Levitico 2:1 - Jiñi Tsiji' bʌ Wen T'añ cha'añ Estudio

¹ “Che' añ juntiquil yom bʌ i yʌq'ueñon trigo tic majtañ, la' i yʌq'ueñon wen juch'bil bʌ trigo yic'ot olivo aceite yic'ot pom.

Chol de Tumbalá Bible

¹ Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Chol: I T’an Dios

¹ Che' an juntiquil yom bʌ i yʌq'ueñon trigo tic majtan, la' i ch'ʌm tilel wen juch'bil bʌ trigo yic'ot olivo aceite yic'ot i pomil.

Levitico 2:1 Iomraidhean Croise

Exodo 29:2

chajpan waj mach bʌ añic i levadurajlel yic'ot pan mach bʌ añic i levadurajlel xajc'ubil bʌ yic'ot olivo aceite yic'ot galleta mach bʌ añic i levadurajlel, bombil bʌ ti olivo aceite; mi caj a mel ti wen juch'bil bʌ trigo.

Levitico 14:10

Che' ti' waxʌcp'ejlel q'uiñ mi caj i pʌy tilel cha'cojt tat tʌñʌme', mach bʌ wis añic i c'am-ʌjel mi i lojwemal, yic'ot juncojt xch'oc tʌñʌme' am bʌ jump'ejl i ja'bilel mach bʌ wis añic i c'am-ʌjel mi i lojwemal, yic'ot wʌcp'ejl kilo harina wen juch'bil bʌ trigo xajc'ubil bʌ ti olivo aceite, yic'ot ojlil litro olivo aceite.

Levitico 24:7

Ya' ti jujuntsolom mi caj a wʌc' pom, cha'añ xojocña jiñi waj che' bajche' pulbil bʌ c majtañ.

Levitico 5:11

“Pero mi ma'añic mi' tajben i tojol cha'añ mi' mʌn cha'cojt xpurwoc o cha'cojt x'ujcuts, jiñi tsa' bʌ i cha'le mulil yom mi' ch'ʌm tilel cha'p'is juch'bil bʌ harina cha'añ i ñusʌntel i mul, pero mach yomic xajc'ubil yic'ot olivo aceite. Mach yomic mi' yʌq'ueñ pom, come jiñʌch majtañʌl cha'añ i ñusʌntel mulil.

Levitico 6:7

Jiñi motomaj mi caj i yʌq'ueñon tsʌnsʌbil bʌ c majtañ cha'añ i tojol i mul jiñi wiñic. Che' jiñi mi caj i taj i ñusʌbentel pejtelel i mul.”,

Levitico 9:17

Ti wi'il tsi' ch'ʌmʌ junmujch' trigo, tsi' pulu ya' ti pulʌntib yic'ot i majtañ lac Yum mu' bʌ i pulbentel ti jujump'ejl sʌc'ajel.

Levitico 9:4

Che' ja'el pʌyʌla tilel juncojt i tat wacax yic'ot juncojt i tat tʌñʌme' cha'añ tsʌnsʌbil bʌ majtañʌl cha'añ i ñʌch'tʌlel la' pusic'al, mi caj la' tsʌnsan ti' tojlel lac Yum, yic'ot majtañʌl, harina xajc'ubil bʌ ti olivo aceite, come lac Yum mi caj i pʌs i bʌ ti la' tojlel wʌle.”

Numeros 18:9

A cha'añʌch pejtelel jiñi ch'ujul bʌ majtañʌl mach bʌ añic mi' pulel ti c'ajc: pejtelel jiñi majtañʌl mu' bʌ cʌq'uentel, pejtelel majtañʌl mu' bʌ i yʌc'ob, pejtelel majtañʌl cha'añ mulil yic'ot majtañʌl tac cha'añ jontolil, ch'ujulʌch ti' pejtelel cha'añet yic'ot cha'añ a walobilob.

Numeros 28:5

jiñi trigo bʌ majtañʌl, yom cha'p'ejl kilo wen juch'bil bʌ harina xajc'ubil bʌ yic'ot jump'ejl litro aceite loq'uem bʌ ti wen pets'bil bʌ i wut olivo.

