Levitico 22:2 - Jiñi Tsiji' bʌ Wen T'añ cha'añ Estudio

² “Su'ben Aarón yic'ot i yalobilob cha'añ ma'añic mi' tʌlob jiñi ch'ujul bʌ c majtañ tsa' bʌ i yʌq'ueyoñob jiñi israelob, cha'añ ma'añic mi' bi'b-esañob jiñi Ch'ujul bʌ j C'aba'. Joñon, la' Yumon.”

Levitico 22:2 Iomraidhean Croise

Exodo 13:12

mi caj la' wʌq'uen lac Yum jiñi ñaxan bʌ la' walobil. Che' ja'el, pejtelel ñaxan tac bʌ i yal la' wʌlac', mi' tat, i cha'añʌch lac Yum.

Exodo 28:38

Che'ʌch mi caj i yajñel ti' pam Aarón, cha'añ mi' ch'ʌm majlel Aarón i mul israelob tsa' bʌ i tajayob che' bʌ tsi' yʌc'ʌyob ch'ujul bʌ majtañʌl tac. Yom mi' yajñel ti' pam Aarón ti pejtelel ora cha'añ mi tajob i yutslel i pusic'al lac Yum.

Levitico 15:31

“Che'ʌch yom ma' sʌc-esan jiñi israelob ti' bi'bi'lelob, cha'añ ma'añic mi' chʌmelob cha'añ ti' caj i bi'bi'lel cha'añ tsi' bi'b-esayob jiñi Tabernáculo am bʌ ti' tojlelob.”

Levitico 18:21

“Mach yomic ma' wʌc' a walobil ti pulbil bʌ i majtañ Moloc, come che' jiñi mi caj la' wʌc' ti p'ajtʌl j c'aba'. Joñon, Yumʌlon.”

Levitico 19:12

“Mach mi la' lon wa'chocon la' t'añ tij c'aba', come che' jiñi mi la' bi'b-esan j c'aba', come Joñon, la' Yumon.”

Levitico 20:3

Joñon mi caj j contrajin jiñi wiñic, mi caj c choc loq'uel ti' tojlel i pi'ʌlob, come tsa'ix i yʌc'ʌ juntiquil i yalobil cha'añ i majtañ Moloc; tsa'ix i bi'b-esa jiñi Ch'ujul bʌ Ajñibʌl yic'ot tsa'ix i q'uele ti lolom jiñi ch'ujul bʌ j c'aba'.

Levitico 21:6

Yom ch'ujulob tic tojlel yic'ot mach yomic mi bi'b-esañob j c'aba', come mi yʌq'ueñoñob pulbil bʌ c majtañ yic'ot waj; jiñi cha'añ, yom ch'ujulob.”

Levitico 22:1

Lac Yum tsi' pejca Moisés, tsi' su'be:

Levitico 22:32

“Mach mi la' q'uel ti lolom jiñi ch'ujul bʌ j c'aba', cha'añ che' jiñi mi caj c ch'ujutesʌntel ti' tojlel israelob. Joñoñʌch, la' Yumon mu' bʌ c sʌc-esañetla,

Numeros 18:32

Ma'añic la' mul che' mi la' wʌc' jiñi ñumen wen bʌ i diezmojlel jiñi diezmo mu' bʌ i yʌc'ob israelob; che'ʌch yom cha'añ ma'añic mi la' bi'b-esan jiñi i majtañ lac Yum mu' bʌ i yʌc'ob israelob, ame chʌmiquetla.”

Deuteronomio 15:19

Yom mi la' wʌq'uen lac Yum Dios pejtelel i tat bʌ ñaxan bʌ i yal la' wacax yic'ot la' tʌñʌme'. Mach yomic ma' c'ʌn ti e'tel ñaxan bʌ i yal a wacax yic'ot mach yomic ma' tsepben i tsutsel ñaxan bʌ i yal a tʌñʌme',