Levitico 2:10 - Jiñi Tsiji' bʌ Wen T'añ cha'añ Estudio

¹⁰ I colojbal jiñi majtañʌl mu' to bʌ i cʌytʌl i cha'añix Aarón yic'ot i yalobilob cha'añ mi' c'uxob. Pero ch'ujulʌch c majtañ ti' pejtelel.”

Chol de Tumbalá Bible

¹⁰ Jini i colobal majtañʌl mu' bʌ i cʌytʌl i cha'anix Aarón yic'ot i yalobilob cha'an mi' c'uxob. Pero ch'ujulʌch c majtan ti pejtelel.

Chol: I T’an Dios

¹⁰ Jini i colobal majtañʌl mu' bʌ i cʌytʌl i cha'anix Aarón yic'ot i yalobilob cha'an mi' c'uxob. Pero ch'ujulʌch c majtan ti pejtelel.

Levitico 2:10 Iomraidhean Croise

Levitico 10:12

Moisés tsi' su'be Aarón, yic'ot i yalobilob i c'aba' Eleazar yic'ot Itamar, jiñi tsa' to bʌ cʌleyob: “Ch'ʌmʌla jiñi trigo bʌ majtañʌl tsa' bʌ colojbaji che' bʌ tsa' la' wʌq'ue i majtañ lac Yum ya' ti pulʌntib. Yom mi la' c'ux jiñi waj mach bʌ añic i levadurajlel ya' ti' t'ejl jiñi pulʌntib, come ch'ujulʌch jiñi majtañʌl.

Levitico 14:13

Mi caj i tsʌnsan jiñi tʌñʌme' ba' mi' tsʌnsʌntel jiñi alʌc'ʌl cha'añ i tojol mulil yic'ot mu' bʌ i laj pulel, ya' ti Tabernáculo. Come jiñi majtañʌl cha'añ i tojol mulil yic'ot jiñi majtañʌl cha'añ i ñusʌntel mandar i cha'añʌch motomaj. Jiñʌch wen ch'ujul bʌ majtañʌl.”

Levitico 2:3

Jiñi i colojbal jiñi juch'bil bʌ trigo, jiñʌch majtañʌl wen ch'ujul bʌ cha'añ mic pulbentel, i cha'añix Aarón yic'ot i yalobilob cha'añ i bʌlob i ñʌc'.”

Levitico 21:22

Mi' mejlel i c'ux jiñi ch'ujul bʌ c waj, jiñi c'ax ch'ujul bʌ c majtañ.

Levitico 5:13

Jiñi motomaj mi caj i yʌc' majtañʌl cha'añ i tojol ti' chajp ti' chajp mulil, che' jiñi, jiñi xmulil mi' ñusʌbentel i mul. I colojbal jiñi majtañʌl i cha'añix jiñi motomaj che' bajche' mi' mejlel ti jiñi majtañʌl loq'uem bʌ ti trigo.”

Levitico 6:16

Aarón yic'ot i yalobilob mi caj i c'uxob i colojbal mu' bʌ i cʌytʌl; mach yomic mi' c'uxtʌl yic'ot levadura ya' ti Ch'ujul bʌ Ajñibʌl; la' i c'uxob i colojbal c majtañ ya' ti' pat jiñi pisil bʌ cotot.

Levitico 6:23

Pejtelel jiñi majtañʌl mu' bʌ i yʌc'ob jiñi motomajob yom mi' laj pulel: Mach yomic mi' c'uxtʌl.”

Levitico 6:9

“Su'ben Aarón yic'ot i yalobilob che' bajche' yom jiñi pulbil bʌ c majtañ: Jiñi c majtañ mi caj i yajñel ti c'ajc c'ʌlʌl mi' ñumel ac'ʌlel c'ʌlʌl mi' sʌc'an pañimil. Yom mi' laj pulel jiñi majtañʌl ya' ti pulʌntib.

Levitico 7:7

“Junsujm jach jiñi mandar cha'añ majtañʌl cha'añ mulil yic'ot ja'el jiñi majtañʌl cha'añ i tojol mulil. Jiñi motomaj jiñʌch mu' bʌ i yʌc' ti ñusʌntel jiñi mulil yic'ot jiñi majtañʌl.

Numeros 18:9

A cha'añʌch pejtelel jiñi ch'ujul bʌ majtañʌl mach bʌ añic mi' pulel ti c'ajc: pejtelel jiñi majtañʌl mu' bʌ cʌq'uentel, pejtelel majtañʌl mu' bʌ i yʌc'ob, pejtelel majtañʌl cha'añ mulil yic'ot majtañʌl tac cha'añ jontolil, ch'ujulʌch ti' pejtelel cha'añet yic'ot cha'añ a walobilob.