Numeros 29:18

temel yic'ot c majtañ tac wen chʌmeñ bʌ juch'bil bʌ harina yic'ot c majtañ lʌmʌl tac bʌ, cha'añ jiñi jujuncojt alʌ tat wacax, yic'ot jujuncojt tat tʌñʌme', yic'ot jujuncojt tʌñʌme', che' bajche' c'amel yom cha'añ jujuncojt alʌc'ʌl che' bajche' tsa' c su'beyetla tic Mandar;

Numeros 7:13

Jiñi ofrenda tsa' bʌ i yʌc'ʌ jiñʌch jump'ejl colem plato melbil bʌ ti sʌsʌc taq'uiñ am bʌ i yalel ti jump'ejl kilo yic'ot ojlil yic'ot jump'ejl jarra melbil bʌ ti sʌsʌc taq'uiñ am bʌ i yalel ñumen ti ojlil kilo, che' bajche' mi' tsijquel i yalel jiñi sʌsʌc taq'uiñ ya' ti Ch'ujul bʌ Ajñibʌl. Ti' cha'p'ejlel but'ul ti harina wen chʌmeñ bʌ juch'bil xajc'ubil bʌ yic'ot olivo aceite, cha'añ majtañʌl;

Numeros 7:19

Jiñi ofrenda tsa' bʌ i yʌc'ʌ jiñʌch jump'ejl colem plato melbil bʌ ti sʌsʌc taq'uiñ, am bʌ i yalel jump'ejl kilo yic'ot ojlil, yic'ot jump'ejl jarra melbil bʌ ti sʌsʌc taq'uiñ am bʌ ñumen ti ojlil kilo i yalel, che' bajche' mi' tsijquel i yalel jiñi sʌsʌc taq'uiñ ya' ti Ch'ujul bʌ Ajñibʌl. Ti' cha'p'ejlel but'ul ti harina wen chʌmeñ bʌ juch'bil xajc'ubil bʌ yic'ot olivo aceite, cha'añ majtañʌl;

Numeros 8:8

Ti wi'il mi caj i pʌyob tilel juncojt tat wacax, yic'ot majtañʌl bʌ harina wen chʌmeñ bʌ juch'bil xajc'ubil bʌ yic'ot olivo aceite, ixcu jatet mi caj a pʌy tilel yam bʌ tat wacax cha'añ i ñusʌntel mulil.

Juan 6:35

Jesús tsi' su'beyob: —Joñon jiñi waj mu' bʌ i yʌq'ueñetla la' cuxtʌlel, jiñi mu' bʌ i tsajcañon ma'añic ba' ora mi caj i yu'bin wi'ñal, jiñi mu' bʌ i ñopon ma'añic ba' ora mi caj i tiquin i ti'.

1 Juan 2:20

Pero jatetla aq'uebiletixla jiñi Ch'ujul bʌ Espíritu, jiñi cha'añ mi la' cʌmben isujmlel ti la' pejtelel.

1 Juan 2:27

Tsa'ix aq'uentiyetla jiñi Ch'ujul bʌ Espíritu woli bʌ i chʌn ajñel ti jatetla, jiñi cha'añ mach wersajic mi' cʌntesañetla yam bʌ, come cʌntesʌbiletla ti Espíritu ti pejtelel chuqui yom. Isujmʌch i cʌntesa, mach lotic. Che' bajche' tsi' cʌntesayetla, che'ʌch yom mi la' chʌn ajñel ti Jesús.

Judas 1:20

Pero jatetla c'uxbibilet bʌ la, xuc'chocon la' bʌ ti jiñi ch'ujul bʌ t'añ woli bʌ la' ñop, pejcanla Dios ti jiñi Ch'ujul bʌ Espíritu.

Apocalipsis 8:3

Tsa' tili yam bʌ ángel, tsa' wa'le ti' tojel i pulʌntib i majtañ Dios, chucul i cha'añ i yajñib pom melbil bʌ ti oro. Tsa' aq'uenti ca'bʌl pom cha'añ mi' xʌb yic'ot i yoración pejtelel i cha'año' bʌ Dios, tsi' yʌc'ʌ ti pulel ti pam pulʌntib melbil bʌ ti oro ya' ti' tojel i buchlib Dios.