Levitico 26:1 - Jiñi Tsiji' bʌ Wen T'añ cha'añ Estudio

¹ “Mach yomic mi la' bajñel mel la' dios, mi yomic mi la' wa'chocon melbil bʌ la' dios tac, mi yomic mi la' wʌc' ya' ti la' lum bombil bʌ xajlel cha'añ mi la' ñocchocon la' bʌ la' ch'ujutesan, come joñoñʌch la' Yumon, la' Dioson.

Chol de Tumbalá Bible

¹ Mach yomic mi la' bajñel mel la' dios. Mach yomic mi la' ch'ujutesan jini dioste' tac, mi dios xajlel tac mi ts'ʌpbil bʌ te' tac. Mach mi la' ñocchocon la' bʌ ti' tojlel. Come joñon jach la' Yumon la' Dioson.

Chol: I T’an Dios

¹ Mach yomic mi la' bajñel mel la' dios. Mach yomic mi la' ch'ujutesan jini dioste' tac, mi dios xajlel tac mi ts'ʌpbil bʌ te' tac. Mach mi la' ñocchocon la' bʌ ti' tojlel. Come joñon jach la' Yumon la' Dioson.

Levitico 26:1 Iomraidhean Croise

Exodo 20:2

“Joñon a Yumon a Dioson, tsa' c pʌyʌyetla loq'uel ti' lumal egiptojob, ya' ba' chucbiletla ti majtañ e'tel.

Exodo 20:23

Mach la' mel la' dios tac melbil bʌ ti plata mi ti oro cha'añ mi la' ch'ujutesan.

Exodo 23:24

Mach yomic mi la' ch'ujutesan i diosob, mi yomic mi la' melben i ye'tel, mi yomic mi la' mel che' bajche' mi' melob; yom mi la' jisañob ti pejtelelob, yic'ot yom mi la' top' yic'ot yom mi la' xul pejtelel i yejtal i diosob.

Exodo 34:17

Mach yomic mi la' mel yan tac bʌ la' dios.

Levitico 19:4

“Mach yomic mi la' ch'ujutesan dios tac, mi yomic mi' la' mel la' dios tac, come Joñon, la' Yumon, la' Dioson.”

Levitico 25:55

come jiñi israelob caj e'telobʌch; c wiñicobʌch, tsa' bʌ c loc'sayob ti Egipto. Joñon la' Yumon, la' Dioson.”

Levitico 7:33

Jiñi i yalobilob Aarón mu' bʌ i yʌq'ueñon i ch'ich'el jiñi tsʌnsʌbil bʌ majtañʌl yic'ot i lewil cha'añ mic su'bentel wocolix cʌlʌ, mi caj i ch'ʌmben jiñi ñoj bʌ i ya' che' bajche' i cha'añ.

Numeros 33:52

mi caj la' choc loq'uel pejtelel jiñi ya' bʌ chumulob, mi caj la' laj jembeñob i yejtal i diosob melbil tac bʌ ti xajlel, yic'ot pejtelel i yejtal tac melbil bʌ ti tsucul taq'uiñ, yic'ot mi caj la' junyajlel jisʌben i yajñib tac ba' mi' ch'ujutesañob i diosob.

Hechos 17:29

Mi' p'olbalonla Dios, mach yomic mi la cʌl lajalʌch Dios bajche' oro mi plata, mi xajlel mu' bʌ i melob wiñicob ti' bajñel pusic'al i wenta i yejtal Dios.

Deuteronomio 27:15

“La' chojquic jiñi wiñic mu' bʌ i mel i yejtal i dios melbil bʌ ti te' o ti tsucul taq'uiñ, come ts'a' mi' q'uel lac Yum jiñi dios tac melbil bʌ ti c'ʌbʌl, anquese mucul jach mi' yʌc'.” Pejtelel jiñi año' bʌ ti tejclum mi caj i yʌlob: “Amén”.

Deuteronomio 5:6

“Joñon a Yumon a Dioson, tsa' bʌ c pʌyʌyet loq'uel ti' lumal Egipto ya' ba' chucbilet ti majtañ e'tel.”

Apocalipsis 22:15

Pero jiñi ts'i'ob mi cʌytʌlob ti jumpat yic'ot xwujt yic'ot jiñi mu' bʌ i cha'leñob ts'i'lel yic'ot xtsʌnsajob yic'ot jiñi mu' bʌ i ñopob dios te' yic'ot jiñi mu' bʌ i mulañob lot yic'ot jiñi mu' bʌ i cha'leñob lot.”