Levitico 23:3 - Jiñi Tsiji' bʌ Wen T'añ cha'añ Estudio

³ “Wʌcp'ejl q'uiñ yom mi la' cha'len e'tel, ti' wucp'ejlel q'uiñ yom mi la' c'aj la' wo, come ch'ujulʌch jiñi q'uiñ; mach yomic mi la' mel mi junchajpic la' we'tel, come i q'uiñilelʌch c'aj-o tic tojlel baqui jach chumuletla”.

Chol de Tumbalá Bible

³ Wʌcp'ejl jach q'uin yom mi la' cha'len e'tel. Che' ti' wucp'ejlel q'uin yom mi la' c'aj la' wo, come jiñʌch ch'ujul bʌ q'uin. Mach yomic mi la' mel mi junchajpic la' we'tel, come i q'uiñilelʌch c'aj o ti' tojlel baqui jach chumuletla”.

Chol: I T’an Dios

³ Wʌcp'ejl jach q'uin yom mi la' cha'len e'tel. Che' ti' wucp'ejlel q'uin yom mi la' c'aj la' wo, come jiñʌch ch'ujul bʌ q'uin. Mach yomic mi la' mel mi junchajpic la' we'tel, come i q'uiñilelʌch c'aj o ti' tojlel baqui jach chumuletla”.

Levitico 23:3 Iomraidhean Croise

Exodo 16:23

Moisés tsi' su'beyob: —Lac Yum tsi' yʌlʌ che' bajche' iliyi: “Ijc'ʌl jiñʌch i q'uiñilel c'aj-o, jiñʌch ch'ujul bʌ c'aj-o cha'añ mi la' ch'ujutesan lac Yum; jiñi yom bʌ mi la' ch'ʌx, ch'ʌxʌla wʌle, jiñi yom bʌ mi la' pojpon, pojponla wʌle; pejtelel i colojbal, lotola cha'añ i yijc'ʌlal.”

Exodo 16:29

Ña'tanla, cha'añ lac Yum tsa'ix i yʌq'ueyetla i q'uiñilel c'aj-o, come che' ti' wʌcp'ejlel q'uiñ oñ mi yʌq'ueñetla waj cha'añ jasʌl cha'añ cha'p'ejl q'uiñ. Cʌlenla ti la' chumlib ti jujuntiquiletla, che' ja'el ma'añic majqui yom mi' loq'uel ti yotot che' ti' wucp'ejlel q'uiñ.

Exodo 16:30

Jiñi cha'añ jiñi wiñicob x'ixicob tsi' c'ajayob i yoj che' ti' wucp'ejlel q'uiñ.

Exodo 23:12

Wʌcp'ejl q'uiñ mi caj a cha'len e'tel, pero ti' wucp'ejlel q'uiñ mi caj a c'aj a wo yic'ot a wacax yic'ot a burro yic'ot mi caj i c'aj i yoj i yalobil a criada yic'ot jiñi ch'oyol bʌ ti yam bʌ lum.

Exodo 34:21

Wʌcp'ejl q'uiñ yom mi la' cha'len e'tel pero ti' wucp'ejlel q'uiñ yom mi la' c'aj la' wo yic'ot che' ti yorajlel mi la' cha'len pac' yic'ot che' ti' yorajlel mi la' cha'len c'ajbal, yom mi la' c'aj la' woj.

Levitico 19:3

“Ti jujuntiquil yom mi la' q'uel ti ñuc la tat la' ña'.” “Yom mi la' q'uel ti ñuc i q'uiñilel c'aj-o, come Joñon, la' Yumon, la' Dioson.”

Lucas 13:14

Pero i yum sinagoga tsa' mich'a, come Jesús tsi' cha'le c'oq'uesaya ti' q'uiñilel c'aj-o. Tsi' su'beyob wiñicob x'ixicob: —Wʌcp'ejl q'uiñ mi lac cha'len e'tel, ti jim bʌ ora yom mi la' tilel cha'añ mi la' lajmesʌntel, mach ti' q'uiñilelic c'aj-o.

Lucas 23:56

Tsa' sujtiyob, tsi' chajpayob xojocña bʌ perfume yic'ot c'o'ol bʌ ts'ac; tsi' c'ajayob i yoj ti' q'uiñilel c'aj-o che' bajche' mi yʌl mandar.

Hechos 15:21

come c'ʌlʌl ti wajali añ ti jujump'ejl tejclum jiñi mu' bʌ i su'bob i t'añ Moisés ti sinagoga ba' mi' q'uejlel i juñ Moisés ti jujump'ejl i q'uiñilel c'aj-o.

Apocalipsis 1:10

Tsa' bujt'i c pusic'al ti' yEspíritu Dios ti jiñi q'uiñ che' mi ch'ujutesʌntel lac Yum, tsa' cu'bi c'am bʌ t'añ tic pat che' bajche' trompeta,