al ya' ti la' lum che' ti yorajlel cha'añ uts'at mi' colel pejtelel jiñi tsa' bʌ la' pʌc'ʌ. Mi caj la' wʌq'uen ti majan yan tac bʌ tejclum, pero jatetla ma'añic mi la' cajel ti majan.

Santiago 5:7

Jiñi cha'añ hermañujob, cha'lenla pijt ti' ñʌch'tʌlel la' pusic'al jinto mi' tilel lac Yum. Ña'tanla jiñi xpac', jal mi' pijtan i yʌc'bal i lum, ti' ñʌch'tʌlel i pusic'al mi' pijtan jiñi ñaxan bʌ ja'al yic'ot jiñi wi'il bʌ cha'añ mi' colel i pʌc'ʌb.

Apocalipsis 11:6

Añob i p'ʌtʌlel jiñi cha'tiquil cha'añ mi' ñup'ob panchan cha'añ ma'añic mi' yajlel ja'al ba' ora woliyob ti subt'añ, añob i p'ʌtʌlel cha'añ mi' pʌntesan ti ch'ich' i loq'uib ja'. Añob i p'ʌtʌlel cha'añ mi' tic'lañob pañimil ti ca'bʌl wocol che' bajche' jayajl yomob.