Levitico 26:12 - Jiñi Tsiji' bʌ Wen T'añ cha'añ Estudio

¹² Mi caj c chʌn ajñel ti la' tojlel: Mi caj la' Diosiñon, yic'ot jatetla c tejclumetla.

Chol de Tumbalá Bible

¹² Mi caj c chʌn ajñel ti la' tojlel. Mi caj la' Diosiñon. Mi caj cotsañetla ti calobil.

Chol: I T’an Dios

¹² Mi caj c chʌn ajñel ti la' tojlel. Mi caj la' Diosiñon. Mi caj cotsañetla ti calobil.

Levitico 26:12 Iomraidhean Croise

Genesis 17:7

Mi caj c wa'chocon jump'ejl xuc'ul bʌ c t'añ a wic'ot yic'ot ti' tojlel a p'olbal ti' lajm ti' lajm ti' pejtelel ora; cha'añ mi cochel ti a Dios yic'ot ti' Dios pejtelel a p'olbal.

Genesis 17:8

Mi caj cʌq'ueñet yic'ot a p'olbal pejtelel i lumal Canaán ba' woliyet ti chumtʌl wʌle, mi caj la' cha'añin ti pejtelel ora, joñon mi caj cochel ti' Diosob.

Genesis 3:8

Che' yomix bʌjlel q'uiñ, tsi' yu'biyob i t'añ lac Yum Dios che' woli ti xʌmbal ñumel ti pʌc'ʌbʌl; jiñi wiñic yic'ot i pi'ʌl tsi' mujcuyob i bʌ ti' tojlel lac Yum Dios ya' ti te'el am bʌ ti pʌc'ʌbʌl.

Genesis 5:22

Che' bʌ tsi' yila pañimil Matusalén, xuc'ul tsa' ajñi Enoc ti' ñopol Dios jo'lujunc'al (300) ja'b; tsi' yila pañimil ch'itoñ bʌ yic'ot xch'oc bʌ i yalobilob.

Genesis 5:24

Wen xuc'ul tsi' cha'le xʌmbal Enoc ti' bijlel Dios; ma'añix tsiquil baqui tsa' majli Enoc, come Dios tsi' pʌyʌ majlel.

Genesis 6:9

Jiñobʌch i p'olbal Noé. Toj jiñi Noé, uts'at ti' wut wiñicob x'ixicob; tsi' chʌn cha'le xʌmbal Noé ti' bijlel Dios.

Exodo 29:45

Joñon mi caj c chumtʌl ti' tojlel jiñi israelob; mi caj cochel ti' Dios.

Exodo 29:46

Che' jiñi mi caj i ña'tañob cha'añ joñoñʌch i Yumoñob i Diosoñob tsa' bʌ c loc'sayob ti' lumal Egipto cha'añ mi cajñel quic'otob. Joñon i Yumoñob yic'ot i Diosoñob.

Exodo 3:6

Tsi' cha' alʌ: —Joñon i Dioson a tat, i Dioson Abraham, i Dioson Isaac, i Dioson Jacob. Jiñi cha'añ Moisés tsi' mʌcʌ i wut come tsi' bʌc'ña i q'uel Dios.

Exodo 6:7

Mi caj cotsañetla tic tejclum yic'ot mi caj cochel ti la' Dios. Che' jiñi mi caj la' ña'tan Yumʌlon, la' Dioson, tsa' bʌ c pʌyʌyetla loq'uel ti wocol e'tel ti' tojlel egiptojob.

Numeros 5:3

mi wiñic mi x'ixic, mi caj la' choc loq'uel ya' ba' jijlemetla cha'añ ma'añic mi la' bi'b-esan, come ya' chumulon quic'otetla.”

Mateo 22:32

“Joñon i Dioson Abraham, i Dioson Isaac, i Dioson Jacob”? Dios mach i Diosic chʌmeño' bʌ, pero i Diosʌch cuxulo' bʌ.

2 Corintios 6:16

I templo Dios ¿jim ba i pi'ʌl jiñi dios tac? Joñonla i templojonla jiñi cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'añ.”

Deuteronomio 23:14

Come ya'ʌch añ lac Yum Dios la' wic'ot ya' ba' mi la' tempan la' bʌ, cha'añ mi' coltañetla yic'ot cha'añ mi' yʌq'ueñetla ti la' c'ʌb jiñi la' contrajob; jiñi cha'añ sʌc yom ya' ba' mi la' much'quin la' bʌ, cha'añ ma'añic chuqui bi'bi' mi' q'uel ti la' tojlel, ame i tʌts' i bʌ lac Yum ti la' tojlel.

Deuteronomio 23:15

Mach yomic ma' pʌy majlel ba'añ i yum juntiquil x'e'tel mu' bʌ i c'otel ti puts'el ti a tojlel.

Hebreos 11:16

Pero tsi' pijtayob jiñi ñumen wen bʌ i lumal am bʌ ti panchan; jiñi cha'añ ma'añic mi' cha'len quisin Dios che' mi' Diosiñob, come tsa'ix i melbeyob i tejclum.

Apocalipsis 2:1

Ts'ijbuben juñ xcʌntaya i cha'añ jiñi xñopt'añob mu' bʌ i tempañob i bʌ ya' ti Éfeso: “Jiñi chucul bʌ i cha'añ wucp'ejl ec' ti ñoj bʌ i c'ʌb, jiñi mu' bʌ i cha'len xʌmbal ti' yojlil jiñi wucts'ijt lámpara melbil bʌ ti oro, jiñʌch mu' bʌ i yʌl ili t'añ:

Apocalipsis 21:7

Jiñi mu' bʌ i mʌjlel i cha'añ mi caj i ch'ʌm pejtelel chuqui tac añ. Joñon i Dioson, jiñi mi caj i yochel ti calobil.