Levitico 2:9 - Jiñi Tsiji' bʌ Wen T'añ cha'añ Estudio

⁹ Jiñi motomaj mi caj i pul lamital jiñi majtañʌl cha'añ c ña'tʌntel, jiñʌch pulbil bʌ majtañʌl xojocña bʌ i yujts'il mi cu'bin.

Chol de Tumbalá Bible

⁹ Jini motomaj mi caj i pul lamital jini majtañʌl cha'an c ña'tʌntel. Mi caj c ch'ʌm ti wenta ti' pejtelel.

Chol: I T’an Dios

⁹ Jini motomaj mi caj i pul lamital jini majtañʌl cha'an c ña'tʌntel. Mi caj c ch'ʌm ti wenta ti' pejtelel.

Levitico 2:9 Iomraidhean Croise

Exodo 29:18

Ti wi'il mi caj a pul pejtelel jiñi tat tʌñʌme' ya' ti' pam jiñi pulʌntib. Jiñʌch yom bʌ mi' pulel xojocña bʌ i majtañ lac Yum. Jiñʌch majtañʌl pulbil bʌ i cha'añ lac Yum.

Levitico 1:9

Mi caj i pocbeñob ti ja' i ya' yic'ot i soyta', che' jiñi, jiñi motomajob mi caj i pulob ya' ti' pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 2:16

Cha'añ c ña'tʌntel, jiñi motomaj mi caj i pul ts'ita' jiñi juch'bil bʌ trigo yic'ot olivo aceite yic'ot pom. Jiñʌch pulbil bʌ majtañʌl cha'añon.” Alʌc'ʌl tac mu' bʌ i laj pulel: Lv 1.2-17; 6.8-13; 7.7-8; 8.14-17, 23-25 Majtañʌl tac i bʌl bʌ ñʌc'ʌl mu' bʌ i yʌq'uentel lac Yum: Ex 29.15-18; Lv 2.1-16; 8.18-21 Majtañʌl tac che' bajche' i wut cebada yic'ot trigo: Lv 2.1; 6.14-18; 7.9-10 Majtañʌl mu' bʌ i yʌjq'uel che' ti' q'uiñilel i ñusʌntel mulil: Lv 23.26-32; Nm 29.7-11 Majtañʌl ti' chajp ti' chajp: Ex 29.23-27; Lv 8.29 Majtañʌl tac cha'añ i q'uiñilel tsiji' bʌ ja'bil: Lv 23.23-25; Nm 29.1-6 Majtañʌl tac cha'añ i q'uiñilel lejchempat: Lv 23.33-34; Nm 29.12-38 Majtañʌl tac cha'añ jiñi ñaxan bʌ i wut pʌc'ʌbʌl: Lv 23.9-22; Nm 28.26-31 Majtañʌl tac cha'añ i q'uiñilel che' mi' pasel uw Nm 28.1-15 Majtañʌl tac cha'añ i q'uiñilel waj mach bʌ añic i levadurajlel: Lv 23.6-8; Nm 28.17-25 Majtañʌl tac che' mi' ch'ʌmob i ye'tel ti motomaj: Ex 29.19-22, 31-34; Lv 6.19-23; 8.22-28, 31-32 Majtañʌl tac cha'añ ñʌch'tʌlel: Lv 3.1-17; 7.11-21, 28-34 Majtañʌl tac che' ti' q'uiñilel c'aj-o: Nm 28.9-10 Majtañʌl tac mu' bʌ i yʌjq'uel ti jujump'ejl q'uiñ: Ex 29.38-46; Nm 28.1-8 Tsʌnsʌbil bʌ majtañʌl che' bʌ mach tsajilic i cha'añ: Lv 5.14—6.7; 7.1-6, 7-8; 14.11-18, 21-32 Tsʌnsʌbil bʌ majtañʌl cha'añ i ñusʌntel mulil: Ex 29.10-14; Lv 4.1—5.23; 6.24-30; Nm 15.22-29

Levitico 2:2

La' i yʌq'ueñob i yalobilob Aarón, jiñi motomajob. Juntiquil motomaj mi caj i ch'ʌm junmujch' majtañʌl loq'uem bʌ ti juch'bil bʌ trigo yic'ot olivo aceite yic'ot pom cha'añ mi' pul ti' pam i pulʌntib majtañʌl cha'añ mic chʌn ña'tʌntel. Jiñʌch majtañʌl xojocña bʌ i yujts'il mi cu'bin.

