Levitico 2:11 - Jiñi Tsiji' bʌ Wen T'añ cha'añ Estudio

¹¹ “Mi junchajpic majtañʌl mi caj la' pulbeñon xʌbil bʌ ti cha'b o ti levadura.

Chol de Tumbalá Bible

¹¹ Mach yomic xʌbʌl yic'ot levadura* mi junchajpic jini majtañʌl mu' bʌ a wʌq'ueñon. Mach yomic che' xʌbʌl ti chab mic pulbentel c majtan.

Chol: I T’an Dios

¹¹ Mach yomic xʌbʌl yic'ot levadura mi junchajpic jini majtañʌl mu' bʌ a wʌq'ueñon. Mach yomic che' xʌbʌl ti chab mic pulbentel c majtan.

Levitico 2:11 Iomraidhean Croise

Exodo 23:18

Mach mi la' wʌq'ueñon i ch'ich'el c majtañ temel yic'ot waj am bʌ i levadurajlel, mi yomic mi' cʌlel i lewil jiñi majtañʌl c'ʌlʌl ti yijc'ʌlal.

Exodo 29:25

Ti wi'il mi caj a ch'ʌmbeñob ti' c'ʌb cha'añ ma' pul ya' ti pulʌntib, temel yic'ot jiñi pulbil bʌ majtañʌl che' bajche' xojocña bʌ i yujts'il ti' tojlel lac Yum. Jiñʌch majtañʌl pulbil bʌ ti' tojlel lac Yum.

Exodo 34:25

Che' mi la' wʌq'ueñon tsʌnsʌbil bʌ c majtañ, mach yomic mi la' xʌ' otsan waj am bʌ i levadurajlel, mi yomic mi la' cʌyben i colojbal cha'añ ti yijc'ʌlal, che' ti yorajlel i q'uiñilel Pascua.

Levitico 1:13

Mi caj i ñaxan pocob ti ja' i soyta' yic'ot i ya', jiñi motomaj mi caj i pul ti pejtelel ya' ti pulʌntib. Jiñʌch pulbil bʌ majtañʌl xojocña bʌ i yujts'il tic tojlel.”

Levitico 6:10

Jiñi motomaj mi caj i lʌp lino bʌ i pislel yic'ot i borwex, che' bʌ tsa'ix ujti ti pulel jiñi majtañʌl, mi caj i much'quiben i tʌñʌl ya' ti' pam pulʌntib, che' jiñi much'ul mi' cʌy ya' ti' t'ejl pulʌntib.

Mateo 16:6

Jesús tsi' su'beyob: —Chʌcʌ q'uele la' bʌ cha'añ i levadura jiñi fariseojob yic'ot saduceojob.

Marcos 8:15

Jesús tsi' su'beyob: —Chʌcʌ q'uele la' bʌ cha'añ i levadura fariseojob yic'ot i levadura Herodes.

Lucas 12:1

Ti jim bʌ ora tsi' tempayob i bʌ bajc'ʌl wiñicob x'ixicob jinto che' wolix i t'uchtʌbeñob i bʌ i yoc, Jesús tsa' caji i ñaxan pejcan xcʌnt'añob i cha'añ, tsi' yʌlʌ: —Chʌcʌ q'uele la' bʌ cha'añ i levadura fariseojob, jiñʌch i cha'chajplel i pusic'al.

Lucas 21:34

Chʌcʌ q'uele la' bʌ ame tsʌts-ac la' pusic'al cha'añ la' wo'lel yic'ot yʌc'ʌjel che' mi la' c'oj-ojtan chuqui tac añ ti pañimil, ame i bʌc' tajetla ili q'uiñ.

Hechos 14:22

Tsi' ch'ejl-esʌbeyob i pusic'al xñopt'añob, tsi' xic'beyob cha'añ xuc'ul mi' chʌn ñopob i t'añ Dios yic'ot tsi' su'beyob: “Wersa yom mi lac ñusan ca'bʌl wocol cha'añ mi la cochel ti' yumʌntel Dios.”

Gálatas 5:9

Jasʌl ts'ita' levadura cha'añ mi' laj paj-esan caxlan waj.

1 Pedro 4:2

Jiñi cha'añ ma'añix mi' chʌn jac' i colosojlel i pusic'al che' bajche' yaño' bʌ, come tsa'ix i cʌyʌ tsucul bʌ i pusic'al cha'añ mi' mel bajche' yom Dios mach che'ic bajche' yom i pusic'al.