Levitico 2:8

Jiñi majtañʌl chajpʌbil tac bʌ che' bajche' iliyi, yom mi la' ch'ʌmbeñon tilel; mi caj la' wʌq'uen jiñi motomaj cha'añ mi' yʌc' ya' ti pulʌntib.

Levitico 24:7

Ya' ti jujuntsolom mi caj a wʌc' pom, cha'añ xojocña jiñi waj che' bajche' pulbil bʌ c majtañ.

Levitico 4:31

Che' ja'el yom mi' loc'sʌbentel i lewil, che' bajche' tsa' loc'sʌnti i lewil jiñi majtañʌl cha'añ i ñʌch'tʌlel la' pusic'al. Añ ti' wenta jiñi motomaj cha'añ mi' pul ya' ti pam jiñi pulʌntib che' bajche' xojocña bʌ i yujts'il majtañʌl cha'añon. Che'ʌch yom mi' mel jiñi motomaj cha'añ mic ñusʌben i mul jiñi wiñic.”

Levitico 5:12

Ili majtañʌl mi caj i ch'ʌm majlel ba'añ jiñi motomaj. Jiñi motomaj mi caj i ch'ʌm junmujch' jiñi harina cha'añ c ña'tʌntel, mi caj i pul ya' ti' pam jiñi pulʌntib ba' mi' pulel c majtañ. Jiñʌch majtañʌl cha'añ i ñusʌntel mulil.

Levitico 6:15

Jiñi motomaj mi caj i ch'ʌm junmujch' harina mu' bʌ cʌq'uentel tic majtañ, olivo aceite yic'ot pom, che' jiñi mi caj i pulbeñon c majtañ ya' ti pulʌntib cha'añ c ña'tʌntel jiñʌch xojocña bʌ i yujts'il mi cu'bin.

Numeros 5:26

Jiñi motomaj mi caj i jop junmujch' jiñi majtañʌl mu' bʌ i yʌc' ti ña'tʌntel jiñi x'ixic, cha'añ mi' pul ya' ti pulʌntib.” “Che' bʌ jiñi motomaj tsa'ix i yʌq'ue i jap ja' jiñi x'ixic,

Romanos 12:1

Jiñi cha'añ hermañujob, ti wocol t'añ mic su'beñetla cha'añ ti' p'untaya Dios, aq'uenla Dios la' bʌc'tal che' bajche' tsʌnsʌbil bʌ i majtañ anquese cuxulet to la, jiñʌch ch'ujul bʌ i majtañ yic'ot uts'at bʌ mi' q'uel, jiñʌch i ch'ujutesʌntel ti' isujm.

Romanos 15:16

cha'añ mi cochel ti x'e'tel i cha'añ Jesucristo ti' tojlel gentilob, cha'añ mic su'beñob i wen t'añ Dios, cha'añ mi cʌq'uen Dios jiñi gentilob che' bajche' jump'ejl ofrenda mu' bʌ i mulan, sʌc-esʌbil bʌ ti Ch'ujul bʌ Espíritu.

Efesios 5:2

Ti pejtelel chuqui mi la' mel c'uxbin la' bʌ che' bajche' tsi' c'uxbiyonla Cristo, tsi' yʌc'ʌ i bʌ ti chʌmel cha'añonla che' bajche' tsʌnsʌbil bʌ i majtañ Dios, che' bajche' ofrenda xojocña bʌ i yujts'il.

Filipenses 2:17

Tsa'ix la' ñopo Cristo jiñi tsa' bʌ i yʌc'ʌ i bʌ ti tsʌnsʌbil bʌ i majtañ Dios, mi che'ʌch yom mic chʌmel ja'el cha'añ xuc'ul mi la' ñop, wen tijicñayon quic'otetla.

Filipenses 4:18

Tsa'ix la' wʌq'ueyon pejtelel chuqui yom, añ i ñumel; jasʌlix, Epafrodito tsi' ch'ʌmbeyon tilel ti pejtelel; la' wofrenda, xojocña i yujts'il yilal, lajal bajche' pulbil bʌ i majtañ Dios mu' bʌ i mulan, uts'at bʌ mi' q'uel.